Популарни Библиски стихови од MATTHEW 26

Сподели

Hada'ísídół'į́į́' áádóó sodadołzin, áko doo nihídahodínóotah da; níłch'i ii' sizíinii éí lą́ nízin, nidi ats'íís éí doo bidziil da.

Ákohgo áhodííniid, Shii' sizíinii nitseeltłah, t'áá hoyółhéełgo, t'áá kǫ́ǫ́ nahísóotą́ągo shił hada'ísídół'į́į́'.

Áádóó t'áá áháníjį' dashdiiyáago, ákwii tsé'yaa jineeshjoolgo kójíníigo sozdoolzin, ShiTaa', bohónéedzą́ą́ ládą́ą́', díí doodlį́įłii shits'ą́ąjį' kódíílííł, ákondi shí íinisinígíí éí dooda, nidi ni íinínízinígíí ádoonííł.

háálá díí shidił bee aha'deet'áanii ániidíii, t'óó ahayóí bąąhági át'éii bá yóó'ahididoot'ááł biniyé bá deezna'ígíí át'é.

Áko da'jiyą́ągo Jesus bááh néidii'ą́, áádóó yik'i sodoolzingo niyiizti', áádóó bídahooł'aahii yitaiznii'go áyidííniid, Nídahidooh'aahgo daahsą́; díí shits'íís át'é.

Áádóó doodlį́įłii néidiiką́, áko sodoolzingo yaa ahééh niizį́į́' áádóó kóníigo hainíką́, T'áá ánółtso daahdlą́

Áko hódahooł'aahii baa nídzídzá, nít'éé' da'ałhosh lá, áko Peter ábijiní, Ha'át'íí lá! Da' t'ááłá'í ahéé'ílkidjį' nidiísh doo shił hada'ísídół'į́į́' ádanoht'ée da?

Nidi ánihidishní, Kodóó ch'il na'atł'o'ii bitoo' doo ła' náádeeshdlį́įł da, shiTaa' bee bóhólníihgo bił haz'áanii biyi'di índa ch'il na'atł'o' ii bitoo' ániidíii nihił náádadeeshdlį́į́ł.

Áko Peter éí Jesus, Naa'ahóóhai biką'í t'áadoo ániihí táadi doo hwééhasin da shididííniił, hodííniidii bééjoolnii'. Áko ch'ízhníyáago aníjíchago jíícha.

Nídoohjeeh, k'ad yiikah doo; jó'akon, nináshidee'aahígíí aadę́ę́' yigááł.

Nít'éé' Jesus ábíłní, Nidiltłish iih nánítįįh, háálá t'áá diltłish bił hadajiideełígíí éí t'áá ádzíłtso diltłish bee ádazhdoodįįł.