Популарни Библиски стихови од Svun Mateo 5

Сподели

Ja' no'ox yech noxtoc c'alal ta jtsan jcastique, mu jmactic ta almul. Toyol onox chcac'tic yo' xilic o osil scotol ti much'utic teyic ta yut nae. Ja' no'ox yech tsc'an chaxojobanic ta stojol li crixchanoetic yo' xilic o ti lec c'usitic chapasique, yo ti xich'ic o ta muc' ti jtotic Riox ta vinajele.

»Li vo'oxuque co'oloxuc c'u cha'al luz li' ta sba balamile. Co'ol xchi'uc jun jteclum ta jolvits, ti lec xvinaje, mu stac' naq'uel.

»Jun no'ox yo'onic ti much'utic lecubtasbil xa yo'onique, yu'un chba sq'uelic ti Rioxe.

»Jun no'ox yo'onic ti much'utic co'ol xchi'uc vi'nal taquiti'il cha'iic ti tsc'an tspasic li c'usitic leque, ta xnojesbat xch'utic ya'el yu'un ti Rioxe yu'un ta xcoltaatic ta spasel li c'usitic leque.

Li vo'one chacalbeic: C'uxubinic lacrontaique. C'anbeic bentisyon ti much'utic chopol c'usi chayalbeique. Lec xac'oponic ti much'utic mu sc'an sq'uel asatique. C'oponbeic Riox ti much'utic chayilbajinique.

«Jun no'ox yo'onic ti much'utic abol sba cha'iique, yu'un ta xcuentainatic yu'un ti Rioxe.

»Jun no'ox yo'onic ti much'utic tspajesic c'ope, yu'un “jch'amaloxuc”, x'utatic yu'un ti Rioxe.

»Jun no'ox yo'onic ti much'utic ta x'oq'uique, yu'un chpatbat yo'onic yu'un ti Rioxe.

»Jun no'ox yo'onic ti much'utic ja' ch-ilbajinatic o ti lec c'usitic tspasique, yu'un ta xcuentainatic yu'un ti Rioxe.

»Jun no'ox yo'onic ti much'utic ta xc'uxubinvanique, yu'un ta xc'uxubinatic yu'un ti Riox uque.

»Li vo'oxuque junuc no'ox avo'onic ti mi ja' ta jcuenta chavich'ic chopolc'optaele, chavich'ic nutsele, ti chanopbat amulique xchi'uc ti naca chopol c'usi cha-albatique. Junuc no'ox avo'onic yu'un toj lec li amotonic chc'ot avich'ic ta vinajele. Yu'un ja' yech i'ilbajinatic ti yaj'alc'optac Riox ti ta vo'ne uque.

»Jun no'ox yo'onic ti much'utic manxoique, yu'un ja ch-ac'bat slumalinic ti ach' balamile.

»Li vo'oxuque co'ol c'u cha'al ats'am c'otemoxuc li' ta balamile. Ti mi ich'ay xchi'il li ats'ame, ¿mi ta to xchi'ub xana'ic otro j'ech'el? Mu xa c'u stu. Chich' taniel xchi'uc chich' tec'ulanel yu'un li crixchanoetique.

Li vo'oxuque ja' tsc'an ti lec tajmec avo'onic chac c'u cha'al lec tajmec yo'on ti Jtotic Riox ta vinajele ―x'utatic yu'un ti Jesuse.

Yechuc me li c'usi chavalique. “Xu', mi xachiique, yu'un xu' o;” “mu xu' mi xachiique, yu'un mu xu' o.” Yu'un ti mi oy c'usi ep chavalic ti ma'uc xa yeche, talem xa ta pucuj.

»Ava'yojic ti i'albatic ti vo'nee: “Ti mi at'usbe jp'ejuc sat la chi'ile, chavich' t'usbel jp'ejuc asat uc. Ti mi acolesbe jp'ejuc stanal ye la chi'ile, chavich' colesbel jp'ejuc stanal ave uc.” —X'utatic. Li vo'one chacalbeic: Mume xapacbeic ti much'u chopol c'usi chaxcha'leique. Mi oy much'u chasmajbe jotuc xocon asate, albo ti xu' tsmaj li otro jote.

»Yech'o un, mi ta scoj abats'i sat chata o amule loq'ueso, jipo ech'el. Ja' lec ti jts'uj no'ox abec'tal ta xch'aye; ja vocol mi ajunlej avich' tiq'uel ochel ta c'oq'ue. Ja' no'ox yech noxtoc mi ta scoj no'ox abats'i c'ob chata o amule, tuch'o loq'uel. Ja' lec mi jun no'ox ac'ob ta xch'aye; ja' vocol mi ajunlej avich' tiq'uel ochel ta c'oq'ue.