MATTHEW 21
21
Jesus ak'eh deesdlį́į'ii k'ehgo Jerúsalem góne' ííyá
(Mk. 11:1-11; Lk. 19:28-40; Jn. 12:12-19)
1Nít'éé' Jerúsalem t'áá áyídídę́ę́' bich'į' jookahgo Dził Álivz bíighahgi Béthfajii kin sinilígi jíkai, ákohgo hódahooł'aahii nidilt'éego ajííł'a', 2kóbijiníigo, Nihílááh, náwónaanídi nihidááhjí kin sinilíjį' doh'aash, t'áá áko ákwii télii ła' biyázhí bił dahaastł'ǫ́ǫgo bik'ídooh'ash; éí k'e'dooh'ałgo shaa nídooh'ish. 3Áko t'áá háiida ha'át'íhída nihidííniidgo, Jó, Bóhólníihii choidooł'įįł, didoohniił, áko t'áá áko áádę́ę́' nihił yi'doołnih. 4Díí kóhóót'įįdígíí Diyin God yá halne'ii kóníigo yee haadzíi'ii bohodoolnííł biniyé ádzaa:
5Záíyan bich'é'é bił dahołne',
Jó'akon, Aláahgo niNanit'a'í nilíinii
a'ohgo í'dólzingo télii,
Jó, éí télii yázhí yik'i dah
sidáago nich'į' bił yigááł.#Is. 62:11; Zech. 9:9.
6Áko hódahooł'aahii dah dii'áazhgo Jesus t'áá áhodííniidígi ádziidzaa, 7áko télii índa biyázhí bił názh'ní'eezhgo habeeldléí bikáa'jį' adadziiznil, áádóó Jesus éí télii yázhí yik'i dah neezdá. 8Áko diné lą'í dabibeeldléí atiingóó há dayíłkaad, náánáła' éí tsin bi'iil dayiizhgizhgo atiingóó há dayíłjeeh. 9Áko halą́ąjį' índa hakéédę́ę́' nooyéłígíí dadilwoshgo ádaaní,
David biYe' nilíinii baa ha'niih doo!#Ps. 118:25.
Bóhólníihii bízhi' bee bi'dójíigo yigáłígíí bik'ihojidlíi doo!#Ps. 118:26.
Aghánáhóó'áádę́ę́' baa ha'niih doo!
10Áko Jerúsalem góne' ajííyáago t'áá át'éé nít'éé' hahodíídláád, Díishą' háí át'į́, ha'níigo. 11Áko hoł nooyéłígíí ádadííniid, Díí Jesus, Diyin God yá halne'ii, Gáliliidi Názareth hoolyéédóó át'į́.
Kin bii' sohodizin nidayiiłchxǫǫhii ch'íneelkaad
(Mk. 11:15-19; Lk. 19:45-48; Jn. 2:13-22)
12Nít'éé' Jesus éí Diyin God bikin bii' sohodizin bił haz'ą́ą́ góne' yah ajííyáago, ákóne' baa nida'iiniihígíí índa nida'iiłniihígíí#21:12 Sohodizin bił haz'ą́ą́ góne' dibé hadaałt'éii áádóó hasbídí nidahaniihígíí diné nízaadę́ę́' nidaakaígíí yich'į' nidayiiłnii'. ch'ízhniníłkaad, áádóó bikáa'gi béeso ałghááda'a'nilii#21:12 Ał'ąą kédaayahdę́ę́' nidaakaigo biniinaa bibéeso łahgo át'é, áko béeso ałdó' ałghááda'a'nil. índa hasbídí baa nidahaniihii yikáá' dah naazdáhígíí naa'adziistł'ííd. 13Áko ábijiní, Jó, bee ak'e'ashchį́, Shikin éí kin bii' sohodizin wolyée doo,#Is. 56:7. nít'éé' nihí aghada'ii'níiłii be'a'áán ádaahłaa lá.#Jer. 7:11.
