Fahendrena 1
1
1. NY FAHENDRENA SY NY ANJARA MIANDRY NY OLOMBELONA
Tadiavo Andriamanitra ary andosiro ny fahotana.
1Tiavonareo ny fahamarinana, ianareo izay mpitsara eto an-tany; aoka ho araka ny hitsiny no fihevitrareo ny Tompo, ary amin’ny fo marina no hitadiavanareo Azy; 2fa mety ho hitan’izay tsy maka fanahy Azy Izy, ary miseho amin’izay matoky Azy.
3Satria ny hevi-dratsy, mampisaraka amin’Andriamanitra, ary ny fahefany raha misy maka fanahy Azy miampanga ny adala. 4Ny fahendrena tsy mba miditra amin’ny fanahy misain-dratsy, ary tsy monina amin’ny vatana andevon’ny fahotana. 5Ny Fanahy Masina, mpanabe ny olona mandositra ny hafetsen-dratsy, manalavitra ny hevitra tsy misy saina, ary mihataka Izy raha mandroso ny heloka#1,5 Mihataka Izy, sns. Ny Fanahy Masina dia miditra ao am-pon’ny olona; nefa hihatahany izany olona izany, raha toa mivarilavo amin’ny faharatsiana..
6Fa fanahy tia ny olombelona ny fahendrena, ka tsy avelany ho afa-potsiny ny mpiteny ratsy an’Andriamanitra amin’ny teny ratsy ataony. Satria Andriamanitra dia vavolombelon’ny voany#1,6 Vavolombelona: izany hoe, mahita, mahalala Voany: Io teny io dia mazàna entin’ny Soratra Masina milaza ny ao anatin’ny olombelona, dia ny hevitra izay miafina indrindra., Mpamantatra marina ny fony, ary mandre ny teniny.
7Fa manerana an’izao tontolo izao#1,7 Manerana an’izao tontolo izao ny Fanahin’ny Tompo Koa noho izany tsy misy fitoerana izay tsy misy Azy, henony sy fantany daholo ny teny sy ny resaka rehetra, na dia izay miafina indrindra aza. ny Fanahin’ny Tompo#1,7 Ny Fanahin’ny Tompo Ny Fahendrena koa lazaina fa manerana ny zavatra rehetra. Jereo 7,24; 8,1. Toa olona iray na zavatra iray ihany no tondroin’ny anarana roa hoe, Fahendrena sy Fanahin’ny Tompo. Ary ao aminy avokoa ny zavatra rehetra; izany hoe, Izy no mitana ny zavatra rehetra tsy hihahaka foana, ary mampilamina azy tsy hikorontana toy ny tamin’ny niandohany (Jen 1,2)., ary ao aminy avokoa ny zavatra rehetra, ka reny daholo izay lazain’ny olona. 8Ka izay manao resaka mifanohitra amin’ny fivavahana tsy afa-miery dia tsy hohadinoin’ny fitsarana mpankafay ny ratsy. 9Fa hanaovana famotorana ny hevitra kasain’ny tsy mpivavaka, ary ho tonga hatrany amin’ny Tompo ny fisamonin’ny teniny, mba hosazina amin’ny ratsy nataony izy. 10Ny sofina saro-piaro, mandre ny zavatra rehetra, ary tsy miery aminy ny fimonomononana; 11koa fadio ny fimonomononana tsy mahasoa, ary arovy ny lelanao tsy hiteny ratsy an’Andriamanitra, fa ny teny an-tsokosoko indrindra raha haloaky ny vava tsy maintsy sazina, ary ny vava mandainga, hampahazo fahafatesana ny fanahy. 12Ka aza dia mitady faty amin’ny fitondran-tena miavona; na mihantsy fahaverezana, amin’ny asan-tananareo. 13Fa tsy nanao#1,13 Tsy nanao ny fahafatesana: ny Seoly, hoy ny Hebrio ny fahafatesana#1,13 Fahafatesana Tsy hevitr’Andriamanitra hatramin’ny voalohany indrindra ny fahafatesana (jereo toko 2,23). Andriamanitra, ary tsy sitrany ny fahaverezan’ny velona. 14Noarîny ho amin’ny fiainana ny zavatra rehetra, ka mahasoa ny zava-boaarin’izao tontolo izao; tsy misy foto-pahalevonana ao aminy, ary tsy mba manjaka eto ambonin’ny tany ny fahafatesana. 15Satria tsy mety maty ny fahamarinana.
Ny fiainana araka ny hevitry ny ratsy fanahy.
16Fa ny ratsy fanahy no miantso ny fahafatesana#1,16 Ny ratsy fanahy miantso ny fahafatesana... ataony sakaizany, sns. Ny ataony, sy ny teniny ratsy sy mahameloka, mahamendrika azy havarina amin’ny fahafatesana mandrakizay. amin’ny fihetsiketsehany sy ny feony; ataony sakaizany ilay io ka fatra-pitia azy izy ireo, dia manao fanekena aminy, ka dia mendrika tokoa ny mba azy.
Voafantina amin'izao fotoana izao:
Fahendrena 1: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.