Genesi 27
27
Jakobo unoropafadzwa pacigaro caEsau.
1Ɀino Isaka wakati aʋa mutana, meso ake oʋonera madzerere, asicagoni kuʋona, wakaɗana Esau, mŋanakomana wake mukuru, akati kwaari: Mŋana waŋgu; iye akati kwaari: Ndiri pano haŋgu. 2Akati: Tarira ɀino ndakwegura; handiziʋi zuʋa rokufa kwaŋgu. 3Ɀino ɗotora hako nhumbi dzako dzokuvima nadzo, dzinoti goɓa rako, noʋuta bgako, uende kusaŋgo undivimire mhuka; 4undigadzirire nyama yakanaka, seɀandinoiɗa, uʋuye nayo kwandiri, ndidye, mŋeya waŋgu ukuropafadze ndisati ndafa. 5Ɀino Rebeka wakanzwa Isaka acitaura naEsau, mŋanakomana wake. Esau akaenda kusaŋgo kundovima mhuka, kuti aʋuye nayo. 6Rebeka akataura naJakobo, mŋanakomana wake, akati: Tarira, ndanzwa ɓaɓa ʋako ʋacitaura naEsau, mukoma wako, ʋaciti: 7Nditorere mhuka, undigadzirire nyama yakanaka, kuti ndiidye, ndikuropafadze pamberi paJehova ndisati ndafa. 8Ɀino mŋana waŋgu, terera inzwi raŋgu seɀandinokuraira. 9Enda ɀino kuɀipfuwo, unditorere’po mbudzana mbiri dzakanaka, ndigadzirire ɓaɓa ʋako nadzo nyama yakanaka, seɀaʋanoɗa; 10ugoenda nayo kunaɓaɓa ʋako, ʋadye, kuti ʋakuropafadze ʋasati ʋafa. 11Jakobo akati kunaRebeka, mai ʋake: Tarirai, Esau, mukoma waŋgu, munhu unemvere, asi ini ndiri munhu ndisinemvere. 12Ɀimŋe ɓaɓa ʋaŋgu ʋacandiɓata‐ɓata, ndikaʋa somunyeŋgedzeri pamberi paʋo, ndikaɀiʋuyisira kutukwa pacigaro cokuropafadzwa. 13Mai ʋake ʋakati kwaari: Kutukwa kwako ŋgakuʋe pamsoro paŋgu, mŋana waŋgu; terera hako inzwi raŋgu, ʋende unditorere idzo. 14Iye akaenda, akadzitora, akadziisa kunamai ʋake; mai ʋake ʋakagadzira nyama yakanaka, yaiɗikanwa naɓaɓa ʋake 15Ɀino Rebeka akatora nguʋo dzakaiȿo‐naka dzaEsau, mŋanakomana wake mukuru, dzaaiʋa nadzo mumba, akadzifukidza Jakobo, mŋanakomana wake muɗuku; 16akaisa ŋguʋo dzembudzana pamaʋoko ake, napamutsipa wake pakaŋga pasinemvere; 17akaisa nyama yakanaka neciŋgwa, ɀaakaŋga agadzira, muruʋoko rwaJakobo, mŋanakomana wake. 18Iye akaenda kunaɓaɓa ʋake, akati: Ƃaɓa ʋaŋgu; iʋo ʋakati: Ndiri pano haŋgu; ndiwe aniko mŋana waŋgu? 19Jakobo akati kunaɓaɓa ʋake: Ndini Esau, ɗaŋgwe renyu; ndaita seɀamandiraira; simukai henyu, mugare, mudye nyama yaŋgu yemhuka, mŋeya wenyu undiropafadze. 20Isaka akati kumŋanakomana wake: Wakurumidza seiko kuiwana, mŋana waŋgu — Iye akati: Nokuti Jehova, Mŋari wenyu, waituma pamberi paŋgu. 21Isaka akati kunaJakobo: Cimbosweɗera hako, ndikuɓate‐ɓate, mŋana waŋgu, kuti ndiziʋe kana uri mŋanakomana waŋgu Esau amene, kana usi’we. 22Jakobo akasweɗera kunaIsaka, ɓaɓa ʋake; iʋo ʋakamuɓata‐ɓata, ʋakati: Inzwi inzwi raJakobo, asi maʋoko maʋoko aEsau. 23Asi haana‐kumuziʋa, nokuti maʋoko ake akaŋga anemvere, samaʋoko omukuru wake Esau; akamuropafadza. 24Akati: Ndiwe mŋanakomana waŋgu Esau amene here — Iye akati: Ndini iye. 25Akati: Uisweɗedze pedyo neni, kuti ndidye nyama yemhuka yomŋanakomana waŋgu, mŋeya waŋgu ukuropafadze. Iye akaisweɗedza pedyo naye, akadya; akamupa ʋo waini, akanwa. 26Ipapo ɓaɓa ʋake Isaka ʋakati kwaari: Sweɗera ɀino undiȿete, mŋana waŋgu. 27Akasweɗera, akamuȿeta; akanzwa munhuwi weŋguʋo dzake, akamuropafadza, akati:
Tarira munhuwi womŋakomana waŋgu
Wakaita somunhuwi wesaŋgo rakaropafadzwa naJehova;
28Mŋari ŋgaakupe ɗoʋa rokuɗeŋga,
Mafuta enyika,
Neɀiyo newaini ɀakawanda.