14Nít'éé' diné doo da'oo'ínígíí índa nida'niłhodígíí kin bii' sohodizin bił haz'ą́ągi haa haaskaigo, náádahizhdiyiisá. 15Nidi aláahgo nááda'iiłniihii índa bee haz'áanii yínda'niłtinii éí ádahooníiłii ayóó ádaat'éii baa nijiyáhígíí, áádóó kin bii' sohodizin bił haz'ą́ą́ góne' áłchíní, David biYe' nilíinii baa ha'niih doo! daaníigo dadilwoshgo dayiiłtsą́ągo doo bił dahóózhǫǫd da, 16áko Jesus ádeidííniid, Díí ádaanínígíísh dints'a'? Áko Jesus áhodííniid, Aoo', da' kóhá'nínígíísh t'ah doo dayínółta' da?
Áłchíní yázhí índa awéé'
t'ahdii da'ałt'o'ii
aa ha'niih t'áá ákogi át'éii
yee yádaałti'go íinilaa.#Ps. 8:2.
17Áko bits'ą́ą́' dashdiiyáago kin haal'áádóó ch'ízhníyá, áko Béthaniidi jiníyáago ákwii hwiiską́.
Fig sikaadii bineest'ą' doo bąąh nááhodoodleełgóó bá ha'oodzíí'
(Mk. 11:12-14,20-24)
18Áádóó abínígo kin haal'áágóó níjoodáałgo dichin dzizlį́į́'. 19Áko fig léi' atiin bąąhgi sikaadgo jiiłtsą́, áko baazhníyáago t'áadoo bąąh hólónígóó t'áá hazhó'ó bit'ąą' t'éiyá bąąh hólǫ́ǫgo jiiłtsą́. Áko ábizhdííniid, Kodóó hool'áágóó ts'ídá t'ááká nineest'ą' nąąh hóle' yíila'! T'áá áko fig sikaadii niiłna'. 20Áko hódahooł'aahii éí dayiiłtsą́ągo t'óó bił adahayóigo ádaaní, Haa lá yit'éego fig sikaadii tsxį́įłgo niiłna'? 21Áko Jesus hanáánáádzíi'go áhodííniid, T'áá aaníí ánihidishní, T'áadoo nihił naaki danilíní da'iinohdlą́ągo, t'áá díí fig sikaadii áshłaaígi át'éii doo t'éí baa nidaahkai da doo, nidi azhą́ díí dził, Dah ni'doot'aahgo tónteel biyi' góne' andi'yólghan, bidooniid nidi, ákódoonííł.#Mt. 17:20; 1Cor. 13:2. 22Áko da'iinohdlą́ągo t'áá ha'át'íhída dayínóhkeedgo sodadołzingo, éí nihaa dahalyée doo.
Jesus háí bee óhólnííh beidiní'ánígíí bínabídéékid
(Mk. 11:27-33; Lk. 20:1-8)
23Nít'éé' kin bii' sohodizin bił haz'ání góne' yah ajííyáago, diné nazhnitingo aláahgo nááda'iiłniihii índa diné yá aląąjį' naazíinii haa yíkaigo ádaaní, Ha'át'íí bee óhólnííh shį́įshą' bik'ehgo díidí baa naniná, áádóó háishą' díí bee óhólnííh neidiní'ą́? 24Áko Jesus hach'į' hanáádzíi'go áhodííniid, Shí ałdó' łahgo nanihídídéeshkił, áko éí bee shił dahoołne' ládą́ą́', shí ałdó' bee óhólnííh bik'ehgo díí baa naasháhígíí bee nihił hodeeshnih. 25John lá háádę́ę́' bee óhólníihii bik'ehgo tó bee adzisį́į́h nít'éé'? Yá'ąąshdę́ę́' daats'í, éí doodaléi' diné bits'ą́ą́dóó daats'í? Áko yaa nídaat'į́įgo ádaaní, Yá'ąąshdę́ę́' dadii'niidgo la', ánihididooniił, Ákoshą' haa yit'éego doo dahwiisoohdląąd da? 26Doodaii', Diné bits'ą́ą́dóó, dadii'niidgo la', diné yíl'áhígíí béédeiildzid, háálá éí t'áá ałtso John yę́ę Diyin God yá halne'ii nilį́į́ nít'éé' dayó'ní. 27Áko Jesus yich'į' hadaasdzíi'go ádaaní, Doo nihił béédahózin da. Áko Jesus áhodííniid, Shí ałdó' bee óhólnííh bik'ehgo díidí baa naasháhígíí doo bee nihił hodeeshnih da.
