Популарни Библиски стихови од Создавање 32

Сподели

И му рече: „Како се викаш?“ А тој одговори: „Јаков.“

И кога виде дека не може да го совлада, му го стегна зглобот на бедрото негово, така што на Јаков му се измести колкот од зглобот додека се бореше со Него.

А откако нив ги зеде и ги преведе преку потокот, пренесе и сѐ друго што имаше.

А Јаков праша и рече: „Кажи ми го името Твое!“ А Тој одговори: „Зошто прашуваш за името Мое?“ И го благослови таму.

А кога остана Јаков сам, тогаш Некој се бореше со него до зори.

Па тогаш рече: „Пушти Ме веќе, зора е!“ Но Јаков одговори: „Нема да Те пуштам, додека не ме благословиш!“

Тогаш му рече: „Отсега името нема да ти биде Јаков, туку Израел; зашто се бореше со Бога, и со луѓето и ги победи.“

И пак рече Јаков: „Боже на таткото мој Авраам, Боже на таткото мој Исак, Господи, Ти, Кој ми рече – ‚Врати се во земјата каде што си роден, и Јас ќе ти бидам добротвор!‘

А сонцето беше изгреало кога го помина Пениел, и накривнуваше поради повредениот колк.

И рече: „Ако Исав удри на едната група и ја разбие, можеби втората ќе се спаси.“

Не сум достоен за сите милости и добрини што му ги направи на слугата Твој; зашто само со стап го минав овој Јордан, а сега сум господар на два табора.