29Ʋanhu ŋgaʋakushumire,
Marudzi ose ŋgaakufugamire;
Uʋe ishe wehama dzako,
Ʋanakomana ʋamai ʋako ŋgaʋakufugamire;
Ʋose ʋanokutuka ŋgaʋatukwe,
Ʋose ʋanokuropafadza ŋgaʋaropafadzwe.
30Ɀino Isaka wakati apedza kuropafadza Jakobo, Jakobo acaŋgoɓuɗa pamberi paIsaka ɓaɓa ʋake, Esau mukoma wake, akapinda, acibva pakuvima kwake. 31Naiye akagadzira nyama yakanaka, akaenda nayo kunaɓaɓa ʋake; akati kunaɓaɓa ʋake: Ƃaɓa ʋaŋgu ŋgaʋasimuke, ŋgaʋadye nyama yemhuka yomŋanakomana waʋo, kuti mŋeya wenyu undiropafadze. 32Ipapo Isaka ɓaɓa ʋake ʋakati: Ndiwe aniko — Iye akati: Ndini mŋanakomana wenyu, ɗaŋgwe renyu Esau. 33Isaka akabvunda kwaɀo‐kwaɀo, akati: Ndianiko wakaŋga avima mhuka, akaʋuya nayo kwandiri, ndikadya ɀose, iwe usati waȿika, ndikamuropafadza — Hoŋo, ɀirokwaɀo iye ucaropafadzwa hake. 34Esau wakati acinzwa mashoko aɓaɓa ʋake, akacema nokucema kukuru kunorwadza mŋoyo, akati kunaɓaɓa ʋake: Ndiropafadzei neni ʋo, ɓaɓa ʋaŋgu! 35Akati: Munuŋuna wako wakaʋuya nokunyeŋgedzera, akatora kuropafadzwa kwako. 36Iye akati: Haana‐kutumidzwa zita rakamufanira here, rokuti Jakobo — Nokuti ɀino wandinyeŋgedzera kaʋiri; wambonditorera ʋuɗaŋgwe bgaŋgu, ɀino tarira, wanditorera kuropafadzwa kwaŋgu. Akati: Hamuna‐kundiceŋgetera ʋo kuropafadzwa here? 37Isaka akapindura, akati kunaEsau: Tarira, ndamuita ishe wako, nehama dzake dzose ndakamupa iye, kuti ʋaʋe ʋaranda ʋake; ndamusimbisa neɀiyo newaini; ɀino cinyiko candiŋgakuitira iwe, mŋana waŋgu? 38Esau akati kunaɓaɓa ʋake: Munoŋgoʋa nokuropafadza kumŋe kwoga here, ɓaɓa ʋaŋgu — Ndiropafadzei, neni ʋo, ɓaɓa ʋaŋgu! Esau akacema nokucema kukuru. 39Ipapo Isaka ɓaɓa ʋake, akapindura, akati kwaari:
Tarira, ʋugaro bgako ʋucaʋa kure namafuta enyika,
Kure neɗoʋa rokuɗeŋga rinobva kumsoro;
40Ucararama nomunondo wako, ucashumira munuŋuna wako;
Ucati kana woɀimutsa iwe,
Ucavuna joko rake ribve pamutsipa wako.
41Esau akaʋeŋga Jakobo nokuɗa kwokuropafadzwa kwaakaropafadzwa nako naɓaɓa ʋake; Esau akati mumŋoyo make: Mazuʋa okucema ɓaɓa ʋaŋgu oɗo‐kuȿika; ipapo ndicaʋuraya munuŋuna waŋgu Jakobo. 42Ɀino Rebeka wakaʋudzwa mashoko aEsau, mŋanakomana wake mukuru; akatuma munhu kundoɗana Jakobo, mŋanakomana wake muɗuku, akati kwaari: Tarira, mukoma wako Esau unoɀiʋaraidza pamsoro pako, aciti ucakuʋuraya. 43Saka ɀino, mŋana waŋgu, terera inzwi raŋgu; simuka, utizire Harani kunaRabani hanɀadzi yaŋgu; 44undogara kwaari mazuʋa mashomanene, kuȿikira shuŋgu dzomukoma wako dzanyarara; 45kuȿikira kutsamŋa kwomukoma wako kwanyarara kwauri, kana akaŋganwa iɀo ɀawamuitira: ipapo ndicatuma munhu kuzokutora ikoko; ndicatorerwa seiko nomusi mumŋe imi mose muri ʋaʋiri?
46Rebeka akati kunaIsaka: Ndanetswa noʋupenyu bgaŋgu nokuɗa kwaʋakunda ʋaHeti; kana Jakobo akawana ʋo mukadzi kuʋakunda ʋaHeti, wakaita saiʋaʋa, kuʋakunda ʋenyika ino, ʋupenyu bgaŋgu ʋuŋgandiɓatsirei?
Селектирано:
Genesi 27: SUB1949
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© British and Foreign Bible Society 1949, 2018