Популарни Библиски стихови од MARK 16

Сподели

Áko ábizhdííniid, Nihílááh, nahasdzáán nidanees'ą́ąjį' diné t'áá át'é hane' yá'át'éehii bee bił dahołne'.

Áko da'oodlánígíí éí bee ééhózinii kódaat'éhígíí ádayoolíiłgo yídaneel'ą́ą doo: éí shízhi' bee níłch'i bi'iiníziinii ayi'dę́ę́' hadeiniiłkaad doo, áádóó saad ał'ąą ádaat'éii yee yádaałti' doo, índa tł'iish nídayiiláah doo, áádóó ha'át'íhígíida da'agháanii deidlą́ą nidi doo atídabile' da doo, índa bąąh dah nidahaz'ánígíí yik'i dah dahidilníihgo hadaałt'é ninádahadleeh dooleeł.

T'áá háiida oosdląąd áádóó tó bee bi'doolzį́į'go éí yisdádooltééł, nidi t'áá háiida doo oodlánígíí éí ti'hoo'nííhgóó bá nihodoot'ááł.

Áádóó da'níłts'ą́ą́'góó adadziiskaigo hane' yá'át'éehii baa dahojoolne', Bóhólníihii hoł hólǫ́ǫgo nidajilnish, áko bee éédahózinii bee ádajooníłígíí bee hazaad bidziilgo ádeile'. T'áá ákót'ée doo.]

Nít'éé' áhodííniid, T'áadoo t'óó nihił adahayóí; jó, Názarethdóó Jesus, tsin ałnáoszid bikáa'jį' bił o'oolkaalígíí hadanohtá. Éí daaztsą́ą́dę́ę́' náádiidzá, áko doo kwe'é da, jó'akon, sitį́į́ nít'éé' yę́ęjį' dadóh'į́į́'.

Nít'éé' hadadzizghalgo éí tsé nahjį' eelmááz lágo dajiiłtsą́; jó, éí t'áá íiyisí nitsaa. Áko tséní'ootséél góne' yah ajookai, nít'éé' dinééh léi' algaigo hadít'éego nish'náájígo sidáago dajiiłtsą́, áko t'óó bik'ee tsídazdeesyiz.