Aye' nilíinii nidilt'éego binahjį' hane' bee ak'idi'dootį́įłii
28Nidi díí haash yit'éego baa nitsídaahkees? Diné léi' biye' naaki, áko alą́ąjį' naagháhígíí yaa níyáago áyidííniid, Shiye', nílááh díí jį́ shich'il na'atł'o'ii bitahgi nidíílnish. 29Nít'éé' biye' ání, Doo ádeeshníił da, nidi áádóó bik'ijį' łahgo át'éego yąąh tsíńdeezkéezgo ákǫ́ǫ́ dah diiyá. 30Áádóó akéédę́ę́' naagháhígíí yaa náánádzáago t'áá ákót'éego yich'į' hanáánáádzíí', áko nít'éé', Deeshááł, shizhé'é, dííniid, nidi t'áadoo ákǫ́ǫ́ deeyáa da. 31Díí naakigoshą' háidíígíí bizhé'é íinízinígíí yi'iilaa? Áko ádaaní, Áłtséhígíí lą́ą. Jesus áháłní, T'áá aaníígóó ánihidishní, Tax nahalyéhígíí yiniyé naazdáii áádóó da'ałjiłnii éí Diyin God bee bóhólníihgo bił haz'áanii t'áá nihí átsé yiih hikááh. 32Háálá John yę́ę ts'ídá t'áá ákogi é'ét'é bił nahazt'i'ii yił nihaa níyáa nidi, t'áadoo deisoohdląąd da, nidi tax nahalyéhígíí yiniyé naazdáii áádóó da'ałjiłnii daboosdląąd,#Lk. 3:12; 7:29,30. áádóó azhą́ hadasidooł'į́į́'dóó bik'ijį' nidi, t'áadoo łahgo át'éego bąąh nitsíńdasookéezgo deisoohdląąd da.
Ch'il na'atł'o'ii áádóó yaa ádahalyáanii binahjį' hane' bee ak'idi'dootį́įłii
(Mk. 12:1-12; Lk. 20:9-19)
33Hane' bee ak'idi'dootį́įłii náánáła' dadoohts'į́į́h. Diné ła' kéyah bee bóhólníihii jílį́įgo, ch'il na'atł'o'ii k'izhdííláago tsé binaa ahénátł'ingo ájiilaa,#Is. 5:1,2. áádóó ákwii ch'il na'atł'o'ii yiljizh dooleełgi hahodziiznil, índa bikáá'dóó ha'alzídí hajíítł'ingo nízaadgóó yaa'áago ájiilaa, áko ch'il na'atł'o'ii yaa ádahalyą́ą dooleełii baa dzisįįdgo náánáła' kéyahgóó ajííyá. 34Áko k'adę́ę da'nit'ą́ągo, há nidaal'a'í ła' daneest'ánígíí ła' há nídeidoojih biniyé ch'il na'atł'o'ii yaa ádahalyánígíí bich'į' adziis'a'. 35Nít'éé' ch'il na'atł'o'ii yaa ádahalyánígíí há nidaal'a'í deisiłgo, ła' nídeineesxaal, ła' éí dayiisxį́, índa náánáła' éí yił nidadzisne'. 36Áko náá'áłdó' nááná ła' há nidaal'a'í áłtséédą́'ígíí t'ah bilááh ánéelą́ą'go ákǫ́ǫ́ anáádziis'a', áko éí ałdó' t'áá ákónáádayiidlaa. 37Áádóó éí bik'ijį' índa, Shiye'jígo bił danilį́į dooleeł, jiníigo bich'į' haye' ajííł'a'. 38Nidi ch'il na'atł'o'ii yaa ádahalyánígíí haye' dayiił tsą́ągo áda'ahidoo'niid, Díí ch'il na'atł'o'ii bíí' dooleełígíí át'į́į́ lá; sołtį', dadiyiilyééł, áko bíí' dooleeł yę́ę nihíí' dadooleeł. 39Áko dahasiłgo ch'il na'atł'o'ii bitahdóó ch'ídahwiisxango dahwiisxį́. 40Áko ch'il na'atł'o'ii bee hóhólníhígíí jiníyáago, ch'il na'atł'o'ii yaa ádahalyánígíí lá haazhdoolííł lá? 41Áko diné ádahodííniid, Éí diné doo ádadiilkóhígíí bik'e'íyée'ii yee neidoołtsił, áko ch'il na'atł'o'ii éí náánáła' yaa ádahalyą́ą dooleełii yaa néidoosįįł, áko éí da'nit'ą́ąjį' anáhwiilzhíishgo ch'il na'atł'o'ii bineest'ą' baa nídayiigéeh doo.
