Популарни Библиски стихови од Génesis 1

Сподели

Kaput dawak yulna: “Waralaih muih kidika yamdang. Mayang apat karang, dawak witingna waspa dini balna, di lawani duwa balna, kaput bik tinglau balna, asangpas dini balna, di balna pasni kau mumurwa balna kidika bitik minitna yakat parasni duduwarang.” Papang muih yamna kat, sihm witing Papang kaput yamna dai; al dawak yal bik yamna dai

dawak Papang yaklauwiwiting blinisin kidika diana: “Walamanabis mahni yaktanama; dawak sau adika buhngdatamanna tingmana yakat maintalnama; waspa dini balna, di lawani duwa balna, dawak pasnina kau mumurwa balna kidikabitik tingmana dinit yakat karang.”

Tatuna kaupak di balna yamna kidika, Papang yaklauwi yamna kisang dawak sau kidika bik.

Sau adika wayani kaput bik laih disdai; bitik laih kuma tuhni puksani manah awaihdai, dawak Papang spiritni kidika was minit yakat awaihwādai.

Dawak Papang yulna: “¡Yaringni kalahwang!” , Dawak yaringni kalahna.

dawak Papang talwak witing yamna balna kidika bitik laih yamni dai. Bahang kaput laih ma tiaskauas laihna dai.

Kaput laih Papang talna yaringni kidika yamni dai, dawak yaringni kidika puksani kaupak dakyakna

Usnit dawak diyulna: “Talnauh, yang manna yakat manatayang sau akat pan balna bitik miniksani duduwa balna kidika, dawak kaput bik minik yakwa panan balna bik. Bahang kidika balna laih manna kasnamna karang.

dawak yaringni kidika ayangni pakna “madah”, dawak puksani kidika laih “pukta”. Kaput laih tatuna ma as kidika laihna dai.

Usnit kat Papang yulna: “Kudungni as kalahwang dawak was kidika sahwi yakwang, bahang kaput laih adika sahwi yakna karang.” Dawak kaput kalahna.

Kaunah asangpas dini balna, pasnina kau mumurwa balna, uhbinina, kidika balna laih diatayang witingna kasninna kidika dibasta.” Bahang kaput kalnadai

Kaput dawak Papang yulna: “Kisang yak yaringni balna kidika kalahwang, dawak sau yakat yaringni kalawang, dawak pukta kidika yaringni karak silp kalahwang, dawak kaput bik laih ma balna kidika kulnin sip karang, kurih balna kidika dawak ma nunuhni balna kaiwa kidika bitik.” Dawak kaput kalna.

dawak yulna: “Sau kidika pan balna satni mahni ukuswang, kaput bik laih dibasta balna kidika minik sani balna yayakwang, dawak pan tanit nunuhni balna kidika laih minik yayakwang.” Dawak kaput kalahna.

Papang yaklauwi pa kudungni yamna was kidika sahwi yakna atnin; sahyakna as kidika laih pa kudungni dinit yakat watna, dawak sahyakna ūk kidika laih minit yakat watna.

Bahang sau adika dibasta satni balna kalawak ukusna: dibasta satni balna miniksani yayakwa kidika, dawak pan nunuhni balna minik yakwa kidika bik. Kaput laih Papang talwak yamnidai.

Dawak, Papang yaklauwi yaringni bu yamna: nuhni kidika laih madah yakat yaringni kalanin, dawak dibin kidika laih pukta yakat yaringni kalanin. Kaput bik laih yala balna bik yamna.

Kaput dawak Papang yulna: “Kisang dinit yak was balna kidika pa aslah uduhwang, kaput laih buhni kidika kalahwarang.” Dawak kaput kalna. Kaput laih buhni kidika Papang yaklauwi ayangni pakna “sau”, dawak was balna aslah kalahna dai kidika laih ayangni pakna “kuma”. Dawak Papang talwak bitik laih yamni dai

dawak Papang yaklauwi blisyamna di balna yamna kidika bitik adika yulni kau: “Walamanabis yakta kuma kidika bitik bahngtanauh, dawak sau yakat di lawani duwa balna kidika mahni palni karang.”

Kaput laih Papang yulna: “Sau adika sangnika duwa dini balna satni bitik yamwang: asangpas dini dawak tinglau balna bitik, dawak kaput bik pasnina kau mumurwa balna kidika bitik.” Dawak kaput kalahna.

Usnit kat Papang yulna: “Was yaklauwi waspa dini mahni yakwarang, dawak dilawani duwa balna bik sau minit yak witingna bahlwi yaklalauwarang lawanina kau.” Dawak kaput kalahna.

Papang yaklauwi asangpas dini dawak tinglau balna yamna kidika yamni talna dai bitik.