Популарни Библиски стихови од Исаија 54

Сподели

Ниедно оружје, направено против тебе, нема да има успех; и секој јазик, кој би се подигнал против тебе на суд, – ти ќе го обвиниш. Тоа е наследство на слугите Господови, нивна победа од Мене, вели Господ.

Планини ќе се поместат, и ридови ќе се разнишаат, но Мојата милост не­ма да отстапи од тебе и заветот на Мојот мир нема да се разниша, вели Господ, Кој те милува.

Не плаши се, зашто нема да бидеш посрамена; не возбудувај се, зашто нема да бидеш исмеана: ќе го заборавиш посрамувањето на младоста своја и нема повеќе да си спомниш за срамот на вдовството твое.

Зашто твојот Творец е твојот соп­руг; Јахве Саваот е името Негово, твој искупител е Светецот Израелов: Тој ќе се нарече Бог на целата земја.

Рашири го местото на шаторот свој; покривите твои на живеалиштето твое прошири ги; продолжи ги јажињата свои и зацврсти ги колците свои

И сите твои синови ќе бидат нау­чени од Господ, и голема среќа ќе има меѓу синовите твои.

Во пламенот на гневот го сокрив од тебе лицето Свое за кратко време, но со вечна милост ќе те помилувам, вели твојот Искупител Господ.

За малку време те оставив, но со голема милост ќе те приберам.

Зашто тоа за Мене е како потопот за време на Ное: како што се заколнав де­ка потоп нема повеќе да дојде на земјата, така се заколнав дека нема да ти се лутам, ниту да те прекорувам.

и ќе ги направам твоите прозорци од рубини и твоите порти – од бисер, а целата ограда твоја – од скапоцени ка­мења.