GENESIS Agháadi Ádaat'éii Bik'eh Áhálnéehii
Agháadi Ádaat'éii Bik'eh Áhálnéehii
Áłtsé hane' baa ch'íhoot'ánígíí yízhí Genesis éí bee hodeeshzhiizh. Díí naaltsoos hodeeyáádę́ę́' yót'ááh hiníláii áádóó nahasdzáán t'áá náhwiist'ą́ą́ nít'éé' ályaii yaa halne'. Diné hodideezlį́į́'dę́ę́' áádóó oodzíi'go bił ti'hoo'nííh bił nahasdzáán niilts'id. Diyin God bihonít'i'gi doo diné bił ałch'į' nininídee'. Genesis íiyisí éí naakigo ałts'áá'nilgo bohónéedzą́.
1) Wólta'ii t'ááłá'ídóó naakits'áadahjį': Hodeeyáádą́ą́' nákéé' náháne'ígíí éí diné hodideezlį́'ígíí baa hane'. Bee ha'oolta'ígíí éí áłtsé Ádam áádóó Íiv, Kéin áádóó Éíbel, Nóah áádóó tó yíląąd, áádóó Béíbel hoolyéegi kin wót'ááh yí'á.
2) Wólta'ii naakits'áadahdóó ashdladiingi éí ts'ídá áłtsé Ízrel dine'é ha'ahoolchínígíí yaa halne'. Ts'ídá áłtséhígíí Éíbraham éí bi'oodlą' áádóó Diyin God bik'eh hó'į́ bee béého'dílzin. Náá'ákóne' biye' Áízak áádóó binálí Jéíkab (éí Ízrel ałdó' wolyé) áádóó Jéíkab biye'ké naakits'áadahgo ał'ąą dine'é bik'í'neetą́ą'ii Ízrel dine'é daazlį́į́'. T'ááłá'í aye' t'éiyá ił nilį́įgo yąąh hááyá, éí Jóseph wolyé. Jéíkab áádóó biye'ké áádóó bada'áłchíní yił Ííjip kéyahgi kéédahojit'į́į́ nít'éé'. Díí naaltsoos éí díí diné yaa halne'.
T'óó bee hahóóyáadi Diyin God bidziilgo ts'ídá t'áá ałtsoní áyiilaa, áádóó bee nihoolzhiizhdi Diyin God éí t'áá náás yee nihoní'áanii bidine'é yich'į' ííshjání í'dólzin. Díí naaltsoos biyi' éí ts'ídá Diyin God t'éí ch'íbi'dit'áahgo yaa halne'; bí t'éiyá ánihwii'aah áádóó doo ákǫ́ǫ́ ádááníłígíí yiditeh; bidine'é yoo'ish áádóó yíká análwo' índa diné baa hoonihígíí yá yik'ąąs. Diné bi'oodlą' t'áá hináa doo biniyé díí naaltsoos éí aníchį́į́dę́ę́' bee bik'e'ashchį́įgo bikáá' nii'nil.
Ádahoodzaaígíí Ałkéé' Sinil
Yót'ááh hiníláii áádóó nahasdzáán índa bíla'ashdla'ii dine'é ályaa 1:1—2:25
Bąąhági át'éii áádóó ti'hoo'nííh háát'i' 3:1-24
Ádamdóó Nóahjį' 4:1—5:32
Nóah áádóó tó yíląądígíí 6:1—10:32
Béíbel kin wót'ááh yí'áii 11:1-9
Shemdóó Éíbramjį' 11:10-32
Ataa' danilíinii: Éíbraham áádóó Áízak áádóó Jéíkab 12:1—35:29
Íísa bits'ą́ą́dóó adideezhchíinii 36:1-43
Jóseph áádóó ashiiké yił háájéé' 37:1—45:28
Ízrel dine'é Ííjip kéyahdi nidaakai 46:1—50:26
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).