42Nít'éé' Jesus áháłní, Da' kót'éego Diyin God bizaad bee ak'eda'ashchínígíísh biyi' t'ah doo dayínółta' da?
Kin ádeił'íní tsé doo deiniizį́'ígíí,
t'áá éí tsé bee naaná'ástł'inii silį́į́';
díidí Bóhólníihii áát'įįdígíí át'é,
áko daníil'į́įgo bik'ee t'óó nihił adahayóí.#Ps. 118:22,23.
43Éí bąą ánihidishní, Diyin God bee bóhólníihgo bił haz'áanii nihighadidoot'ááł, índa náánáła' dine'é éí bits'ą́ą́dóó aneest'ą' nídahoodleeł doo biniyé baa didoot'ááł. 44[Áádóó t'áá háiida díí tsé bik'ijį' ajíígo'ígíí nihizhdooltǫǫł, nidi t'áá háiida hak'ijį' naalts'idígíí ch'íhodoołk'ááł.]
45Áko aláahgo nááda'iiłniihii índa Férisii danilíinii hane' bee ak'idi'dootį́įłii bee hadziisdzí'ígíí deidiizts'ą́ą'go, éí binahjį' bí baa níjít'į́įgo bił béédahoozin. 46Nidi hodi'dooltsoł ch'ééh daniizį́į́', diné yíl'áhígíí yéédaaldzidgo biniinaa, háálá Diyin God yá halne'ii át'į́ danízin.
Селектирано:
MATTHEW 21: NVJOB
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
MATTHEW 21
21
Jesus ak'eh deesdlį́į'ii k'ehgo Jerúsalem góne' ííyá
(Mk. 11:1-11; Lk. 19:28-40; Jn. 12:12-19)
1Nít'éé' Jerúsalem t'áá áyídídę́ę́' bich'į' jookahgo Dził Álivz bíighahgi Béthfajii kin sinilígi jíkai, ákohgo hódahooł'aahii nidilt'éego ajííł'a', 2kóbijiníigo, Nihílááh, náwónaanídi nihidááhjí kin sinilíjį' doh'aash, t'áá áko ákwii télii ła' biyázhí bił dahaastł'ǫ́ǫgo bik'ídooh'ash; éí k'e'dooh'ałgo shaa nídooh'ish. 3Áko t'áá háiida ha'át'íhída nihidííniidgo, Jó, Bóhólníihii choidooł'įįł, didoohniił, áko t'áá áko áádę́ę́' nihił yi'doołnih. 4Díí kóhóót'įįdígíí Diyin God yá halne'ii kóníigo yee haadzíi'ii bohodoolnííł biniyé ádzaa:
5Záíyan bich'é'é bił dahołne',
Jó'akon, Aláahgo niNanit'a'í nilíinii
a'ohgo í'dólzingo télii,
Jó, éí télii yázhí yik'i dah
sidáago nich'į' bił yigááł.#Is. 62:11; Zech. 9:9.
6Áko hódahooł'aahii dah dii'áazhgo Jesus t'áá áhodííniidígi ádziidzaa, 7áko télii índa biyázhí bił názh'ní'eezhgo habeeldléí bikáa'jį' adadziiznil, áádóó Jesus éí télii yázhí yik'i dah neezdá. 8Áko diné lą'í dabibeeldléí atiingóó há dayíłkaad, náánáła' éí tsin bi'iil dayiizhgizhgo atiingóó há dayíłjeeh. 9Áko halą́ąjį' índa hakéédę́ę́' nooyéłígíí dadilwoshgo ádaaní,
David biYe' nilíinii baa ha'niih doo!#Ps. 118:25.
