Марко 14
14
Заговор против Исус
(Мт 26,1-5; Лк 22,1-2; Јн 11,45-53)
1 #
2 Мојс 12,1-2; 5 Мојс 16,1-8; Мт 12,14; Дела 9,29 По два дни беше Пасха и празникот Бесквасници. А првосвештениците и книжниците сакаа да Го фатат на измама и да Го убијат; 2но велеа: „На празникот не, за да не стане бунт меѓу луѓето.“
Помазанието во Витанија
(Мт 26,6-13; Јн 12,1-8)
3 #
Мт 21,17; Лк 7,37 А кога беше Тој во Витанија, во куќата на Симон Лепрозниот, и седеше на трпеза, дојде една жена со шишенце скапоцен и чист нардов мирис и, кога го искрши шишенцето, го изли мирисот врз главата Негова. 4А некои негодуваа во себе и говореа: „Зошто мирисот да се растура? 5Тоа можеше да се продаде за повеќе од триста денарии, и да им се раздадат на сиромасите.“ И негодуваа против неа. 6Но Исус рече: „Оставете ја неа; зошто ја буните? Таа направи добро дело за Мене! 7#5 Мојс 15,11Сиромасите секогаш ги имате со вас и кога сакате, можете да им направите добро; но Мене Ме немате секогаш. 8#16,1; Јн 19,40Тоа што можеше, таа го направи: однапред го помаза телото Мое за погребение. 9#1,1; 16,15; Мт 24,14; Кол 1,5-6.23Вистина ви велам: каде и да се проповеда ова Евангелие, по целиот свет ќе се прикажува за нејзин спомен и тоа, што го направи таа.“
Предавникот Јуда
(Мт 26,14-16; Лк 22,3-6)
10 #
Мт 26,2.47; Јн 6,71 Тогаш Јуда Искариот, еден од дванаесетте, отиде кај првосвештениците за да им Го предаде. 11А тие, штом чуја, се зарадуваа и ветија да му дадат пари. И бараше погодно време за да Го предаде.
Подготвување на Пасхалната вечера
(Мт 26,17-19; Лк 22,7-13)
12 #
2 Мојс 12
Во првиот ден на Бесквасници, кога го колеа Пасхалното јагне, учениците Негови Му рекоа: „Каде сакаш да отидеме и да приготвиме, за да ја јадеш Пасхата?“ 13#1 Сам 10,2-5И прати двајца од учениците Свои, па им рече: „Отидете в град; и ќе ве сретне еден човек, што ќе носи вода во стомна; одете по него. 14И каде што ќе влезе тој, кажете му на домаќинот: ‚Учителот прашува: каде е собата, во која ќе ја јадам Пасхата со учениците Свои?‘ 15И тој ќе ви покаже голема соба, послана, приготвена; таму згответе ни.“ 16И излегоа учениците Негови и дојдоа во градот, и најдоа како што им беше рекол, па ја приготвија Пасхата.
Исус го посочува својот предавник
(Мт 26,20-25; Лк 22,14; Јн 13,21-30)
17А кога се стемни, Тој дојде со дванаесетте. 18#Пс 41,9И кога седеа и јадеа, Исус им рече: „Вистина ви велам: еден од вас, што јаде со Мене, ќе Ме предаде.“ 19Тие се разжалостија и почнаа еден по друг да прашуваат: „Да не сум јас?“ 20А Тој им одговори и рече: „Еден од дванаесетте е, што мака со Мене во чинијата. 21#Мт 8,20Но Синот Човечки заминува, како што е пишано за Него. Само тешко му на оној човек, преку кого Синот Човечки ќе биде предаден; подобро ќе беше за тој човек, да не се беше родил!“
Воспоставување на Причеста
(Мт 26,26-30; Лк 22,14-20; 1 Кор 11,23-26)
22 #
Мт 14,19; 15,36 И кога јадеа, зеде Исус леб, го благослови, го прекрши, па им даде и рече: „Земете, јадете; тоа е Моето тело.“ 23#1 Кор 10,16Потоа ја зеде чашата, заблагодари и им ја даде; и се напија од неа сите. 24#2 Мојс 24,8; Зах 9,11; Евр 9,20И им рече: „Тоа е Мојата крв на Новиот завет, која се пролива за мнозина. 25#Ис 25,6; Лк 13,29Вистина ви велам: Јас нема да пијам веќе од лозовиот плод сѐ до оној ден, кога ќе пијам нов во царството Божјо.“ 26#11,1; Лк 22,39Па, откако испеаја благодарствена песна, се искачија на Маслиновата Гора.
