Популарни Библиски стихови од MARK 14

Сподели

Áádóó ánáázhdoo'niid, Ába, shiTaa', t'áá ałtsoní bíninil'ą́; díí doodlį́įłii shits'ą́ąjį' kónílééh, ákondi, shí íinisinígíí éí dooda, nidi ni íinínízinígíí éí ádoonííł.

Hada'ísídół'į́į́' áádóó sodadołzin, áko doo nihídahodí'nóotah da; níłch'i ii' sizíinii éí lą́ nízin, nidi ats'íís éí doo bidziil da.

Áko t'áá aaníígóó ánihidishní, Nahasdzáán t'áá si'ą́ą́ nít'éé' bikáá'góó hane' yá'át'éehii baa dahane'góó, díí asdzání ádzaaígíí bee bééhániih biniyé ałdó' baa hane' dooleeł.

Áko ábizhdííniid, Shii' sizíinii nitseeltłah, t'áá hoyółhéełgo. T'áá kǫ́ǫ́ nahísóotą́ągo shił hada'ísídół'į́į́'.

Áko da'jiyą́ągo bááh néidii'ą́ągo yik'i sodoolzingo niyiizti' índa hataiznii'go áhodííniid, Nídahidooh'aahgo daohsą́; díí shits'íís át'é.

Áko doodlį́įłii néidiiką́, áádóó sodoolzingo yaa ahééh niizį́į'go hainíką́, áko ałtadzideeską́ągo t'áá ádzíłtso dajoodlą́ą́'. Áko ábizhdííniid, Díí shidił, bee aha'deet'áanii ániidíii, diné t'óó ahayóí bá deezna'ígíí át'é.

Áko Jesus áháłní, Díí tł'éé' t'áá ánółtso shiniinaa t'ą́ą́' anídínóohdah, háálá kót'éego bee ak'e'ashchį́, Na'niłkaadii atídeeshłííł, áádóó dibé da'níłts'ą́ą́'góó taidoojah.

Nídoohjeeh, k'ad yiikah doo, jó'akon nináshidee'aahígíí aadę́ę́' yigááł.

Áádóó Jesus áháłní, T'áá aaníígóó ándishní, T'áá díí tł'éé' naa'ahóóhai biką'í t'áadoo naakidi ániihí, táadi, Doo hwééhasin da, náshididíí'niił.