Популарни Библиски стихови од MATHIU 5

Сподели

Henmejô wentitpa toaklahma khokkhenko sekmah; humkhen kowah sôngte chentô nâng khêmphiakrãng, wentit toakthinko etoak a. Ererãngrãng newen pumma mihnyan heh mathahko phiak en, erohkoba nema moatlemsen moeken pa khelahma rangkhethung wah newa Joban nâng erôwak a.

“Nea hahtokkhoh rãngma wenphiak rãngrãng. Hahho kowah hahsôngpa chenthumin leta bintãngmin.

Hungsâ rinsâte mihnyan heh rangkepte dângmin; Thinma Joban echohkhea!

Joban ma chenni huneka ere moatlem pa henma ajahthôan moatrãng huneka ere mihnyan pa rangkepte dângmin; Joban ma thinhung nyahrãng esenthuk a!

Rohkomin athângheh ngama thôkoh eka; neranko hun en, ngale nechêmsiette rãngma rangsoam koh en

“Ju rãngma numrii lahma sekmah patritte mihnyan heh rangkepte dângmin; Rangkhethung Hahsông pa thinthiak!

Mêmo dângrãngma moatlem moatte heh rangkepte dângmin; Thinnâng Joban Chha ngatmin!

Athângheh seblahma tôngte mihnyan heh rangkepte dângmin; Joban ma thinhung esenthuk a!

Joban ma chenni huneka ere moatlem moatjunko mihnyan hehma chêmthuk eka heh rangkepte dângmin; Rangkhethung Hahsông pa thinrãng!

Mihnâng mînchente heh rangkepte dângmin; Joban ma thinnâng emînchen a!

“Chenthu mihnyan ma jôjêm, chêmthuk, ngale ne khohnâng khoanglep methôako, nea rangkepte dângmin, chenrãngma ngako nea ngadijunte. Khuhah nâhah dangen, chenrãngma ngako rangkhethung nâng nerãngma nyahrãng hînhô dong thienko lahma tonga. Erohjôba nemawah Mõng dangtah hehmin chêmthuk wah.

Numnene dângte mihnyan heh rangkepte dângmin; Joban ma toamsem tahpa thinma echoh a!

“Nea mihnyan nyuchha rãngma sum rãngrãng. Phumma sumko wah sumtupa mesejâ tahko, erepa ngaktû sietrãng lihân lemkhô ahotu. Erepa mahto lâdangtah, petphe lahma mihnyan dakhen nângba ewoatnek tûa.

Rangkhethung wah ne Wa Joban pa asen dangeka rãngrãng nemin asen dangen!

Erohwah, ‘danga’ ba ‘dangmah’ ngama lolo nga en, nema erenoma jabkhab bâm mejab enko erepa juchhih ngewah jabeken.

“Nema aroh ngat pemin chohtattet, ‘Mit phuhpa mitma litmin, ngale pâ phuhpa pâma litmin.’ Rohkomin athângheh ngama thôkoh eka: henma komin nerãngma kaamchhih memokoh hènko, thinrãng nekngak chhihmokoh en. Henma komin ne thhenchah ko mewat hènko, thhenhit komin watthuk en.

Erohwah ne dekchahnge mitma pap medangthuk hènko, ne mitpa loatletma petphe en! chenrãngma ngako nephoang phangtang pap wendônâng khâmritkat noma, nephoang wah chupthe chhihjâ peba ajahthem asen edanga. Nedek dekchah pumma pap medangthuk hènko, thahdoak letma petphe en! chenrãngma ngako, nephoang phangtang papwendô nâng khâmritkat noma, dekka aho peba ajahthem asen edanga.