Петар ќе се одрече од Исус
(Мт 26,31-35; Лк 22,31-34; Јн 13,36-38)
27 #
6,34; Зах 13,7; Мт 5,29; 26,56 И им рече Исус: „Сите ќе се соблазните заради Мене во оваа ноќ, зашто е напишано: ‚Ќе го удрам пастирот и ќе се разбегаат овците.‘ 28#Мт 28,7.10.16Но после, кога ќе воскреснам, ќе отидам во Галилеја пред вас.“ 29А Петар Му рече: „Дури и сите да се соблазнат, јас не!“ 30#14,71-72Му рече Исус: „Вистина, ти велам дека уште денес, во оваа ноќ, пред да запее петел двапати, ти трипати ќе се откажеш од Мене!“ 31#Јн 11,16Но тој уште повеќе тврдеше: „Ако треба дури и да умрам со Тебе, нема да се одречам од Тебе.“ И сите така рекоа.
Молитвата во Гетсиманија
(Мт 26,36-46; Лк 22,39-46)
32 #
Јн 18,1
Пристигнаа во пределот, по име Гетсиманија; и им рече на учениците Свои: „Седете овде, додека отидам да се помолам!“ 33#5,37; 9,2; Мт 17,1И ги зеде со Себе Петар, Јаков и Јован; се замисли и почна да тагува, 34#Јона 4,9; Пс 42,5.11; 43,5па им рече: „Душата Ми е до смрт нажалена; останете тука и бидете будни!“ 35#Јн 12,27; 13,1; 17,1И штом се оддалечи малку, се фрли на земја и се молеше, за да Го одмине овој час, ако е можно; 36#Мт 6,10; 20,22; Јн 5,30; 6,38; Рим 8,15; Гал 4,6и велеше: „Ава, Оче! Сѐ е можно за Тебе; отклони ја од Мене оваа чаша; сепак не како Јас што сакам, туку како Ти!“ 37Па дојде и ги затече да спијат, и му рече на Петар: „Симоне, спиеш ли? Не можеше ли еден час да бидеш буден? 38#Мт 6,13; 26,41; Лк 11,4; Рим 7,5Бидете будни и молете се да не паднете во искушение: духот е бодар, но телото е слабо.“ 39И пак отиде и се помоли, изговарајќи ги истите зборови. 40#Лк 9,32А кога се врати, ги најде пак како спијат, зашто очите им беа натежнале; и не знаеја што да Му одговорат. 41#Јн 2,4; 7,30; 12,23.27; 13,1; 17,1И по третпат дојде и им рече: „Само спиете и почивате! Свршено е, дојде часот; еве, се предава Синот Човечки во рацете на грешници. 42Станете да одиме! Еве, наближи оној што Ме предава.“
Исусовото приведување
(Мт 26,47-56; Лк 22,47-53; Јн 18,3-12)
43 #
14,10; Мт 10,4 И веднаш, додека Тој сѐ уште говореше, Јуда, еден од дванаесетте, дојде, и со него многу народ со мечеви и со стапови, испратени од првосвештениците, книжниците и старешините. 44А оној, што Го предаваше, им беше дал знак, велејќи: „Кого ќе Го целивам, Тој е: фатете Го и водете Го претпазливо!“ 45#9,5; Лк 15,20Па, кога дојде, веднаш се приближи до Него и рече: „Рави!“ И Го целива. 46А тие ги кладоа рацете свои на Него и Го фатија. 47#Јн 7,30.44; 18,10.26Еден, пак, од оние, што стоеја таму, извади нож, го удри слугата на првосвештеникот и му го отсече увото. 48Исус им одговори и рече: „Зар како на разбојник сте излегле со ножеви и колови, за да Ме фатите? 49#Лк 19,47; 21,37Секој ден бев со вас во храмот и поучував, и не Ме фативте. Но, нека се исполнат Писмата.“ 50#14,27; Зах 13,7; Јн 16,32И откако Го оставија, сите се разбегаа. 51А по Него врвеше еден млад човек, наметнат со платниште на голо тело; и војниците го фатија. 52#Амос 2,16Но тој, кога го остави платништето, побегна од нив необлечен.
