Genesi 30
30
1Ɀino Rakeri wakati aciʋona kuti haaɓerekeri Jakobo ʋana, Rakeri akagoɗora mukoma wake, akati kunaJakobo: Ndipe ʋana; kana usiŋgandipi, ndicafa. 2Ipapo Jakobo akatsamŋira Rakeri, akati: Ndiri panɀimbo yaMŋari kanhi, wakakushaisa ciɓereko? 3Iye akati: Hoyo murandakadzi waŋgu Birha; pinda kwaari, kuti aɓereke pamabvi aŋgu, neni ndiwane ʋana kwaari 4Akamupa Birha, murandakadzi wake, kuti aʋe mukadzi wake; Jakobo akapinda kwaari. 5Ɀino Birha akaʋa nemimba, akaɓerekera Jakobo mŋanakomana 6Rakeri akati: Mŋari wakandiruramisira, akandipa mŋanakomana; naiɀoɀo akamutumidza zita rinonzi Dani. 7Birha, murandakadzi waRakeri akaʋa nemimba ɀe, akaɓerekera Jakobo mŋanakomana wecipiri. 8Ɀino Rakeri akati: Ndakarwa nokurwa kukuru nomukoma waŋgu, ndikakunda; akamutumidza zita rinonzi Naftari. 9Ɀino Rea wakati aciʋona kuti waguma kuɓereka ʋana akatora Zirpa, murandakadzi wake, akamupa Jakobo, kuti aʋe mukadzi wake. 10Zirpa, murandakadzi waRea, akaɓerekera Jakobo mŋanakomana. 11Rea akati: Makorokoto! akamutumidza zita rinonzi Gadi. 12Zirpa, murandakadzi waRea, akaɓerekera Jakobo mŋanakomana wecipiri. 13Rea akati: Ndinomufaro mukuru, nokuti ʋanasikana ʋacati, ndinomufaro mukuru, akamutumidza zita rinonzi Asheri. 14Ɀino Rubeni wakaenda pamazuʋa okuceka ɀiyo, akandowana micero yomududayi kusaŋgo, akaʋuya nayo kunamai ʋake Rea. Rakeri akati kunaRea: Ƌondipa ʋo micero yomʋdudayi yomŋanakomana wako. 15Iye akati kwaari: Cinhu ciɗuku here kuti wakatora murume waŋgu — Ɀino woɗa kutora ɀe micero yomududayi yomŋanakomana waŋgu — Rakeri akati: Naiɀoɀo ŋgaaʋate newe ʋusiku ʋuno nokuɗa kwemicero yomududayi yomŋanakomana wako. 16Ɀino Jakobo wakati obva kusaŋgo maɗeko, Rea akaɓuɗa kundosoŋgana naye, akati: Unofanira kupinda kwandiri; nokuti ndakakuteŋga nemicero yomududayi yomŋanakomana waŋgu. Akaʋata naye ʋusiku ubgo. 17Ɀino Mŋari akanzwa Rea, akaʋa nemimba, akaɓerekera Jakobo mŋanakomana wecishanu. 18Rea akati: Mŋari wakandipa muɓairo waŋgu, nokuti ndakapa murandakadzi waŋgu murume waŋgu; akamutumidza zita rinonzi Isakari. 19Rea akaʋa nemimba ɀe, akaɓerekera Jakobo mŋanakomana wecitanhatu. 20Rea akati: Mŋari wakandipa cipo cakanaka; ɀino murume waŋgu ucagara neni, nokuti ndamuɓerekera ʋanakomana ʋatanhatu; akamutumidza zita rinonzi Zeburuni. 21Pashure akazoɓereka mŋanasikana, akamutumidza zita rinonzi Dina. 22Ɀino Mŋari akaraŋgarira ʋo Rakeri, Mŋari akamunzwa, akazarura ciɀaro cake. 23Iye akaʋa nemimba, akaɓereka mŋanakomana; akati: Mŋari wakabvisa kuɀidzwa kwaŋgu; 24akamutumidza zita rinonzi Josefa, aciti: Jehova ŋgaandiwedzere mumŋe mŋanakomana.
