Популарни Библиски стихови од LUKE 8

Сподели

Índa łeezh yá'át'éehjį' ahineezdee'ígíí éí saad deidiizts'ą́ą'go dabijéí t'áá aaníinii áádóó yá'ádaat'éehii yee saad dayótą', áádóó ha'ahóní bee bineest'ą' bąąh nídahoodleeł.

Áádóó ch'il dadeeníinii bitahgóó ahineezdee'ígíí éí saad dazdiizts'ą́'ígíí ádajit'į́, nidi dajíkááhgóó nahasdzáán bikáa'gi bee da'iináanii baa nitsáhákees áádóó at'į́ índa ił honeeni hak'eh dadeesdlį́į'go haneest'ą' t'áadoo daneest'ą́ą da.

Áádóó tsétahgóó ahineezdee'ígíí éí saad t'óó dazdiits'į́į́hgóó baa hoł dahózhǫ́ǫgo nídazhdiiléhígíí ádajit'į́, nidi díidíígíí dahayi'di ehétł'óól ádaadin, áko t'óó kónígháníjį' da'joodląąh, índa hódahontaahgo bits'áńjiikááh.

Nít'éé' ábizhdííniid, Háájíshą' nihida'oodlą' daazlį́į́'? Áko nídadzisdzíidgo t'óó hoł adahóóyóigo áda'ahizhdoo'niid, Ákoshą' díí háí át'į́įgo azhą́ níyol índa tó nidi yich'į' hahadziihgo bik'eh dahół'į́?

Álástsii' atiinjį' ahineezdee'ígíí éí Diyin God bizaad dazdiizts'ą́'ígíí ádajit'į́; éí doo da'iizhdoodląął da índa doo yisdáhizhdookah da biniyé níłch'i bida'iiníziinii binanit'a'í yigháahgo éí saad dahajéí biyi'dę́ę́' hááyii'nił.

Háálá baa hasti'go dah nool'į́įłii nidi bééhodoozįįłgo át'é, áko ha'át'íhída bik'é'ésti'ii hahgoda báádi'dooltsosgo bééhodoozįįł.

Áko éí asdzání doo na'ádízhnóół'į́į́' át'éégóó hoł bééhoozingo, hatah hoditłidgo Jesus baazhníyá, áko biyaajį' nitsizhdinígo'go diné t'áá ałtso dabinááł biniinaa bizhdeelchidígíí, áádóó t'áá áko nááho'diilzáhígíí bee bił hojoolne'. Áádóó asdzání ábizhdííniid, Shitsi', ne'oodlą' bee doo ánít'éhí da násínídlį́į́'; nił hózhǫ́ǫgo náádááł.

Áko hach'į' niikaigo ch'éédahasidgo ádaaní, Bóhólníihii, Bóhólníihii, táłtł'ááh yiildaas! Áko nízhdii'na'go níyol índa tó náádadiidáhígíí dzideeztehgo hasht'edíít'e', áko hodiiyeel.