Популарни Библиски стихови од 1 Јован 3

Сподели

Чеда мои, да не се сакаме со зборо­ви или со јазик, туку со дела и вистина!

Љубовта ја познаваме по тоа што Тој ја положи за нас душата Своја; но и ние сме должни да ги полагаме душите свои за браќата.

Гледајте колку голема љубов ни дал Отецот – да бидеме наречени чеда Божји, а тоа и сме! Затоа светот не нѐ знае, зашто не Го спозна Него.

Кој прави грев, од ѓаволот е, зашто ѓаволот греши од почетокот. Па затоа и се јави Синот Божји, за да ги урне делата ѓаволски.

Секој што е роден од Бога, грев не прави, зашто семето Негово пребива во него; и не може да греши, бидејќи е ро­ден од Бога.

Ако некој има световни блага, па кога ќе го види својот брат во не­маш­ти­ја, та го затвори срцето свое од него – како тогаш ќе може да остане во таков Божјата љубов?

И оној, што ги чува заповедите Не­гови, пребива во Него, и Тој – во него. А дека Тој пребива во нас, знаеме по Ду­хот што ни Го дал.

Чедата Божји и чедата ѓаволски по тоа и се познаваат. Секој што не пос­та­пува праведно, и секој што не го љуби братот свој, не е од Бога.

Зашто тоа е пораката што ја чувте од почетокот – да се сакаме еден со друг.

Не чудете се, браќа мои, ако светот ве мрази.