Mahafantatra ny Feon'Andriamanitra // Mianatra Mihaona AminySantionany

Sary an-tsaina sy Fidirana Lalina kokoa

Ny Fanahy Masina ao anatinay, izao no renay ho anareo :

Mety tsy ho ela, ny lalana ahatongavako any aminao. Mety tsy halefaka — ary tena tsy araka ny nantenainao. Fa mbola betsaka ny zavatra tiako haseho anao. Misy toerana, lalina kokoa, izay tiako hitondrana anao. Misy zavatra tiako hambara aminao—ary tsy ny masonao no hahita ny zavatra tiako ho hitanao. Fa ny eritreritrao no fomba ampiasako , raha toa avelanao.

Voalohany, tadidio fa tsy tao amin'ny hazavana no namoronako anao voalohany. Alao sary an-tsaina àry ny haizina. Ary alaivo sary an-tsaina ny hazavana avy eo. . . Efa nisy ianao talohan'ny namoronako anao ara-batana. Ary ny tiako haseho anao dia misy, na dia amin'izao fotoana izao aza—ary mandrakariva—na dia tsy voatery ho eo amin'ny tontolo ara-batana aza ny endriny. Ny ara-batana, hitanao, dia azonao tsapain-tanana amin'ny alalan'ny fifandraisana miaraka amin'ny ao an-tsainao, ao am-ponao. Afaka mahita sy mahatsapa ianao, ao an-tsainao, izay nomeko anao mba hiarahanao miaina Amiko. Ary izay hitanao, izay iainanao miaraka amiko, dia hanambara aminao bebe kokoa ny maha-Izaho Ahy.

Eny, afaka mamaky momba ahy ianao. Eny, henonao ao am-ponao ny feoko. Eny, azonao atao ny mivavaka sy manaraka ary manaja ny fahendrena omeko anao, kanefa mila betsaka kokoa noho izay ve ianao? Te hahita izay mety mbola tsy noeritreretinao akory ve ianao? Tianao ve ny handrotsahako ny tenako ao an-tsainao mba hiainanao zavatra izay mbola tsy nandalo ny sainao hatrizay? Tianao ve izaho hanampy anao haka sary ant-tsaina izany?

Akimpio ny masonao ry malala. Avelao aho hampangina anao. Ndao ary . . . hiditra lalina kokoa. Avelao aho hitondra anao lalindalina kokoa. Eto ary, indro ny tanako. Tsapanao ve izany? Manampy anao hahatsapa izany Aho. Jereo ary, fa tsy amin'ny masonao. Jereo amin'ny fonao. Jereo amin'ny sainao. Ireo zavatra misy dikany dia tsy voatery ho misy dikany intsony. Ainga vaovao aho. Avelao Aho haneho malalaka, izay inoanao momba ahy, izay fantatrao sy takatrao ny amiko. 

Mino ianao fa tsara aho? Mamelà Ahy hampiseho aminao izany. Mino ve ianao fa mahery Aho? Mamelà ahy hasehoko anao izay azoko atao. Mino ve ianao fa miaraka aminao Aho, mitondra fanasitranana, mihazona ny kintana sy ny volana ary izao rehetra izao sy ny hafa tsy tambo-isaina --Mino ve ianao fa mihazona azy ireo eo an-tanako Aho? Te hitondra anao amin'ny "aventure" aho, Izaho sy ianao irery. Saingy tsy maintsy matoky ahy ianao - ary apetraho amin'ny tany ny fisalasalana mandritra ny fotoana fohy. Akimpinao ary ny masonao . . Na tsia . . . Afaka miasa koa aho na misokatra aza ny masonao . . . Andao ary.

Fanazaran-tena

Asaina ianao, ry namako, handeha hanao "aventure", amin'izao fotoana izao.

Nametrahana fanontaniana vitsivitsy ianao: 

Tianao ve ny Fanahy Masina hirotsaka ao an-tsainao mba hiainanao izay tsy noeritreretinao hatrizay? Tianao ve izy hanampy anao haka sary an-tsaina izay mbola tsy hitan’ny masonao?

Mba hanaovana izany, dia tsy maintsy vonona ny hanokatra ny sainao sy ny fonao ianao. Tokony ho vonona ny hisokatra amin'ny fahitana sy fihainoana ary fanandramana izay mbola tsy niainanao hatrizay ianao. . . Vonona ve ianao hamela ny Fanahy Masina hanokatra ny sainao ho amin'ny . . . Fitiavana bebe kokoa, fahagagana bebe kokoa, fahatsarana bebe kokoa, fifaliana bebe kokoa, fiadanana bebe kokoa?

Manana zavatra betsaka kokoa ho antsika tsirairay avy Izy. . . zavatra maro kokoa hampandrenesana, hampiainana, hampahafantarana, hampanehoana fitia. . . Ary mahazo santatra sy tsiron'izany isika, . . . ny amin'ny Voninahiny, ny Hatsarany, ny Fitiavany mandritra ity fiainana ity. Saingy voafetra ny traikefantsika. Voafetra ny fahendren-tsika. Tsy voafetra kosa anefa ny Andriamanitsika, amin’ny heriny sy ny fitiavany ary ny famoronany. Ary indro Izy, manontany antsika raha vonona hanolotra ny eritreritsika aminy isika amin'izao fotoana izao. . . ankehitriny, raha maniry hiaina bebe kokoa momba ny maha-izy Azy eo amin'ny fiainantsika isika, manomboka anio, dia fotoana izao!

Fanahy Masina ô, aoka ho masonay izao. Aoka ho sofinay. Aoka ho fandrenesantsika fofona, tsiro, fikasihana. Mila anao bebe kokoa izahay. Tianay ianao hamadika izay finoana diso anananay momba Anao, hamadika izay hevi-diso rehetra momba ny maha-ianao Anao sy ny zavatra azonao atao. Ary tianay hanokatra malalaka ny fonay sy ny sainay ary ny eritreritray izahay mba hahitanay Anao, hahatsapanay Anao, hiainanay amin’ny alalan'ny mason’ny fonay izay afaka manao zavatra bebe kokoa, mihoatra lavitra noho izany, miaraka aminao, mihoatra noho noho ny fahitana fotsiny.

Ray ô, taomy lalindalina kokoa amin'ny fahagagana sy ny fiandrianana ary ny hatsarana izahay. Avelao hiaina ny Fitiavanao lehibe izahay. Amin'izao fotoana izao dia miandry anao izahay, amin'ny faharetana sy ny fientanam-po.