Valin'ny fikarohana

Jôhany 3:16 (DIEM)

Eny, notiavin’Andriamanitra fatratra izao tontolo izao , ka nomeny ny Zanany lahitokana, mba tsy ho very izay rehetra mino Azy fa ho velona aina mandrakizay.

Rômanina 5:8 (DIEM)

Fa i Kristy kosa maty hamonjy antsika, fony isika mbola mpanota: nahariharin’Andriamanitra tamin’izany ny fitiavany antsika.

1 Kôrintianina 13:4 (DIEM)

Mahari-po ny fitiavana; be hamoram-po ny fitiavana; tsy mialona ny fitiavana, tsy mirehareha, tsy mieboebo,

1 Kôrintianina 13:5 (DIEM)

tsy manao ny tsy mendrika, tsy mitady ny ho azy, tsy mora sosotra, tsy manao an-dolompo,

1 Kôrintianina 13:6 (DIEM)

tsy mifaly amin’ny tsy rariny ataon’ny olona, fa mifaly amin’ny marina ataon’ny olona.

1 Kôrintianina 13:7 (DIEM)

Ny fitiavana no ahazakana ny zavatra rehetra ka ananana finoana sy fanantenana ary fandeferana amin’ny zavatra rehetra.

1 Jôhany 4:7 (DIEM)

Ry hava-malala, aoka hifankatia isika, fa avy amin’Andriamanitra ny fitiavana, ary izay rehetra tia no naterak’Andriamanitra sady mahalala an’Andriamanitra.

1 Jôhany 4:8 (DIEM)

Izay tsy tia dia tsy mahalala an’Andriamanitra, satria Andriamanitra dia fitiavana.

1 Jôhany 4:9 (DIEM)

Izao no nanehoan’Andriamanitra ny fitiavany antsika: nirahiny ho eo amin’ izao tontolo izao ny Zanany lahitokana mba hahavelona antsika amin’ny alalany .

1 Jôhany 4:10 (DIEM)

Izao no fitiavana: tsy hoe isika no nitia an’Andriamanitra; fa Izy no nitia antsika, ka naniraka ny Zanany lahitokana ho sorom-panonerana hamelana ny fahotantsika .

Satria matoky aho fa tsy hisy hahasaraka antsika amin’ny fitiavana asehon’Andriamanitra antsika; eny, na ny fahafatesana, na fiainana, na anjely , na ireo fanapahana na ireo hery eny ana habakabaka, na zavatra ankehitriny na zavatra ho avy,

Rômanina 8:39 (DIEM)

na zavaboaary inona, dia tsy hisy hahasaraka antsika amin’ny fitiavana asehon’Andriamanitra antsika ao amin’i Kristy Jesoa Tompontsika.

1 Jôhany 4:18 (DIEM)

Tsy mba manan-tahotra ny fitiavana, fa ny fitiavana lavorary mandroaka ny tahotra. Mifantoka amin’ny sazy manko ny tahotra, fa izay matahotra dia mbola tsy lavorary amin’ny fitiavana.

1 Kôrintianina 13:13 (DIEM)

Izao kosa dia ireto telo ireto no mitoetra: ny finoana, ny fanantenana, ny fitiavana; fa ny fitiavana no lehibe indrindra amin’ireo!

Lioka 7:47 (DIEM)

Koa izao no teniko aminao: Voavela ny heloka be nataony, noho izy be fitiavana; fa izay amelana kely no kely fitiavana.

2 Jôhany 1:6 (DIEM)

Ary izao no fitiavana, dia ny hiainantsika araka ireo didin’Andriamanitra. Ny didy, araka ny efa renareo hatramin’ny voalohany, dia ny hiainanareo amin’ny fitiavana.

Rômanina 12:9 (DIEM)

Aoka ny fitiavana tsy hisy fihatsarambelatsihy. Mankahalà ny ratsy; mifikira amin’ny tsara.

1 Jôhany 4:16 (DIEM)

Ary isika efa mahalala sy mino ny fitiavan’Andriamanitra antsika. Andriamanitra dia fitiavana; koa izay mitoetra ao amin’ny fitiavana no mitoetra ao anatin’Andriamanitra, ary Andriamanitra ao anatiny.

Kôlôsianina 3:14 (DIEM)

Fa ambonin’ny zavatra rehetra, mitafia ny fitiavana izay mamehy ny hatsaram-panahy rehetra ho tanteraka.

Efesianina 2:4 (DIEM)

Kanefa lehibe tokoa ny famindrampon’Andriamanitra, satria fatratra ny fitiavana asehony amintsika;

Kôlôsianina 1:8 (DIEM)

ary dia nampahafantatra anay ny fitiavana izay nomen’ny Fanahy Masina anareo.

Jôhany 5:42 (DIEM)

saingy fantatro ianareo, fa tsy manana ny fitiavana an’Andriamanitra ao anatinareo.

Salamo 31:17 (DIEM)

Jereo amin-kamorampo izaho mpanomponao, ka vonjeo satria be fitiavana Ianao.

Salamo 103:8 (DIEM)

Mpamindrafo sy mpiantra ny TOMPO, tsy mora tezitra ary be fitiavana .

Joda 1:2 (DIEM)

Hampitomboina ao aminareo anie ny famindrampo sy ny fiadanana ary ny fitiavana!