Ekleziastika 44
44
2. EO AMIN’NY TANTARA (1Mak 2,51-64; Heb 11)
Fiderana ireo razana malaza
1Ataovintsika izao ny fiderana ny olo-malaza#44,1 Ataovintsika ny fiderana ny olo-malaza. Mbola miverina ao amin’ny andininy faha-15, ary hita amin’ny andininy maromaro ao amin’ny Soratra Masina izany hevitra izany. Grotius, mpanao hevi-teny malaza tamin’ny Protestanta dia milaza fa ny fankalazana ny olo-malaza dia fomba fanao tao amin’ny Jody, izay nankalazainy tao an-tempolin’i Jerosalema, ary na tamin’ireo sinagoga tamin’ny tanàna hafa aza. Ary ny ambaran’ny mpanoratra ny Soratra Masina amin’io teny io, dia ny fomba tokony hataon’ny fiangonana amin’ny fety fankalazana azy ireo. Koa noho izany, ry zareo hafa finoana, dia tsy tokony ho tafintohina na ho taitra foana raha amin’ny fombam-pivavahan’ny Eglizin’i Jesoa Kristy, misy fankalazana na fahatsiarovana ny Apôstôly sy ny martiry ary na dia ny olo-marina tamin’ny Testamenta taloha aza. Ny Sinagoga, dia trano fiangonan’ny Jody.,
sy ny razan’ny karazantsika.
2Nanao zava-mahagaga be voninahitra amin’izy ireo ny Tompo;
naneho ny fahalehibeazany hatramin’ny voalohany Izy.
3Izy ireo dia mpanjaka teo amin’ny fanjakany#44,3 Amin’ny fanjakany. Ny olo-malaza tamin’ny firenena izay deraina amin’ity andininy ity sy amin’ny andininy telo manaraka, dia ireo mpitarika ny vahoaka, ny mpanjaka be fahefana, ny mpanolo-tsaina mahay, ny mpanao hira kinga, ny mpanao tononkira masina, ny zanak’andriana mpanefoefo izay tsy mba tia ady sady finaritra.;
lehilahy malaza noho ny fahefany,
mpanolo-tsaina feno fahendrena,
manambara ny sitrapon’Andriamanitra tamin’ny faminaniany#44,3 Manambara... tamin’ny faminaniany: izany hoe, nasehon’izy ireo fa mpaminany izy. I Abrahama, i Isaaka, i Jakôba ary i Môizy sns. indrindra no nampiseho fa manana ny fanahy faminaniana.;
4Mpitarika ny vahoaka tamin’ny toroheviny amam-pahamalinany,
mpampianatra ny vahoaka, nanoro azy tamin’ny teny maneho fahendrena;
5olona nianatra ny fahaiza-mamoron-kira masina,
sady nandatsaka an-tsoratra tantara mirindra;
6mpanan-karena, nanam-pananana be,
nonina tao an-tranony tamim-piadanana:
7Izany olona rehetra izany dia nohajain’ny niara-belona taminy,
samy voninahitry ny fotoana niainany avokoa.
8Ny sasany tamin’izy ireo, namela anarana,
ka azo atao ny mitantara ny fiderana azy.
9Ny sasany kosa dia tsy misy ahatsiarovana azy intsony;
fa levona toy ny tsy nisy akory;
nanjary toy ny tsy teraka akory,
ary toy izany koa ny zanany nanaraka azy.
10Ireo voalohany dia olona tia vavaka,
ka tsy hadino ny hatsaram-panahiny.
11Raikitra ho anjaran’ny taranany ny hasambarana
ary misy lova azo antoka ho an’ny zanany.
12Maharitra tsy mivadika amin’ny fanekena ny taranany;
mbamin’ny zanany koa noho ny amin’izy ireo.
13Maharitra mandrakizay ny taranany,
ary tsy ho levona na oviana na oviana ny voninahiny.
14Ny vatany nalevina tamim-piadanana
ary ny anarany velona amin’ny taona mifandimby.
15Ny vahoaka mankalaza ny fahendreny;
ary ny fiangonana mitory fiderana azy.
I Enôka
(Jereo Jen 5,24; Heb 11,5)
16Sitraky ny Tompo i Enôka ka nafindra#44,16 Nafindra. Asa na ny Paradisa an-tany, na ny lanitra no namindrana an’i Enôka; fa araka ny lovantsofina tanan’ny Kristianina, sy ny Jody, dia mbola velona ihany izy izao, ary tsy maintsy ho avy amin’ny fitsarana farany mba hiady amin’ny Antikristy (ampitahao Jen 5,22-24; Heb 11,5; Apôk 11,5).;
ohatra amin’ny fivalozana, ho an’ny taranaka.
I Nôe
17Hita fa lavorary sady marina i Nôe#44,17 Lavorary sady marina i Nôe: jereo Jen 6,8; 7,1.;
izy no avotra ho an’ny olombelona#44,17 Izy no avotra ho an’ny olombelona: satria noho Izy sy noho ny nataony no nitahiana ny taranak’olombelona. tamin’ny andron’ny fahatezerana,
hany ka mbola nisy sisa tavela tamin’ny tany,
tamin’ny nahatongavan’ny safodrano.
18Nisy fanekena mandrakizay natao taminy,
mba tsy handringana ny nofo rehetra amin’ny safodrano intsony.
I Abrahama
19Raza-malazan’ny firenena maro#44,19 Raza-malazan’ny firenena maro: jereo Jen 15,18; 22,1-13 i Abrahama,
ary tsy nisy olona nitovy voninahitra taminy.
20Nitandrina ny lalàn’ny Avo Indrindra izy,
ary nanao fanekena taminy.
Naoriny tamin’ny nofony#44,20 Naoriny tamin’ny nofony, sns. Ny lazaina amin’izany, dia ny famorana. izany fanekena izany;
ary niseho ho mahatoky izy tamin’ny fizahan-toetra#44,20 Fizahan-toetra: fitsapan-toetra izay nisehoan’ny finoany sy ny fitiavany an’Andriamanitra, tamin’ilay nandidiana azy hanao sorona an’i Isaaka zanany (jereo Jen 22). azy.
21Ka dia nanome toky azy tamim-pianianana Andriamanitra
fa amin’ny taranany no hitahiana ny firenena;
nomeny toky fa hohamaroiny toy ny vovoky ny tany izy
sy hasandrany toy ny kintana ny taranany,
ary homeny ho lovany ny hatramin’ny ranomasina ka hatramin’ny ranomasina,
hatramin’ny ony ka hatramin’ny faran’ny tany#44,21 Jereo Jen 22.15-18.
I Isaaka sy i Jakôba
22Nohamafisiny toy izany tamin’i Isaaka koa noho ny amin’i Abrahama,
ny fitahiana ny firenena rehetra#44,22 Fitahiana ny firenena rehetra. Ny lazaina amin’izany, dia ny Mesia izay tsy maintsy hateraky ny taranak’i Abrahama (jereo Jen 17,19; 16,3-5. 24), sy ny fanekena.
23Raha efa izany dia nataony mipetraka teo an-dohan’i Jakôba#44,23 An-dohan’i Jakôba: izany hoe, ny fampanantenana nataon’Andriamanitra tamin’i Abrahama, dia nafindra tamin’i Isaaka ary napetraka koa tamin’i Jakôba. izany fitahiana izany
ka nataony anton’ny fitahiany ny olona izy;
nomeny ho lovany ny tany;
24natokotokony maro izany,
dia nozarainy tamin’ny foko roa ambin’ny folo.
Voafantina amin'izao fotoana izao:
Ekleziastika 44: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.