Популарни Библиски стихови од ВТОРОЗАКОНИЕ 6

Сподели

Затоа љуби Го Господа, својот Бог, со сето свое срце, со сета своја душа и со сета своја сила!

Напомнувај им ги на своите синови. Зборувај им за нив кога седиш дома во својата куќа и кога одиш патем; кога легнуваш и кога стануваш.

Овие зборови што денес ти ги заповедам, нека ти се врежат во срцето.

„Чуј, Израелу! Господ е наш Бог, Господ е Еден!

Врзи ги на својата рака за знак, и нека ти бидат како запис меѓу очите!

Напиши ги на довратниците на својата куќа и на своите врати!

Бој се од Господа, од твојот Бог; искажувај Му Нему почитување; заколнувај се во Неговото име.

А кога Господ, твојот Бог, ќе те доведе во земјата за која им се заколна на твоите татковци, на Авраама, на Исака и на Јакова, дека ќе ти ја даде тебе: - со големи и убави градови, што не ги ѕидаше; со куќи полни со секакво благо, што не си ги полнил; со ископани кладенци, што не си ги копал; со лозја и со маслинови градини, што не си ги садел - и кога јадеш и ќе се наситиш: внимавај да не Го заборавиш Господа, Кој те изведе од Египетската Земја, од куќата на ропството.

„Ова се заповедите, законите и одредбите за кои Господ, вашиот Бог, ми заповеда да ве поучам во нив, за да ги вршите во земјата во која што одите да ја земете во сопственост за да се боиш, во текот на целиот свој живот, од Господа, од својот Бог, ти, твојот син и синот на твојот син, вршејќи ги сите Негови закони и сите Негови заповеди што ти ги повелам, па да имаш долг живот.

Врши што е право и добро во очите на Господа, за да ти биде добро и за да влезеш во Добра Земја, за која Господ им се заколна на твоите татковци

Зашто Господ, твојот Бог, што стои во твојата средина, е ревнив Бог; гневот на Господа, на твојот Бог, би пламнал против тебе и би те истребил од земјата.

Не одете по други богови, од боговите на другите народи што се околу вас.

Не искушувајте Го Господа, својот Бог, како што Го искушавте кај Маса.