Популарни Библиски стихови од JOHN 21

Сподели

Da'jííyą́ą'go Jesus, éí Sáíman Peter áyidííniid, Sáíman, John biye' nílíinii, da' díidíígíísh biláahgo ayóó'áshííní'ní? Áko, Aoo', Bóhólníihii; ayóó'ánósh'níigo nił bééhózin, bizhdííniid. Áádóó ánááhodoo'niid, Shidibé yázhí ba'íłtso'. Naakidi aleeh góne' ánááhodoo'niid, Sáíman, John biye' nílíinii, da' ayóósh'áshííní'ní? Áko ánáábizhdi'ní, Aoo', Bóhólníihii; ayóó'ánósh'níigo nił bééhózin. Áádóó ánááhodoo'niid, Shidibé baa áhólyą́. Táadi azlį́į́' góne' ánááhodoo'niid, Sáíman, John biye' nílíinii, da' ayóósh'áshííní'ní? Táadi Peter, Da' ayóósh'áshííní'ní? ho'doo'niidígíí biniinaa yíní biih níjíítłizh. Áko ábizhdííniid, Bóhólníihii, t'áá ałtsoní nił bééhózin; ayóó'ánósh'níigo nił bééhózin. Jesus ánááhodoo'niid, Shidibé ba'íłtso'.

T'áá aaníí, t'áá aaníígóó ándishní, Ániid naniná yę́ędą́ą́' áká nánílzisgo t'áá ni nínízingóó nanináá nít'éé', nidi hasínítihgo ałts'ą́ąjį' k'ídidíílchił, áko ła'da áká nidoosisgo doo deesháał da nínízin yę́ęgóó nidoołtééł.

Áko áhodííniid, Tsinaa'eeł binish'náájígo łóó' bee hahaltsósí taah daałtsóosgo ła' bee hadadoołtsos. Áko taah dadzistsooz, nít'éé' łóó' t'óó ahayóigo biniinaa ch'ééh hadadziłtsóós.

Nít'éé' Sáíman Peter áhodííniid, Łóó' hahideestsosgóó déyá. Nít'éé', Nihí ałdó' ákǫ́ǫ́ nił diikah, dahodííniid. Áko ch'íjíkaigo tsinaa'eeł biih jookai, nidi éí bitł'éé' t'áadoo łóó' ła' hadadzistsooz da.