Популарни Библиски стихови од Марко 13

Сподели

Ќе бидете намразени од сите заради Моето име; кој ќе претрпи до крај, тој ќе биде спасен.“

Внимавајте, бидете будни и молете се, зашто не знаете кога ќе биде часот.

А кога, пак, ќе ве поведат, за да ве предадат, не грижете се однапред што ќе говорите, ниту размислувајте; туку она, што ќе ви се даде во тој час, тоа кажете го; не сте вие што ќе зборувате, туку Светиот Дух.

Небото и земјата ќе минат, но зборовите Мои нема да минат!“

„А за тој ден и час никој не знае, ниту ангелите небесни, ниту Синот, а само Отецот.

А кога ќе чуете за војни и гласови за војни, не плашете се; зашто сето тоа треба да се случи; но тоа сѐ уште не е крајот.

Бидете будни, зашто не знаете кога ќе дојде домаќинот на куќата, прик­ве­чер ли, или на полноќ, или петлите кога ќе пропеат, или наутро, па да не дојде ненадејно и да ве за­тече како спиете. Што ви зборувам вам, им го зборувам на сите: Бидете будни!“

Бидејќи ќе се дигне народ против народ, и царство против царство; а на некои мес­та ќе има и земјотреси и глад и метежи. Тоа е по­четокот на стра­да­њата.

И кај сите народи најнапред треба да се проповеда Евангелието.

Зашто мнозина ќе дојдат во Мое име, говорејќи дека сум Јас; и ќе прелажат мнозина.

Но вие чувајте се, зашто ќе ве предаваат на судови; и по синагогите ќе ве би­јат, и пред управници и пред цареви ќе бидете изведувани заради Мене, за сведоштво пред нив.

Зашто, ќе се појават лажни христоси и лажни пророци, и ќе покажат знаци и чуда, за да ги прелажат, ако е можно, и избраните.

Во тие дни, по неволјите, сонцето ќе се помрачи и месечината нема да ја дава својата светлина, и ѕвездите ќе паѓаат од небото, и си­лите, што се на небото, ќе се раз­ни­ша­ат.