Популарни Библиски стихови од ရှင်လုကာ 2

Сподели

ဟော်ညော့မောင် မေရှိယဟော် ဘရန်ဒါဝိဒ်ယယ့်ဇော်တိမွှို့မောင် ဖွားမျိုခယ့်လေပီ။

ဟော်ပေမယ့် နတ်ဒေဝါခေါ့ ဆူတွို့ကွို “မကျွောဂ်ကျော့ပေါ်နောင့် ငေါ်ဟော်လူအောလုန်းတွို့အတွ ကော်တရော်ဝုန်းမွှောဂ်စရော် ဆတန်းကွောင်းကွို ယူဆွောင်လော်ခယ့်တော်ဖှဂ်ရယ်။

“အမှင့်မှဂ်ဆုန်း ဆွယ်မျွို့တိုမောင်ဆိတိုမူရယ့်ဖရောဆန် ဖုန်းတန်ခွိုးကျွီးမှဂ်ပေါ်စေ။ ဟော်ကဘော်မှေပိုခေါ့ ဖရောဆန်သဖိုးကှော့တိုမူရယ့် ဆူတွို့ဟော်လယ်း ညိင်းခှောင်းခှန်းဆိပေါ်စေ” လွို့ ဟိုးကျော့လေရယ်။

အယ်းနွောဂ်မောင် ကွိုယ်တော်ယေရှုဟော် ကျွီးပှန်းလော်ရယ့်အခေါ်မောင် ကွိုယ်ခန်ဓော်ကျောင့်ခေါင်ဆန်မော်လော်ပွီးညင်ပညော်နဲ့ပှယ့်စုန်ရယ်အခေါ် ဖရောဆန်နောင့် လူအပွေါင်းတွို့ယယ့်သဖိုးကှော့ခှန်းကွိုလယ်း ခေါင်ယော့လေရယ်။

နန်တွို့ဆိဆနောင်ရယ့် အမတ်အဆောတခုအနေနောင့် ဗက်လင်မွှို့မောင် လူပယ့်ငါကွိုအဝဂ်စော့နောင့်ပတ်ပွီး နိုးစော်ခွထားမောင်ဆိင့်ထောရယ့်ဟော်ကွို မျိုတွိယော့လောဂ်မောင်ဖှဂ်ရယ်” လွို့ ဟိုးလေရယ်။

အယ်းအရောဂ်မောင် သိုးကွှောင်းဆောတခှို့ဟော် ဆူတွို့ယယ့်သိုးမျောကွို ဗက်လင်မွှို့အနီးနောင်း ကှစောယော်ကွမ်းမျောမောင် အယ်းသိုးမျောကွို ညော့အခှိင်မောင်စွောင့်ကျောဂ်နေကျော့လေရယ်။ အယ်းနွောဂ်မောင် ဖရောဆန်ယယ့်နတ်ဒေဝါတပေါဟော် ဆူတွို့ချယ့်မောင်တလန့်ပိုလော်ပွီး ဆူတွို့ယယ့် ပတ်လည်မောင် ဖရောဆန်ယယ့်ဖုန်းတိုကျွောင့်ထွမ်းလန်းတွောဂ်ပေါ့နေရယ်။ အယ်းယော်ကျွောင့် သိုးကွှောင်းဆောတွို့ဟော်လယ်း ကော်တရော်ထိင့်လန့် ဆိုးကျော့လေရယ်။