Bóhólníihii bízhi' bee bi'dójíigo yigáłígíí bik'ihojidlíi doo!#Ps. 118:26.
Aghánáhóó'áádę́ę́' baa ha'niih doo!
10Áko Jerúsalem góne' ajííyáago t'áá át'éé nít'éé' hahodíídláád, Díishą' háí át'į́, ha'níigo. 11Áko hoł nooyéłígíí ádadííniid, Díí Jesus, Diyin God yá halne'ii, Gáliliidi Názareth hoolyéédóó át'į́.
Kin bii' sohodizin nidayiiłchxǫǫhii ch'íneelkaad
(Mk. 11:15-19; Lk. 19:45-48; Jn. 2:13-22)
12Nít'éé' Jesus éí Diyin God bikin bii' sohodizin bił haz'ą́ą́ góne' yah ajííyáago, ákóne' baa nida'iiniihígíí índa nida'iiłniihígíí#21:12 Sohodizin bił haz'ą́ą́ góne' dibé hadaałt'éii áádóó hasbídí nidahaniihígíí diné nízaadę́ę́' nidaakaígíí yich'į' nidayiiłnii'. ch'ízhniníłkaad, áádóó bikáa'gi béeso ałghááda'a'nilii#21:12 Ał'ąą kédaayahdę́ę́' nidaakaigo biniinaa bibéeso łahgo át'é, áko béeso ałdó' ałghááda'a'nil. índa hasbídí baa nidahaniihii yikáá' dah naazdáhígíí naa'adziistł'ííd. 13Áko ábijiní, Jó, bee ak'e'ashchį́, Shikin éí kin bii' sohodizin wolyée doo,#Is. 56:7. nít'éé' nihí aghada'ii'níiłii be'a'áán ádaahłaa lá.#Jer. 7:11.
14Nít'éé' diné doo da'oo'ínígíí índa nida'niłhodígíí kin bii' sohodizin bił haz'ą́ągi haa haaskaigo, náádahizhdiyiisá. 15Nidi aláahgo nááda'iiłniihii índa bee haz'áanii yínda'niłtinii éí ádahooníiłii ayóó ádaat'éii baa nijiyáhígíí, áádóó kin bii' sohodizin bił haz'ą́ą́ góne' áłchíní, David biYe' nilíinii baa ha'niih doo! daaníigo dadilwoshgo dayiiłtsą́ągo doo bił dahóózhǫǫd da, 16áko Jesus ádeidííniid, Díí ádaanínígíísh dints'a'? Áko Jesus áhodííniid, Aoo', da' kóhá'nínígíísh t'ah doo dayínółta' da?
Áłchíní yázhí índa awéé'
t'ahdii da'ałt'o'ii
aa ha'niih t'áá ákogi át'éii
yee yádaałti'go íinilaa.#Ps. 8:2.
17Áko bits'ą́ą́' dashdiiyáago kin haal'áádóó ch'ízhníyá, áko Béthaniidi jiníyáago ákwii hwiiską́.
Fig sikaadii bineest'ą' doo bąąh nááhodoodleełgóó bá ha'oodzíí'
(Mk. 11:12-14,20-24)
18Áádóó abínígo kin haal'áágóó níjoodáałgo dichin dzizlį́į́'. 19Áko fig léi' atiin bąąhgi sikaadgo jiiłtsą́, áko baazhníyáago t'áadoo bąąh hólónígóó t'áá hazhó'ó bit'ąą' t'éiyá bąąh hólǫ́ǫgo jiiłtsą́. Áko ábizhdííniid, Kodóó hool'áágóó ts'ídá t'ááká nineest'ą' nąąh hóle' yíila'! T'áá áko fig sikaadii niiłna'. 20Áko hódahooł'aahii éí dayiiłtsą́ągo t'óó bił adahayóigo ádaaní, Haa lá yit'éego fig sikaadii tsxį́įłgo niiłna'? 21Áko Jesus hanáánáádzíi'go áhodííniid, T'áá aaníí ánihidishní, T'áadoo nihił naaki danilíní da'iinohdlą́ągo, t'áá díí fig sikaadii áshłaaígi át'éii doo t'éí baa nidaahkai da doo, nidi azhą́ díí dził, Dah ni'doot'aahgo tónteel biyi' góne' andi'yólghan, bidooniid nidi, ákódoonííł.#Mt. 17:20; 1Cor. 13:2. 22Áko da'iinohdlą́ągo t'áá ha'át'íhída dayínóhkeedgo sodadołzingo, éí nihaa dahalyée doo.
