Популарни Библиски стихови од MARK 12

Сподели

Áko Jesus hach'į' hanáánáádzíi'go áháłní, Ts'ídá aláahgoígíí éí díí, Ízrel dine'é danohłíinii, da'íísółts'ą́ą́': Bóhólníihii nihiDiyin God éí Bóhólníihii t'ááłá'í, áko nijéí t'áá át'é bee, áádóó nii' sizíinii t'áá át'é bee, áádóó níni' t'áá át'é bee, índa ne'adziil t'áá át'é bee Bóhólníihii niDiyin God ayóó'ííní'ní. Éí bee haz'áanii aláahgoígíí át'é. Naaki góne'ígíí éí kót'é, T'áá ni ádííní'nínígi át'éego bił kééhót'íinii ayóó'ííní'ní. Bee haz'áanii náánáła' díí biláahgo át'éego nááhódlǫ́ǫ dooleełii t'áá ádin.

Ákohgo hódahooł'aahii hágo bizhdííniidgo ábijiní, T'áá aaníígóó ánihidishní, Díí asdzání bąąh áhásdįįdii bahojoobá'í nidi, éí béeso ahi'níiłjį' béeso adayiiznilígíí t'áá ałtso yiláahgo béeso ayíínil. Háálá t'áá ádzíłtso t'áá ałtsoní bee bilááh dazhneel'ánígíí éí lą'í adadziiznil, nidi díí asdzání t'áá íiyisí bahojoobá'í nidi, t'áá bee hólónígi ayíínil, yee hináanii nidi t'áá ałtso.

Nít'éé' Jesus éí béeso adaha'níłígíí binaashiidę́ę́' dasneezdáago, diné t'óó ahayóí hanááł béeso adayiiznil. Lą'í diné da'at'íinii béeso t'óó ahayóí adayiiznil. Áko asdzání ła' bąąh áhásdįįdii nilį́įgo bahojoobá'í léi' áajį' niníyáago, béeso ts'ídá a'ohgo ílínígíí naaki ayíínil, éí naakigo t'áálá'í sindáo bíighah.

áko éí hajéí t'áá át'é bee, áádóó hantsíkees t'áá át'é bee, [áádóó hwii' sizíinii t'áá át'é bee] índa hwe'adziil t'áá át'é bee Diyin God ayóó'ájó'nínígíí índa t'áá hó ízhdó'nínígi át'éego bił kééhojit'íinii ayóó'ájó'nínígíí, éí t'áá át'é didlidgo nááhániihii índa nidaatseedgo nááhániihii t'áá ałtso biláahgo át'é.

Áko ábijiní, Síízar bíhígíí Síízar baa nídahoh'nííł, áádóó Diyin God bíhígíí éí Diyin God baa nídahoh'nííł. Áko t'áá íiyisí hak'ee t'óó bił adahayóí.