Matayi 3
3
Ubulumbilili ubwa Yohani Uwalozyo
(Mlko. 1.1-8; Luk. 3.1-18; Yoh. 1.19-28)
1Pakabalilo kalakala u Yohani Uwalozyo akiza munkolongo muchigaba icha Yudeya nukwanda pakulumbilila. 2#Mat. 4.17; Mlko. 1.15Akati, “Pinduka nukuzileka imbibi zyinyu, pakuti Ubumwene ubwa Kumwanya buli papipi!” 3#Yes. 40.3U Yohani akaba muntu yuyo umulaghuzi u Yesaya akamunenagha ukuti,
“Izyu ilya muntu yumo likukolomoka munkolongo likuti,
‘Yannya izila iya Mwene,
gholosya izila ukuti endemo!’ ”
4 #
2 Abm. 1.8
U Yohani akavwalagha amenda aghameya agha ngamila nu lamba uwikwela mumusana wache, po ichakulya chache chikaba we kanta nu buchi. 5Abantu bosi aba mu Yelusalemu naba muchigaba chosi icha Yudeya, naba muvigaba vyosi ivya papipi nu lusoko ulwa Yolodani bakiza kukwache. 6Bakilata imbibi zyabo nukoziwa nu Yohani mulusoko ulwa Yolodani. 7#Mat. 12.34, 23.33U Yohani akabennya aba Falisayi naba Sadukayi abinji bakwiza kukwache ukuti boziwe. Po akababuzya akati, “Amwe mwe bana aba njoka! Nkimba we wenu abasokite pakuluchimbila ulufundo ulwa Chala lulo lukwiza? 8Bombagha imbombo izyakulanjizya ukuti naloli mwapinduka nukuzileka imbibi zyinyu. 9#Yoh. 8.33Mutakinong'onaye ukuti, ‘U Abulahamu we munyenya witu.’ Inkubabuzya ukuti u Chala angaghapela amabwe agha pakuba baluko aba Abulahamu. 10#Mat. 7.19Intemo yiyaniziwe kale pakudumula amakwi pasi pamagululuzi. Ikwi lyosi lilyo litakwela ivikomwa inyiza likwiza pakudumuliwa nukusumbiwa pamoto. 11Ane inkubozya na mizi pakulanjizya ukuti naloli mwapinduka nukuzileka imbibi zyinyu. Loli pisinda papane pakwiza yumo pakubozya nu Muzimu Umuzelu nu moto. Ali na maka ukunchila. Ane ntabaghiye na panandi pakunyamula inkwato zyache. 12Ali nu luselo munyobe zyache ulwakupetela ingano. Po akwiza pakubika ingano muntamba, loli ilyelelo likwiza pakochiwa nu moto, ghugho ghutakuzimapo nalumolumo.”
Ukoziwa kwa Yesu
(Mlko. 1.9-11; Luk. 3.21-22)
13Pakabalilo kalakala u Yesu akafuma mu Galileya nukwiza kulusoko ulwa Yolodani ukuti oziwe nu Yohani. 14Loli u Yohani akayezya pakumukanila ukuti, “Ane ne nabaghiye pakoziwa nawe, loli choni chicho wiza kukwane?” 15U Yesu akamwamula akati, “Vileke vibanje bunubu pakabalilo aka, pakuti tukwiza pakubomba zyosi zizyo u Chala akulonda.” Po u Yohani akitika.
16Bo u Yesu oziwa bulo, akazubuka mumizi. Palapala kumwanya kukighuka, akennya u Muzimu uwa Chala akumwikila ngati yo nkunda. 17#Ubw. 22.2; Mas. 2.7; Mas. 42.1; Mat. 12.18, 17.5; Mlko. 1.11; Luk. 9.35Po izyu likivwika kumwanya likati, “Uyu Mwana wane umughaniwa, yuyo ihobokite nkani nawe.”
Селектирано:
Matayi 3: LMBNT2016
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Дознај повеќе за Ulufingo Ulupya