Исусовото сослушување пред Синедрионот
(Мт 26,57-68; Лк 22,54-55.63-71; Јн 18,13-14.19-24)
53 #
11,27
И Го доведоа Исус кај првосвештеникот, и се собраа таму сите првосвештеници, старешини и книжници. 54А Петар врвеше по Него оддалеку и влезе внатре, во дворот на првосвештеникот; па седна со слугите и се грееше на огнот. 55Првосвештениците и целиот Синедрион бараа сведоштва против Исус, за да Го убијат, и не наоѓаа. 56Зашто мнозина лажно сведочеа против Него, но тие сведоштва не се сложуваа. 57И станаа некои, па сведочеа лажно против Него, велејќи: 58#15,29; Јн 2,19.21; Дела 6,14; 2 Кор 5,1„Чувме кога Тој говореше: ‚Ќе го урнам овој ракотворен храм и по три дни ќе соѕидам друг, неракотворен.‘“ 59Но ни тоа нивно сведочење не беше еднакво. 60И првосвештеникот, откако застана на средина, Го праша Исуса говорејќи: „Ништо ли не одговараш? Што сведочат овие против Тебе?“ 61#Ис 50,6-8; 53,7; Мт 14,33; Рим 1,25; 1 Птр 1,3Но Тој молчеше и ништо не одговараше. Првосвештеникот пак Го праша и Му рече: „Ти ли си Христос, Синот на Благословениот?“ 62#Пс 110,1; Дан 7,13; Мт 8,20Исус рече: „Јас сум; и ќе Го видите Синот Човечки како седи од десната страна на Силата и како иде на облаците небески.“ 63#1 Мојс 37,30; Ест 4,1; Мт 26,65А првосвештеникот, пак, ја раскина облеката своја, рече: „Зошто ни се повеќе сведоци? 64#3 Мојс 24,16; Мт 9,3; Јн 19,7Чувте како хули на Бога; што мислите?“ И сите тие се согласија дека заслужува смрт. 65#15,19; Ис 50,6; Мт 27,30А некои почнаа да плукаат на Него, да Му го покриваат лицето, да Го удираат и да Му велат: „Проречи!“ И слугите Го удираа по образите.
Петровото одрекување
(Мт 26,69-75; Лк 22,56-62; Јн 18,15-18.25-27)
66Кога Петар беше долу во дворот, дојде една од слугинките на првосвештеникот, 67#Дела 4,13па, штом го виде Петар како се грее, погледна во него и рече: „И ти беше со Исус од Назарет.“ 68#Мт 2,23Но тој одрече, велејќи: „Не знам, ниту разбирам што говориш.“ И излезе надвор пред дворот и запеа петел. 69Слугинката, кога го виде повторно, почна да им зборува на оние што стоеја таму: „И овој е од нив!“ 70Тој пак одрече. Подоцна, оние, што стоеја таму, му рекоа на Петар: „Навистина, и ти си од нив; бидејќи си Галилеец, а и говорот ти е таков!“ 71#Дела 23,12.14.21А тој почна да се колне и се заколна: „Не Го познавам Овој Човек, за Кого говорите!“ 72#14,30; Јн 13,38И по вторпат петел запеа. Петар се сети на зборовите, што му ги кажа Исус: „Уште пред двапати петел да запее, трипати ќе се одречеш од Мене.“ И почна да плаче.
Селектирано:
Марко 14: MK2006
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2006
© Bible Society of the Republic of Macedonia 2006