Популарни Библиски стихови од GÉNESIS 22

Сподели

Chaimandami Abrahamga, chai urcutaca: “Mandaj Diosca caranllami” nishpa shutichirca. Chaimandami cunangaman: “Mandaj Diospaj urcupica caranllami” ninajun.

Shina nijpimi, cashna nirca: —Cunanga, cambaj juyashca, shujlla churi Isaacta japishpa, Moriah shuti llactaman ri. Tucui urcucunamanda maijan urcuta ñuca ricuchijpipash, chaipi ñucaman cushpa tucuillata rupachinguilla— nircami.

Shina nijpimi, cashna nirca: —Huambragupaj jahuapica, ama cambaj maquita chutaichu. Paitaca, ama imatapash ruraichu. Taita Diosta can manllajtaca, ñami rijsini. Cambaj shujlla churita ñucaman cunata na mitsashcamandami, ña yachani— nircami.

Shina nijpimi Abrahamga, cashna nishpa tigrachirca: —Ñuca huahualla, tucuillata rupachina llamataca Taita Diosmi caranga— nircami. Shina nishpami, ishcandi rinajurca.

Chaimanda candaca bendiciashapachami. Cambaj miraicunataca, jahua pachapi luzerocunatashna, mama cucha manñapi t'iyu alpatashnami mirachisha. Cambaj miraicunami, paicunata fiñajcunata mishashpa, pueblo pungucunapi quichushpa shayanajunga. Cambaj miraicunamandami, cai pachapi tiaj tucui llactacunaca, bendiciai tucunga. Ñuca rimashcata can cazushcamandami, chashna canga’ ninmi— nircami.

Chai jipacunami, cashna tucurca: Taita Diosca, Abraham imashna crishcata yachangapajmi: —Abraham— nishpa cayarca. Shina cayajpimi paica: —Caipimi capani— nirca.

Shina rurajujpimi Mandaj Diospaj angelca, jahua pachamanda: —Abraham, Abraham— nishpa caparirca. Shina caparijpimi paica: —Caipimi capani— nirca.

Mandaj Diospaj angelca, Abrahamda jahua pachamanda cutin cayashpami, cashna nirca: —Mandaj Diosca, cashnami nin: ‘Can caita rurashcamandami, ñucamandallata juramenturcani. Cambaj shujlla churita ñucaman cunataca na mitsashcamandami, chashna juramenturcani.

Taita Dios villashca pushtuman chayashpaca, shuj altartami Abrahamga rurarca. Chai altarpi yamdata churashpami, paipaj churi Isaacta huatashpa, altarpi tiajuj yamda jahuapi churarca.