Популарни Библиски стихови од Исаија 55

Сподели

Моите мисли не се ваши мисли, ниту вашите патишта се Мои патишта, вели Господ.

Но, како што е небото повисоко од земјата, така се и Моите патишта повисоки од вашите патишта, и мислите Мои повисоко од вашите мисли.

Барајте го Господа, додека можете да Го најдете; викајте Го додека е близу.

Нечесниот нека го остави патот свој, и беззаконикот – помислите свои и нека се обрати кон Господ, нашиот Бог, – и Тој ќе го помилува, зашто е многу ми­лостив.

Вие, што жедувате, дојдете сите при водите; дури и вие, кои не­мате пари, дојдете, купувајте и јадете; дојдете, купувајте вино и млеко без пари и без плаќање.

Како што дождот и снегот паѓаат од небото и таму не се враќаат, туку ја напојуваат земјата и ја прават способна да раѓа и да се зеленее, за да му дава семе на оној, што сее и леб за да јаде, така и Моето слово, што излегува од устата Моја, не се враќа кон Мене празно, туку го исполнува она, што Ми е угодно, и го прави она за што сум го испратил Јас.

И така, вие ќе излезете во веселба и ќе бидете испратени со мир; горите и ридовите ќе пеат песна пред вас, и сите дрвја во полето ќе ракоплескаат.

Приклонете го увото и дојдете при Мене; послушајте, и душата ваша ќе биде жива, – ќе склопам со вас вечен завет, неизменливи милости, ветени на Давид.