Jesus háí bee óhólnííh beidiní'ánígíí bínabídéékid
(Mk. 11:27-33; Lk. 20:1-8)
23Nít'éé' kin bii' sohodizin bił haz'ání góne' yah ajííyáago, diné nazhnitingo aláahgo nááda'iiłniihii índa diné yá aląąjį' naazíinii haa yíkaigo ádaaní, Ha'át'íí bee óhólnííh shį́įshą' bik'ehgo díidí baa naniná, áádóó háishą' díí bee óhólnííh neidiní'ą́? 24Áko Jesus hach'į' hanáádzíi'go áhodííniid, Shí ałdó' łahgo nanihídídéeshkił, áko éí bee shił dahoołne' ládą́ą́', shí ałdó' bee óhólnííh bik'ehgo díí baa naasháhígíí bee nihił hodeeshnih. 25John lá háádę́ę́' bee óhólníihii bik'ehgo tó bee adzisį́į́h nít'éé'? Yá'ąąshdę́ę́' daats'í, éí doodaléi' diné bits'ą́ą́dóó daats'í? Áko yaa nídaat'į́įgo ádaaní, Yá'ąąshdę́ę́' dadii'niidgo la', ánihididooniił, Ákoshą' haa yit'éego doo dahwiisoohdląąd da? 26Doodaii', Diné bits'ą́ą́dóó, dadii'niidgo la', diné yíl'áhígíí béédeiildzid, háálá éí t'áá ałtso John yę́ę Diyin God yá halne'ii nilį́į́ nít'éé' dayó'ní. 27Áko Jesus yich'į' hadaasdzíi'go ádaaní, Doo nihił béédahózin da. Áko Jesus áhodííniid, Shí ałdó' bee óhólnííh bik'ehgo díidí baa naasháhígíí doo bee nihił hodeeshnih da.
Aye' nilíinii nidilt'éego binahjį' hane' bee ak'idi'dootį́įłii
28Nidi díí haash yit'éego baa nitsídaahkees? Diné léi' biye' naaki, áko alą́ąjį' naagháhígíí yaa níyáago áyidííniid, Shiye', nílááh díí jį́ shich'il na'atł'o'ii bitahgi nidíílnish. 29Nít'éé' biye' ání, Doo ádeeshníił da, nidi áádóó bik'ijį' łahgo át'éego yąąh tsíńdeezkéezgo ákǫ́ǫ́ dah diiyá. 30Áádóó akéédę́ę́' naagháhígíí yaa náánádzáago t'áá ákót'éego yich'į' hanáánáádzíí', áko nít'éé', Deeshááł, shizhé'é, dííniid, nidi t'áadoo ákǫ́ǫ́ deeyáa da. 31Díí naakigoshą' háidíígíí bizhé'é íinízinígíí yi'iilaa? Áko ádaaní, Áłtséhígíí lą́ą. Jesus áháłní, T'áá aaníígóó ánihidishní, Tax nahalyéhígíí yiniyé naazdáii áádóó da'ałjiłnii éí Diyin God bee bóhólníihgo bił haz'áanii t'áá nihí átsé yiih hikááh. 32Háálá John yę́ę ts'ídá t'áá ákogi é'ét'é bił nahazt'i'ii yił nihaa níyáa nidi, t'áadoo deisoohdląąd da, nidi tax nahalyéhígíí yiniyé naazdáii áádóó da'ałjiłnii daboosdląąd,#Lk. 3:12; 7:29,30. áádóó azhą́ hadasidooł'į́į́'dóó bik'ijį' nidi, t'áadoo łahgo át'éego bąąh nitsíńdasookéezgo deisoohdląąd da.
