Fahendrena 3
3
Ny miandry ny olo-marina sy ny olon-dratsy.
1Eo an-tanan’Andriamanitra ny fanahin’ny marina, ka tsy mahatratra azy ny fijaliana#3,1 Fijaliana: na hoe fahafatesana. 2Hoatry ny maty izy, araka ny fiheveran’ny adala azy, ary hoatry ny loza ny fiàlany amin’izao fiainana izao, 3ary toa fahalevonana ny fandehany avy eo afovoantsika; kanjo ao anatin’ny fiadanana#3,3 Anatin’ny fiadanana: izany hoe, mifaly amin’ny hasambarana tonga lafatra sy hafaliana tapitra ohatra Ka noho izany ihany no iantsoan’ny Soratra Masina ny toetry ny fanahin’olo-masina hoe fiadanana rehefa maty izy. Ampitahao 2Mp 22,20; Ekl 14, sns. izy.
4Na dia niharan-tsazy aza izy, eo imason’ny olombelona, ny fanantenany kosa henika ny tsy fetezana ho faty. 5Rehefa afaka ny fijaliana maivana#3,5 Rehefa afaka ny fijaliana maivana: Ampitahao Rm 8,18; 2Kôr 4,17. foana dia handray valisoa lehibe izy: fa efa nozahan’Andriamanitra toetra izy, ka hitany ho mendrika Azy. 6Notsapainy toy ny volamena atao amin’ny memy izy, ka nankasitrahiny, toy ny sorona dorana lavorary. 7Amin’ny andro hamalian-tsoa azy, hamirapiratra izy ireo; tahaka ny kilalaon’afo hivoivoy haingana amin’ny bozaka. 8Hitsara ny firenena sy hanapaka ny vahoaka izy; ary hanjaka aminy mandrakizay ny Tompo. 9Izy ireo niantehitra taminy ka hahafantatra ny marina; hiara-monina aminy amim-pitiavana, ny miraiki-po aminy, satria ho an’ny olom-pinidiny ny fahasoavana amam-pamindram-po.
10Hihatra amin’ny ratsy fanahy kosa ny sazy tandrifin’ny hevi-dratsiny; fa izy naniratsira ny olo-marina, sady nihataka tamin’ny Tompo. 11Fa na zovy na zovy manary ny fahendrena amam-pananarana dia voatendry ho amin’ny loza: foana ny fanantenany, tsy mahavokatra ny fisasarany, tsy misy tombony ny asany; 12adala#3,12 Adala: izany hoe: mpiletra, ankangavavy, ratsy fitondran-tena Matetika ao amin’ny Soratra Masina ny teny hoe adala, dia entina milaza ny ratsy fanahy. ny vadiny, feno haratsiana ny zanany; ary voaozona ny taranany.
Aleo momba toy izay ratsy taranaka
13Noho izany sambatra ny vehivavy momba, tsy misy panda, tsy azon’ny fahalotoana ny fandriany! Fa hahazo ny vokany izy, amin’ny andro hamangiana ny fanahy#3,13 Hamangiana ny fanahy: izany hoe, rehefa tonga hitsara ny fanahin’ny olo-masina Andriamanitra, amin’ny andron’ny fahafatesana sy ny fitsarana - Araka ny lalàn’i Môizy, dia nampanantenainy fa homena fara mandimby ny olo-marina, fa ny ratsy fanahy kosa tsy hanan-janaka (Ef 23,26; Lev 20,20; Deter 7,14). Koa nataon’ny Hebrio ho loza sy ho fahafaham-baraka ny tsy fananan-janaka (Jen 30,23; Lk 1,25). Nefa lazaina eto kosa fa aleo olona tsara fanahy sy mpivavaka tsy manan-janaka; toy izay olona ratsy fanahy sy tsy mpivavaka manana solofo sy fara mandimby betsaka..
14Sambatra koa ny eonòka#3,14 Eonòka: olona manan-toetra vitana Nahary tsy ho afaka hanambady Ny olona izay tena eonòka marina dia tsy mba nisaina ho isan’ny vahoaka tamin’i Israely (Deter 23,2); ary tsy mba navela hanao fanompoana masina tao amin’ny tempoly (Lev 21,20). Raha masim-pitondran-tena anefa izy ireo dia hanana toerana be voninahitra any an-danitra. Zahao Iz 56,3-5., tsy mbola nahalala heloka ny tanany, sady tsy namoron-kevi-dratsy manohitra ny Tompo! Fa handray ny valisoa voafantina izy, noho ny tsy fivadihany; ary hahazo anjara soa indrindra izy ao an-tranon’ny Tompo. 15Satria ny fanaovana asa soa, mahavokatsoa be voninahitra, ary ny fàkan’ny fahamalinana tsy mba maty.
16Fa ny zanaky ny mpanera vadin’olona#3,16 Tokony hotandremana kely ireo teny milaza ny hoe: zanaky ny mpijangajanga, na mpanera vadin’olona Tsy hihatra amin’izy ireo akory ny famaizan’Andriamanitra, raha toa tsy maka tahaka ny fitondran-tena ratsin’ny ray aman-dreniny izy, satria ny helok’izay nahitana masoandro, tsy hitsaran’ny Tompo an’izay naloaky ny kibony, raha tsy niray tetika taminy izy tsinona, na nanao ny fanaony; koa noho izany, mety hisy voavonjy ny zanaky ny tokantranomaso, ary mba mety hisy very koa, na dia ny zanaky ny olo-masina aza. kosa, tsy hahafantatra ny fara androny, ary ny taranaky ny fiterahana meloka ho foana. 17Raha lava ny andro iainany, dia hatao tsinontsinona izy ireo, ary ny fahanterana hiafarany, tsy hisy hajany. 18Raha malaky maty izy, tsy hanam-panantenana na fiononana amin’ny fitsarana#3,18 Fitsarana: Izany hoe, ny fitsaràn’Andriamanitra izay hibaribarian’ny zavatra rehetra. 19Fa ratsy miafara mandrakariva ny taranaka tsy marina#3,16-19 Fa ny hevitr’izany teny izany and 16-19 dia ny momba izao fiainana izao; ary hita marina tokoa fa matetika ny taranaky ny ratsy fanahy dia tra-pahoriana sy fadiranovana..
Voafantina amin'izao fotoana izao:
Fahendrena 3: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.