Популарни Библиски стихови од MARK 13

Сподели

shízhi' biniinaa diné t'áá ałtso nihik'ee dadiniih doo. Nidi t'áá háiida t'áá nihoníyáajį' ha'ólníhígíí éí yisdádooltééł.

Nihoolzhíísh doo nihił béédahózin daígíí bąą ádaa ádahołyą́, hada'ísídół'į́į́' áádóó sodadołzin.

Áádóó aa nídahat'į́įjį' adanihidiyoo'ishgo, t'áá bítséedi ha'át'íhída dadidoohniiłígíí t'áadoo biniinaa ádił nídahodołchiłí; áajį' ahoolzhiizhgo índa t'áá nihiih yilyáhígíí éí bee hadoohdzih, háálá nihí doo hadoohdzih da, nidi Níłch'i Diyinii éí hanihidiyoołdzih.

Yádiłhił índa nahasdzáán bił yóó'ahodoogááł, nidi shizaad t'éiyá doo bił yóó'ahodoogáał da.

Nidi ákwii yoołkáłígíí índa oolkiłígíí diné ła'da doo hoł bééhózin da, yá'ąąshdi diyingo nidaal'a'í nidi dooda, aYe' nidi dooda, nidi aTaa' t'éiyá bił bééhózin.

Áko da'anaa' índa anaa' baa dahane'go dadoohts'a'go t'áadoo nitsidaahkaaí, háálá díidí ts'ídá ádahodoonííł, nidi t'ah doo nihoogháah da doo.

Éí bąą hada'ísídół'į́į́', háálá éí kin bee bóhólníihii nídoodááł bijínígíí doo nihił béédahózin da, i'íí'ą́ągo daats'í, tł'é'ííłníi'go daats'í, naa'ahóóhai biką'í ádííniidgo daats'í, abínígo daats'í nídoodááł. Doo hada'ísídół'į́į́'góó t'áadoo hooyání nídoodáałgo, da'ołhoshgo nihik'ídoogááł. Áko díí ánihidishnínígíí éí t'áá ádzíłtso áhodishní, Hada'ísídół'į́į́'.

Háálá ał'ąą dine'é ałch'į' nídahidiibáah doo, áádóó łahgo nihokáá' bee bóhólníihgo bił haz'áanii índa náánáła' nihokáá' bee bínááhólníihgo bił nááhást'áanii yił ałch'į' nídahidiibáah dooleeł, índa łahgóó ni' nídahidi'náah doo, áádóó dahodichin índa ach'į' nidahwii'náa doo; díidíígíí ti'hoo'nííh bee dadeezt'i'ii ádaat'é.

Áádóó ał'ąą dine'é t'áá ałtso hane' yá'át'éehii áłtsé ts'ídá bee bił dahodoonih.

Lą'í shízhi' yee ádadójíigo nidahidookah, Shí Christ ásht'į́! daaníigo, áko lą'í yóó'adeidínóo'ah.

Nidi nihí ádaa ádahołyą́, háálá aa nídahat'į́įjį' adanihidiyoo'ish, áádóó kin bii' áłah nída'adleehí biyi'góó nídanihiniłhał doo; shiniinaa naat'áanii índa aláahgo naat'áanii naazdáágóó bidááhdę́ę́' nisoozį́įgo shá nidahołne' doo.

Háálá Christ ádahodil'íinii índa t'óó ádahodil'į́įgo dahalne'ii dahodooleełgo álílee k'ehgo bee éédahózinii índa bik'ee t'óó ił ahayóigo ádahooníiłii ádeił'į́į doo, áko yídaneel'ą́ą́ ládą́ą́' Diyin God atah yiyiizlá'ígíí nidi yóó'adeidínóo'ah.

Nidi éí yoołkáłígíí biyi' ach'į' nahwii'ná bighá yooską́ą́dóó bik'ijį' jį́honaa'éí bił chahodoołhił, áádóó ooljéé' doo adiníłdíin da dooleeł, índa yádiłhił biyi'dę́ę́' sǫ' nidahindéeh doo, índa yót'ááh hiníláii biyi'di bee dahółdzilígíí dadoogał.