Genesi 24
24
Rebeka unotorwa kuʋa mukadzi waIsaka.
1Abrahama ɀino wakaŋga akwegura, aʋa mutana kwaɀo; Jehova wakaŋga aropafadza Abrahama paɀinhu ɀose. 2Abrahama akataura nomuranda wake, waiʋa mukuru weimba yake, waiceŋgeta ɀose ɀaakaŋga anaɀo, aciti: Cimboisa canza cako pasi pecidɀa caŋgu, 3ndikupikise naJehova, Mŋari wokuɗeŋga, naMŋari wenyika, kuti hauŋgatoreri mŋanakomana waŋgu mukadzi kuʋanasikana ʋeKanani, ʋandinogara pakati paʋo; 4asi uende kunyika yaŋgu, nokuhama dzaŋgu, undotorera ikoko mŋanakomana waŋgu Isaka mukadzi. 5Muranda akati kwaari: Ɀimŋe mukadzi haaŋgatendi kunditeʋera kunyika ino; ɀino ndiŋgafanira kudzosera mŋanakomana wenyu kunyika kwamakabva here? 6Abrahama akati kwaari: Cenjera kuti urege kudzosera mŋanakomana waŋgu ikoko. 7Jehova, Mŋari wokuɗeŋga, wakandibvisa paimba yaɓaɓa ʋaŋgu nomunyika yokuɀarwa kwaŋgu, wakataura neni, akandipikira, aciti: Nyika ino ndicapa ʋana ʋako; ndiye ucatuma mutumŋa wake pamberi pako, kuti utorere mŋanakomana waŋgu mukadzi ikoko. 8Kana mukadzi asiŋgatendi kukuteʋera, iwe ucasunuŋgurwa pakupika kwako uku kwandiri; asi usadzosera mŋanakomana waŋgu ikoko. 9Ipapo muranda akaisa canza cake pasi pecidɀa catenzi wake, akamupikira pamsoro pecinhu ico. 10Muranda akatora makamera anegumi pamakamera atenzi wake, akaenda, anenhumbi dzose dzakanaka dzatenzi wake; akasimuka, akaenda Mesopotamia kuguta raNahori. 11Akafugamisa makamera kunze kweguta patsime remvura neŋguʋa yamaɗekwana, iri ŋguʋa yaiɓuɗa ʋakadzi kundocera mvura; 12akati: Jehova, Mŋari watenzi waŋgu Abrahama, ndifambisei henyu ɀakanaka nhasi; muitire tenzi waŋgu Abrahama ŋgoni. 13Tarirai ndimire patsime remvura, ʋakunda ʋaʋanhu ʋeguta ʋoɓuɗa kuzocera mvura. 14Ɀino ŋgakuitwe kuti musikana wandicati kwaari: Nditurire ʋo ciroŋgo cako, ndinwe; kana akati: Inwai henyu, namakamera enyu ndicaanwisa ʋo; ŋgaaʋe iye wamakatsaurira muranda wenyu Isaka; naiɀoɀo ndicaziʋa kuti makaitira tenzi waŋgu ŋgoni. 15Ɀino wakaŋga asati apedza kutaura, Rebeka, wakaɓerekerwa Betueri, mŋanakomana waMirka, mukadzi waNahori, munuŋuna waAbrahama, wakaȿika aneciroŋgo pafudzi rake. 16Ɀino musikana uyu wakaŋga akanaka kwaɀo pameso ake, mhandara isina‐kumbozibga nomurume; akaɓurukira kutsime, akazadza ciroŋgo cake, akakwira ɀe. 17Ipapo muranda wakamhanyira kundosoŋgana naye, akati: Ƌondipa ʋo ɀimvura paciroŋgo cako, ndinwe. 18Iye akati: Inwai henyu, ishe waŋgu; akakurumidza kutura ciroŋgo cake paruʋoko rwake, akamunwisa. 19Wakati apedza kumunwisa, akati: Ndicacerera makamera enyu ʋo kuȿikira aguta. 20Akakurumidza, akaɗurura mvura yakaŋga iri muciroŋgo cake mucinwiro; akamhanyira kutsime kundocera ɀe, akacerera makamera ake ose. 21Murume akamutarisisa, anyerere, kuti aziʋe kana Jehova amufambisa ɀakanaka parwendo rwake, kana kwete. 