Популарни Библиски стихови од LUKE 1

Сподели

Háálá Diyin God ha'át'íhída doo ch'ééh íidooł'įįł da.

Áko Mary ádííniid, Lą́'ąą, Bóhólníihii bá naal'a'í nishłį́; bíni'dii nizaad k'ehgo shich'į' áhodoonííł. Áko diyingo naal'a'í hats'ą́ą́' dah nídiidzá.

Áko diyingo naal'a'í hanáánáádzíi'go áhodííniid, Níłch'i Diyinii nik'i hwiidooleeł, índa Aláahdi Ayóó'át'éii bibee adziilii nik'iidooldoh, éí bąą awéé', Diyin nilíinii, dííłchíłígíí Diyin God biYe' bee yídóojiił.

Áko asdzání oosdląądii éí bik'ihojidlíi doo, háálá Bóhólníihii bee bich'į' ha'oodzí'ígíí bohodoolnííł.

Jó'akon, idí'nííltsąąłgo ashkii dííłchííł, áko Jesus bee yídíízhiił. Éí ayóó át'éii nilį́į doo, áádóó Aláahdi Ayóó'át'éii biYe' yolyée doo; bizhé'é David naat'áanii nilį́į́dą́ą́' bee bóhólnííh nít'éé' yę́ę Bóhólníihii Diyin God beididoo'ááł, áko hool'áágóó Jéíkab bidine'é yá hoo'áał doo, áádóó bee bóhólníihgo bił haz'áanii doo ninít'i' da dooleeł.

Nít'éé' diyingo naal'a'í áhodííniid, T'áadoo bik'ee nił yé'í, Mary, háálá Diyin God bił nílį́ sínílį́į́'.