The Chosen - Voafidy ho tonga FahagaganaSantionany

Andro faha-4 : Mitodika any aminao ny fijeriko !

Tamin’izaho nanambady an’i Simona Petera, dia hitako soritra teny aminy ilay olona tsara fanahy, feno finoana sy fitiavana an’Andriamanitra .Tsy mora foana taminy anefa ny fiainana, ary rehefa nandeha teny ny volana sy ny taona dia niatomboka nihamaty ny finoany,hany ka lasa nitombo ireo olana sy ireo trosa nanananay.

Tadidiko foana ilay andro izay nitantarany ahy ny fahagagana nataon’i Jesosy avy any Nazareta momban’ilay jono mahagaga : Tena tsy nampino !Nanjavona tao anatin’ny indraim-pimaso ny olana ara-bolanay, fa ny tena zava-dehibe indrindra dia ny fiverenan’ilay lehilahy izay novadiko .

Hita teny amin’ny masony indray ilay pitik’afo nanavao ny finoany, izay efa tsy hitako intsony nandritrin’ny fotoana maro. Nanasa azy hanara-dia Azy i Jesosy, ary tena faly sy feno fankasitrahana Azy tanteraka aho satria Izy no nanangana an’ilay vadiko indray ! Fantatro fa nanana planina ho an’ny fiainany Andriamanitra.

Fa tamin’io fotoana io, izaho indray no nanomboka nisy olana . Nahatsiaro ho irery aho tamin’ny fivezivezen’i Petera izay tsy maintsy hataony miaraka an’Jesosy. Indrindra koa, narary efa ho andro maromaro ny reniko ary tsy mety afaka mihitsy ny tazony. Miharatsy andro aman’alina ny fahasalamany, ary tsy hitako intsony izay natao .

…… Nahita Azy ihany aho ny farany. Tamin’izay andro izay indrindra, niditra tao an-trano i Jesosy niaraka tamin’i Petera, ary ,niteny hoe : « Mitodika any aminao ny fijeriko. Manana anjara asa koa ianao .. » Oay e, tena nilaiko ny nandre izany teniny izany !

Niditra tao amin’ny efitra nisy ny reniko izy avy eo, noraisiny ny tanany ary nanonona teny iray izy hoe : « Avelao izy ». Tsy nahatohitra ny heriny sy ny fahefany ny aretina sy ny tazo.Nitsangana niaraka tamin’izay ny reniko ary sitrana tanteraka (Matio 8 :14-15). Avy hatrany dia nikarakara anay haingana izy ohatran’ny fanaony rehefa misy vahiny tonga ao antrano . Nositranin’ i Mesia ny reniko.

Ankehitriny ,fantatro fa tsy tsinotsinona eo imasony aho ,nokarakarainy tsara izaho sy ny fianakaviako , ary manana planina ho an’ny fiainako ihany koa Izy.

Edena no anarako,vadin’i Simona Petera ,ary nosafidian’i Jesosy aho.

PS: Ry namako, mety misy fotoana ianao mahatsapa fa toa tsy hitan’Andriamanitra izany, toy ny hoe ny zava-drehetra mikasika ny Fanjakany dia mifanalavitra tanteraka amin’ny andavanandrom-piainanao. Nefa Izy dia tianao, mahita anao Izy, Fantany tsara Ianao, ary manana hevitra feno fiadanana sy fitahianao ho an’ny fiainanao Izy. Manasa anao aho hiaraka hivavaka amiko : « Andriamanitro o, ampio aho hahatsapa fa eto anilako isan’andro isan’andro ianao, mandra-pahataperan’izao tontolo izao. Aoka izahay hahatsiaro fa Ianao no tokony ho ivon’ny zavatra rehetra izay ataonay. Amin’ny anaran’i Jesosy, amena. »

Voafidy ho tonga Fahagagana ianao !

Christian Misch