Tononkira dia Tononkira 7
7
Antoko-mpihira
1Miverena, miverena ry Solamita.
Miverena, miverena, mba hijerenay anao#7,1-6 Mandihy ny ampakarina, ary ny zazavavy mpanotrona azy midera azy sy ny fihetsehany; ampitahainy amin’i Palestina, Karmela, Hesebona..
Mpampakatra
Ahoana ianareo no mijery ny Solamita
tahaka ny dihy any Makanaima.
Antoko-mpihira
2Endrey izany hatsaran’ny tongotrao misy kapa,
ry zanaka vavin’andriandahy!
Ny filefitry ny valahanao tahaka ny rado,
asan-tanan’ny mpahay zavatra.
3Ny foitra dia kôpy kivorivory
tsy ilaozan-divay voaisy zava-manitra.
Ny kibonao toa varimbazaha mitoby,
voahodidina lisy.
4Ny nononao roa toa zana-tserfavavy roa,
zanaka kamban’ny gazela iray.
5Ny vozonao tahaka ny tilikambo ivoara;
ny masonao tahaka ny kamorin’i#7,5 Ny masonao tahaka ny kamory. Ny loharano dia nomen’ny Jody anarana hoe: maso. Hesebona,
anilan’ny vavahadin’ity tanàna be mponina.
Ny oronao tahaka ny tilikambo any Libàna,
izay manatrika ny ilan’i Damasa.
6Ny lohanao mipetraka eo amboninao tahaka an’i Karmela,
ny volon-dohanao tahaka ny jaky mena;
voasinton’ny fiolikoliny ny mpanjaka.
Mpampakatra
7Soa loatra ity ianao, mahafinaritra ity ianao,
ry fitiavako ao anatin’ny fahafinaretana#7,7-9 Ny mpampakatra koa midera ny ampakarina; ary izy koa derainy (10-14 sy 8,1-4), sy angatahiny mba hiaraka ho any an-tsaha. Ity filazana ny toe-batan’ny ampakarina ity dia heverin’ny sasany ho tsy mety loatra ka mety hatafintohina aza. Toy izany koa ny zavatra maro voalahatra ao amin’ny Tononkira, dia tsy maotina, hono, ka tsy tokony hatao anisan’ny Soratra Masina. Ho valin’izany dia diniho izao: 1) Tso-toe-piainana ny Jody; ka ny fiteniny koa tsotra, tsy be olakolaka. Hita izany hatramin’ny Jenezy ka hatramin’ny bokin’ny mpaminany. - 2) Any Atsinanana ny lehilahy tsy miray efitra amin’ny vehivavy, ka samy tsy ilana fahatanan-tena mafy loatra ny resak’izy roa tonta. Ny fitafiany koa, noho ny hafanana, dia maivana ihany ary tsy mahasarona ny tena rehetra fa izay ampy tsy hitanjahana ihany; ka tsy mampihevitra ratsy ny milazalaza ny rantsam-batana hita miseho mandrakariva. - 3) Sady tsy iza koa no milazalaza ny toe-batan’ny ampakarina, tsy mba olon-kafa akory, fa ireo mpanotrona azy, izay efa zatra aminy; ary ny ilazany izany dia ny mpampakatra ihany. - 4) Farany tsy azo lavina anefa fa amin’ny olon-kafa dia mety hisy fanafintohinana ny mamaky ity bokin’ny Tononkira ity. Koa noho izany, ny olona madio fo sy madio saina ary madio sofina ihany no tokony hamaky azy, hoy i Masindahy Bernard. Ary ny Jody aza tsy nanome azy hovakin’ny olon-drehetra tsy an-kanavaka, fa ny olona manambady sy efa telopolo taona ihany no avelany hamaky azy..
8Ny tsangananao manahaka ny fototr’andrendry#7,8 Ny tsangananao nanahaka ny fototr’antrendry Fanoharana ny Tononkira: oharina amin’ny mpampakatra sy ny ampakarina i Jesoa Kristy sy ny Eglizy na ny fanahy kristianina, indrindra fa i Masina Maria. Ary arakaraka ny fomban-dahateny fanoharana, dia tsy mitovy amin’ny zavatra rehetra tsy akory ny oharina sy ny enti-manohatra, fa amin’ny sasany ihany. Koa misy zavatra maromaro ihany voalaza ao momba ny enti-manohatra; kanefa tsy mifanandrify loatra na azo hahatra amin’ilay anoharana azy. Koa ny zavatra izay mitovy ihany no tokony hotanana sy dinihina tsara, satria izany indrindra no kendren’ny mpanoratra, fa ny sisa kosa dia famenon-teny fotsiny. Koa araka izany dia ny fifankatiavan’ny mpampakatra sy ny ampakarina, ny fifaliany amin’ny fifankahitany, ny faniriany te-hiara-mipetraka sy hiray, sns., izay mampiseho ny fifankatiavan’i Jesoa Kristy sy ny Eglizy na ny fanahy, izany hoe, ny fanasoavan’i Jesoa Kristy azy, ny faniriany te hihaona sy hiray aminy sns. no tokony hodinihina indrindra eto amin’ny Tononkira. Ny hatsaran-tarehin’i Jesoa Kristy, ny hatsaran-tarehin’ny Eglizy sy ny fanahy manana ny fahasoavana, izany no tokony hosainina sy hoeritreretina fatratra.,
ary ny nononao, no toy ny sampahony.
9Ka hoy aho: Hananika ny fototr’antrendry aho,
dia handray ny sampahony.
Aoka ny nononao ho tahaka ny sampahom-boaloboka;
ny hanitry ny fofon’ainao, ho toy ny an’ny pôma;
10ary ny vavanao ho toy ny divay voafantina...!
Ampakarina
Izay mitsororoka moramora ho an’ny malalako,
mitsoriaka eo amin’ny molotry ny matory.
11An’ny malalako aho,
ary atỳ amiko no alehan’ny faniriany.
12Avia, ry malalako, andeha isika ho any an-tsaha;
andeha isika handry any amin’ny vohitra any.
13Ho any an-tanimboaloboka, vao maraina isika,
ka ho hitantsika raha mitsiry ny voaloboka,
raha mivelatra ny tsiriny,
raha mamòny ny ampongabendanitra;
ary homeko anao ny fitiavako.
14Mamerovero ny hanitry ny mandragora,
ary ao am-bavahadintsika avokoa ny voankazo tsara indrindra,
na ny vaovao na ny tranainy:
notahiriziko ho anao izany, ry malalako.
Voafantina amin'izao fotoana izao:
Tononkira dia Tononkira 7: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.