Ch'il na'atł'o'ii áádóó yaa ádahalyáanii binahjį' hane' bee ak'idi'dootį́įłii
(Mk. 12:1-12; Lk. 20:9-19)
33Hane' bee ak'idi'dootį́įłii náánáła' dadoohts'į́į́h. Diné ła' kéyah bee bóhólníihii jílį́įgo, ch'il na'atł'o'ii k'izhdííláago tsé binaa ahénátł'ingo ájiilaa,#Is. 5:1,2. áádóó ákwii ch'il na'atł'o'ii yiljizh dooleełgi hahodziiznil, índa bikáá'dóó ha'alzídí hajíítł'ingo nízaadgóó yaa'áago ájiilaa, áko ch'il na'atł'o'ii yaa ádahalyą́ą dooleełii baa dzisįįdgo náánáła' kéyahgóó ajííyá. 34Áko k'adę́ę da'nit'ą́ągo, há nidaal'a'í ła' daneest'ánígíí ła' há nídeidoojih biniyé ch'il na'atł'o'ii yaa ádahalyánígíí bich'į' adziis'a'. 35Nít'éé' ch'il na'atł'o'ii yaa ádahalyánígíí há nidaal'a'í deisiłgo, ła' nídeineesxaal, ła' éí dayiisxį́, índa náánáła' éí yił nidadzisne'. 36Áko náá'áłdó' nááná ła' há nidaal'a'í áłtséédą́'ígíí t'ah bilááh ánéelą́ą'go ákǫ́ǫ́ anáádziis'a', áko éí ałdó' t'áá ákónáádayiidlaa. 37Áádóó éí bik'ijį' índa, Shiye'jígo bił danilį́į dooleeł, jiníigo bich'į' haye' ajííł'a'. 38Nidi ch'il na'atł'o'ii yaa ádahalyánígíí haye' dayiił tsą́ągo áda'ahidoo'niid, Díí ch'il na'atł'o'ii bíí' dooleełígíí át'į́į́ lá; sołtį', dadiyiilyééł, áko bíí' dooleeł yę́ę nihíí' dadooleeł. 39Áko dahasiłgo ch'il na'atł'o'ii bitahdóó ch'ídahwiisxango dahwiisxį́. 40Áko ch'il na'atł'o'ii bee hóhólníhígíí jiníyáago, ch'il na'atł'o'ii yaa ádahalyánígíí lá haazhdoolííł lá? 41Áko diné ádahodííniid, Éí diné doo ádadiilkóhígíí bik'e'íyée'ii yee neidoołtsił, áko ch'il na'atł'o'ii éí náánáła' yaa ádahalyą́ą dooleełii yaa néidoosįįł, áko éí da'nit'ą́ąjį' anáhwiilzhíishgo ch'il na'atł'o'ii bineest'ą' baa nídayiigéeh doo.
42Nít'éé' Jesus áháłní, Da' kót'éego Diyin God bizaad bee ak'eda'ashchínígíísh biyi' t'ah doo dayínółta' da?
Kin ádeił'íní tsé doo deiniizį́'ígíí,
t'áá éí tsé bee naaná'ástł'inii silį́į́';
díidí Bóhólníihii áát'įįdígíí át'é,
áko daníil'į́įgo bik'ee t'óó nihił adahayóí.#Ps. 118:22,23.
43Éí bąą ánihidishní, Diyin God bee bóhólníihgo bił haz'áanii nihighadidoot'ááł, índa náánáła' dine'é éí bits'ą́ą́dóó aneest'ą' nídahoodleeł doo biniyé baa didoot'ááł. 44[Áádóó t'áá háiida díí tsé bik'ijį' ajíígo'ígíí nihizhdooltǫǫł, nidi t'áá háiida hak'ijį' naalts'idígíí ch'íhodoołk'ááł.]
45Áko aláahgo nááda'iiłniihii índa Férisii danilíinii hane' bee ak'idi'dootį́įłii bee hadziisdzí'ígíí deidiizts'ą́ą'go, éí binahjį' bí baa níjít'į́įgo bił béédahoozin. 46Nidi hodi'dooltsoł ch'ééh daniizį́į́', diné yíl'áhígíí yéédaaldzidgo biniinaa, háálá Diyin God yá halne'ii át'į́ danízin.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).