Популарни Библиски стихови од Luuk 17

Сподели

Den Jiizas se tu di man se, “Git op an go a yu yaad, yu biliiv an a dat mek yu get beta.”

Ef sevn taim iina wan die, dem du yu rang, an evritaim kom bak an se, ‘Mi sari,’ yu fi paadn dem.”

Wan a dem si se im get beta an ton baka priez Gad loud loud. Im chuo imself a Jiizas fut an tangk im. An im a did wan Samaritan.

So wach unuself! Ef yu breda ar yu sista du yu sopm rang, taak tu dem bout di rang we dem du an ef dem sari, paadn dem.

Jiizas aks im se, “A no ten a unu did get beta? So we di ada nain de?

Jiizas se, “Ef unu did chos iina mi likl bit, iivn laka wan likl likl siid, unu kuda se tu da big bredfruut chrii ya, ‘Ruut op yuself fram ya-so an go plaant yuself iina di sii,’ an it wuda du wa unu tel it fi du.

Di wan we a chrai fi kip im laif, wi luuz it, bot di wan we wi gi op im laif, wi siev it.

Jiizas se tu im speshal falara dem se, “Unu aalwiez a-go av sitn we mek piipl du rang, bot chobl fi di wan we mek sumadi els du di rang. Dem wuda betaraaf ef wan big big rakstuon did tai roun dem nek an dem get fling iina sii, dan fi dem kaaz wan a dem likl wan ya fi sin.

“Jos laik ou piipl yuus tu gwaan iina Nowa taim, a siem so piipl a-go gwaan wen di Man we Gad Pik kom bak. Piipl did a nyam, jringk, an a get marid op tu di die wen Nowa go iina di aak. Den di flod kom an kil aaf di uol a dem.