Популарни Библиски стихови од GÉNESIS 21

Сподели

Mandaj Diosca, imashna pai villashcashnallatami, Sara shuti huarmita ricungapaj shamurca. Mandaj Diosca, Sara huarmihuanga imashna villashcashnallatami rurarca.

Huahua huacajujtami, Taita Dios uyarca. Taita Diospaj angelca, jahua pachamandami Agar huarmita cayashpa cashna nirca: “¿Agar, imashcata cangui? Ama manllaichu. Taita Diosmi, cambaj huahua chaipi huacajujtaca uyarca. Jatarishpa, huahuata japishpa cambaj maquipi charijuilla. Ñucami, chai huahuamandaca, shuj jatun llactata rurasha” nircami.

Chaimandami Sara huarmica, Taita Dios villashca punllapillata, ña payagu cashpapash, shuj jari huahuaguta ungushpa Abrahamman curca.

Chaimandami Sara huarmica, cashna nirca: “Taita Diosmi, ñucataca asichihuashca. Shinallatami maijambash caita uyashpaca, ñucatapash asihuanga” nircami.

Chashna cajpimi Taita Diosca, Abrahamdaca cashna nirca: “Chai huahuamandapash, canda servij huarmimandapash, ama ninanda llaquirichu. Sara huarmi tucui imata nishcata rurailla. Isaacmanda miraicunallami, cambaj miraicunami ni tucunajunga.

Shinallata servij huarmipaj churipaj miraimandapachami, cambaj miraillata cashcamandaca, shuj llactata rurasha” nircami.