22Makamera akati apedza kunwa, murume akatora cindori cendarama cakaita hafu yeshekeri rimŋe rendarama#24:22 Mari ineŋge pondo imŋe. pakurema kwaco, neɀishoŋgo ɀiʋiri ɀamaʋoko ɀakaita mashekeri anegumi#24:22 Mari ineŋge pondo dzinamakumi maʋiri. pakurema kwaɀo; 23akati: Uri mukunda waaniko — Ndiʋudze hako. Kumba kwaɓaɓa ʋako kunopokuʋata here? 24Iye akati: Ndiri mukunda waBetueri, mŋanakomana waMirka, waakaɓerekera Nahori. 25Akati kwaari ʋo: Tinabgo ʋuswa bgakawoma neɀokudya ɀizhinji, nopokuʋata ʋo. 26Murume akakotamisa musoro wake, akanamata Jehova. 27Akati: Jehova, Mŋari watenzi waŋgu Abrahama ŋgaaʋoŋgwe, usina‐kurega nyasha dzake nokutendeka kwake kunatenzi waŋgu; kana ndirini, Jehova wakandifambisa, akandiȿitsa kuimba yehama dzatenzi waŋgu 28Ipapo musikana wakamhanya, akandoʋudza ʋeimba yamai ʋake mashoko iwaya. 29Ɀino Rebeka wakaŋga anehanɀadzi yainzi Rabani; Rabani akaɓuɗa, akamhanyira kumurume kutsime. 30Nokuti wakati aciʋona cindori neɀishoŋgo pamaʋoko ehanɀadzi yake, nokunzwa ʋo mashoko aRebeka, hanɀadzi yake, aciti: Ndiɀo ɀakataura murume kwandiri, akaenda kumurume, akamuwana amire pamakamera patsime. 31Akati: Pinda, iwe, wakaropafadzwa naJehova; unomirireiko kunze — Nokuti ndagadzira imba nenɀimbo yamakamera. 32Murume akapinda mumba; akasunuŋgura makamera, akapa makamera ʋuswa bgakawoma neɀokudya; nemvura kuti ashambidze tsoka dzake netsoka dzaʋarume ʋaakaŋga anaʋo. 33Ipapo ɀokudya ɀakaiswa pamberi pake kuti adye; asi iye wakati: Handiŋgadyi ndisati ndambotaura mashoko aŋgu. Akati: Taura hako. 34Iye akati: Ndiri muranda waAbrahama. 35Jehova wakaropafadza tenzi waŋgu kwaɀo; waʋa mukuru; wakamupa makwai, neŋombe, nesirveri, nendarama, naʋaranda, naʋarandakadzi, namakamera, nemboŋgoro. 36NaSara, mukadzi watenzi waŋgu, wakaɓerekera tenzi waŋgu mŋanakomana pakukwegura kwake; ndiye waakapa ɀose ɀaanaɀo. 37Tenzi waŋgu akandipikisa, akati: Usatorera mŋanakomana waŋgu mukadzi kuʋanasikana ʋeKanani, pandigere munyika yaʋo; 38asi uende kunaʋeimba yaɓaɓa ʋaŋgu nokuhama dzaŋgu, undotorera mŋanakomana waŋgu mukadzi ikoko. 39Ndikati kunatenzi waŋgu: Ɀimŋe mukadzi haaŋgatendi kunditeʋera. 40Iye akati: Jehova wandinosifamba pamberi pake, ucatuma mutumŋa wake newe, akufambise ɀakanaka parwendo rwako; undotorera mŋanakomana waŋgu mukadzi kuhama dzaŋgu nokunaʋeimba yaɓaɓa ʋaŋgu; 41ucasunuŋgurwa pakupika kwako kwandiri kana waȿika kuhama dzaŋgu; kana ʋakaramba kukupa iye, ucasunuŋgurwa pakupika kwako kwandiri. 42Ɀino ndakaȿika nhasi kutsime, ndikati: Jehova, Mŋari watenzi waŋgu Abrahama, kana muciɗa kundifambisa ɀakanaka parwendo rwaŋgu rwandinofamba, 43tarirai, ndimire patsime remvura; ɀino ŋgaɀiitwe, kuti musikana unoɓuɗa kuzocera mvura, wandicati kwaari: Ƌondipa ʋo ɀimvura paciroŋgo cako, ndinwe, 44iye akati kwandiri: Inwai henyu, imi, ʋuye ndicacerera makamera enyu ʋo, iye aʋe mukadzi wakatsaurirwa mŋanakomana watenzi waŋgu naJehova. 45Ɀino ndisati ndapedza kutaura mumŋoyo maŋgu, ndikaʋona Rebeka aciʋuya aneciroŋgo cake pafudzi rake; akaɓurukira kutsime, akacera; ndikati kwaari: Ƌondipa ʋo, ndinwe. 