25Ɀino Rakeri wakati aɓereka Josefa, Jakobo akati kunaRabani: Ndiregei, ndiende kumusha kwaŋgu, nokunyika yaŋgu. 26Ndipei ʋakadzi ʋaŋgu naʋana ʋaŋgu, ʋandakakuɓatirai, ndiende haŋgu, nokuti imi munoziʋa kuɓata kwaŋgu kwandakakuɓatirai nako. 27Rabani akati: Ɀino kana ndawana nyasha pamberi pako, gara hako; nokuti ndakaʋona kuti Jehova wakandiropafadza nokuɗa kwako. 28Akati: Ndiʋudze muɓairo wako, ndigokupa iwo. 29Iye akati: Imi munoziʋa mumene seɀandakakuɓatirai, ʋuye kugara kweɀipfuwo ɀenyu kwandiri. 30Nokuti ɀamaiʋa naɀo, ndisati ndaȿika, ɀaŋga ɀiri ɀishoma, ɀikazowanda, ɀikaʋa ɀizhinji; Jehova wakakuropafadzai pose pandakatsika; ɀino ndicaɓatira imba yaŋgu riniko? 31Iye akati: Ndokupeiko — Jakobo akati: Musandipa cinhu; kana mukandiitira cinhu ici, ndicafudza ɀe ɀipfuwo ɀenyu nokuɀiceŋgeta. 32Ndicafamba pakati peɀipfuwo ɀenyu ɀose nhasi, ndiciraʋura pakati paɀo ɀose ɀinamaʋara neɀinamakwapa, namatema pakati pamakwai, nedzinamaʋara nedzinamakwapa pakati pembudzi; ndiɀoɀo ɀicaʋa muɓairo waŋgu. 33Nenzira iyi kururama kwaŋgu kucandipupurira pashure, kana mucizoʋuya kuʋona muɓairo waŋgu uri pamberi penyu; dzose dzisinamaʋara nedzisinamakwapa pakati pembudzi, namatema pakati pamakwai, iɀoɀo kana ɀikawanikwa kwandiri muŋgati ɀaɓiwa neni. 34Rabani akati: Ndiɀo haɀo, ŋgaɀiʋe seɀawataura. 35Nomusi iwoyo akaraʋura nhoŋgo dzembudzi dzakaŋga dzinemitsetsa, nedzinamakwapa, nenhunɀi dzose dzembudzi dzakaŋga dzinamaʋara nedzinamakwapa, dzose dzakaŋga dzinoruʋara rucena, napakati pamakwai ose akaŋga anoruʋara rutema, akaɀipa ʋana ʋake; 36akaisa runhambo rwamazuʋa matatu pakati pake naJakobo; Jakobo akafudza ɀipfuwo ɀaRabani ɀakaŋga ɀasara. 37Ɀino Jakobo akatora matanda omustoraksi, noomuamanda, noomuprani, akaȿuʋura mitaro micena paari, kuti kucena kuʋonekwe kwakaŋga kuri maari; 38akaisa matanda aakaŋga aȿuʋura pamberi peɀipfuwo muɀinwiro, paiʋuya ɀipfuwo ɀicinwa; ɀikatora zamu kana ɀoʋuya kunwa. 39Ɀipfuwo ɀikatora zamu pamberi pamatanda; ɀipfuwo ɀikaɓereka ʋana ʋanemitsetsa, naʋanamaʋara, naʋanamakwapa 40Ɀino Jakobo akaraʋura makwaiana, akataridza ɀipfuwo kuneɀaiʋa nemitsetsa, neɀitema pakati peɀipfuwo ɀaRabani; akaisa mapoka ake ari oga; haana‐kuɀiisa kuɀipfuwo ɀaRabani. 41Ɀino ŋguʋa imŋe neimŋe kana ɀaiʋa nesimba paɀipfuwo ɀicitora zamu, Jakobo wakaisa matanda pamberi peɀipfuwo muɀi nwiro, kuti ɀitore zamu pakati pamatanda; 42asi kana ɀipfuwo ɀicishaiwa simba haana‐kuaisa; naiɀoɀo ɀakaŋga ɀisinesimba ɀakaŋga ɀiri ɀaRabani, asi ɀaiʋa nesimba ɀakaŋga ɀiri ɀaJakobo. 43Murume uyu akaʋa mukuru kwaɀo, akaʋa neɀipfuwo ɀizhinji, naʋaranda, naʋarandakadzi, namakamera, nemboŋgoro.
Селектирано:
Genesi 30: SUB1949
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© British and Foreign Bible Society 1949, 2018