Популарни Библиски стихови од ЈОВ 1

Сподели

Тогаш Јов стана, ја расцепи облеката врз себе, ја избричи главата и падна ничкум на земјата, се поклони и рече: „Излегов гол од мајчината утроба, и ќе се вратам гол таму. Господ даде, Господ зеде! Благословено да биде Господовото име!“ Покрај сѐ тоа, Јов не згреши ниту изусти некаква навреда против Бога.

Беше некогаш во земјата Уз човек по име Јов. Тоа беше непорочен и праведен човек: се боеше од Бога и се отстрануваше од злото.

Потоа Господ рече: „Дали го забележа мојот слуга Јов? Нему никој не му е рамен на земјата. Тоа е непорочен и праведен човек, се бои од Бога и се отстранува од злото!“

„Нека ти биде! - му рече Господ на Сатаната. - Прави што сакаш со сѐ што има; само не кревај ја својата рака врз него.“ И Сатаната отиде од пред Господовото лице.