46Iye akakurumidza, akatura ciroŋgo cake pafudzi rake, akati: Inwai henyu, ʋuye ndicanwisa makamera enyu ʋo; ini ndikanwa, akanwisa makamera ʋo. 47Ɀino ndakamubvunza, ndikati: Uri mukunda waaniko — Iye akati: Ndiri mukunda waBetueri, mŋanakomana waNahori, waakaɓerekerwa naMirka; ipapo ndakaisa cindori mumhino dzake, neɀishoŋgo pamaʋoko ake. 48Ndikakotamisa musoro waŋgu, ndikanamata Jehova, ndikaʋoŋga Jehova, Mŋari watenzi waŋgu Abrahama, iye wakandifambisa panzira yakarurama, kuti nditorere mŋanakomana watenzi waŋgu mukunda womunuŋuna watenzi waŋgu, kuti aʋe mukadzi wake. 49Ɀino kana muciɗa kuitira tenzi waŋgu noʋunyoro nokutendeka, mundiʋudze; kana musiŋgaɗi, mundiʋudze, kuti ndiende kurudyi kana kuruɓoshwe. 50Ipapo Rabani naBetueri ʋakapindura, ʋakati: Cinhu ici cinobva kunaMŋari: isu hatigoni kutaura kwauri ɀakaipa kana ɀakanaka. 51Tarira, Rebeka uri pamberi pako, umutore, uende, kuti aʋe mukadzi wake, seɀakarebga naJehova. 52Ɀino muranda waAbrahama wakati anzwa mashoko aʋo, akakotamira pasi pamberi paJehova; 53muranda akaɓuɗisa ɀishoŋgo ɀesirveri, neɀendarama, neŋguʋo; akaɀipa Rebeka; akapa ʋo hanɀadzi yake namai ʋake nhumbi dzinokosha. 54Ʋakadya, ʋakanwa, iye naʋarume ʋaakaŋga anaʋo; ʋakagara’po ʋusiku bgose, ʋakamuka maŋgwanani; iye akati: Regai, ndiende kunatenzi waŋgu. 55Asi hanɀadzi yake namai ʋake ʋakati: Musikana acimbogara nesu mazuʋa ɀimŋe anegumi, agozoenda hake. 56Asi iye wakati kwaʋari: Musandidzora henyu, Jehova ɀaakandifambisa ɀakanaka parwendo rwaŋgu; regai ndiende kunatenzi waŋgu. 57Iʋo ʋakati: Ŋgatiɗane musikana, tinzwe muromo wake. 58Ʋakaɗana Rebeka, ʋakati kwaari: Ucaenda nomurume uyu here — Akati: Ndicaenda. 59Ipapo ʋakatendera Rebeka, hanɀadzi yaʋo, nomureri wake, kuti ʋaende nomuranda waAbrahama, naʋanhu ʋake. 60Ʋakaropafadza Rebeka, ʋakati kwaari: Iwe, hanɀadzi yeɗu, uʋe mai ʋeɀuru ɀamazana; ʋana ʋako ŋgaʋaʋe ʋaridzi ʋamasuʋo aʋaʋeŋgi ʋaʋo. 61Rebeka akasimuka, naʋasikana ʋake, ʋakataȿa makamera, ʋakateʋera murume uyo; muranda akatora Rebeka, akaenda parwendo rwake. 62Ɀino Isaka wakaŋga acibva nenzira yeBeeri‐rakai‐roi; nokuti wakaŋga agere kunyika yenyasi. 63Isaka akaɓuɗa kundoraŋgarira kusaŋgo neŋguʋa yamaɗekwana; akasimudza meso ake, akatarira, akaʋona makamera aciʋuya. 64Rebeka akasimudza ʋo meso ake; wakati aciʋona Isaka, akaɓuruka pakamera rake. 65Akati kumuranda: Murume uyo, unofamba musaŋgo kuzosoŋgana nesu ndianiko — Muranda akati: Nditenzi waŋgu; iye akatora cokufukidzira ciso cake, akaɀifukidza. 66Ɀino muranda akaʋudza Isaka ɀose ɀaakaŋga aita. 67Isaka akamuisa mutente ramai ʋake Sara, akawana Rebeka, akaʋa mukadzi wake; akamuɗa. Isaka akanyaradzwa shure kwokufa kwamai ʋake.
Селектирано:
Genesi 24: SUB1949
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© British and Foreign Bible Society 1949, 2018