Популарни Библиски стихови од Saŋ 21

Сподели

Yaa da ñaktooxna boo a ƈut, Yeesu a laamta a Simoŋ Piyeer ee: «Simoŋ, o ƥiy Saŋ, ndax o mbeq of fa mi hupu o mbeq no weeke fa mi?» A doonaan ee: «Iyo moos, o Yaal oxe, andaa yee fexaaxoong.» Yeesu a layaan ee: «Topatooxi fo mbaal es.» A dakooxaan o lay ee: «Simoŋ, o ƥiy Yoona, ndax fexaxamo?» Piyeer a doonaan ee: «Iyo moos, o Yaal oxe, andaa yee fexaaxoong.» Yeesu a layaan ee: «Gayi paal es.» A dakooxa o laamit jaf dadkandeer ee: «Simoŋ, o ƥiy Yoona, ndax fexaxamo?» Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee: «O Yaal oxe, dara kunpa’irang. Andaa xil ee fexaaxoong.» Yeesu a layaan ee: «Topatooxi paal es.

No ndigil, no ndigil, mexe layang ee: Ye o refaa no ndeƥandoong, kaa o xiisnanoogu a xoox of o kurcala of, retaa maa feloonga. Kaa koy, boo nogoyoona, kaa o bugko letnaa xa ƥay of, o lakas a xiisnanong o ten, a ɓisang maa bugeeroona.»

A laya a den ee: «Ndeɓyo mbaal ne na ñamaak, too xan nu ndam.» A ndeɓa maaga mbaal ne, boo o qicin sax a ɓoowoogata a den, yaam ta may fo liƥ.

Simoŋ Piyeer a laya a den ee: «Mexe faalkaa de.» A layaan ee: «In oo de, xan i yoon fa wo.» Naaga, a sutooxa, a ndok no suk, ndaa no yeng olaa, ndamee dara.