ĠENESI 2
2
Kapitlu 2
1U hekk intemmu s-sema u l-art bit-tagħmir kollu tagħhom.#Eż 20,11. #Ġw 1,3. 2U fis-seba’ jum Alla temm ix-xogħol tiegħu kollu li kien għamel, u waqaf fis-seba’ jum mix-xogħol tiegħu li kien għamel.#Eż 20,8-11; 31,12-13; Lhud 4,4. 3U bierek Alla s-seba’ jum u qaddsu, għax fih waqaf mix-xogħol kollu tiegħu li kien għamel fil-ħolqien.#Dt 5,14; Neħ 9,14.
4Dan hu nisel is-sema u l-art fil-ħolqien tagħhom.
Il-bniedem fl-Għeden
Meta Alla ħalaq l-art u s-sema;#Ġer 10,11-12. #Ġen 1,1—2,4. 5meta kien għad ma hemm ebda xitla tar-raba’ fuq l-art; meta ebda ħaxix tar-raba’ ma kien għadu nibet - għax il-Mulej Alla kien għadu ma bagħatx xita fuq l-art, u bniedem ma kienx hemm biex jaħdem l-art, 6minkejja l-ilma tiela’ mill-art li sata’ jsaqqi l-wiċċ kollu tal-art - 7il-Mulej Alla sawwar il-bniedem#2,7: Il-bniedem: Bil-Lhudi ha-adam. Adama, adama, ħamrija. Ha-Adam, bil-Lhudi, bniedem, tista’ tkun ukoll nom proprju, Adam. F’dawn iż-żewġ kapitli tintuża fiż-żewġ tifsiriet. Ittraduċejna bil-kelma bniedem fejn tinsab weħidha, u Adam fejn hemm distinzjoni bejn ir-raġel u l-mara Eva. mit-trab tal-art u nefaħlu fi mnifsejh nifs il-ħajja, u l-bniedem sar ħlejqa ħajja.#Ġen 3,19; Ġob 34,15; S 103,14; 104,29; Koħ 3,20-21; 12,7; Għerf 7,1; 15,8; Sir 33,10; 1 Kor 15,45.
8U l-Mulej Alla ħawwel ġnien fl-Għeden#2,8: Għeden: Bil-Lhudi tfisser: hena, pjaċir, mela ġnien il-hena. Bis-Sumeru: pjanura, wita ta’ art għammiela., in-naħa tal-Lvant, u qiegħed hemm il-bniedem li kien sawwar.#Eżek 31,9. 9U l-Mulej Alla nibbet mill-art is-siġar kollha li jpaxxu l-għajn u bnina għall-ikel; u s-siġra tal-ħajja f’nofs il-ġnien u s-siġra ta’ tagħrif it-tajjeb u l-ħażin.#Ġen 3,22.
10U kien hemm xmara ħierġa mill-Għeden u ssaqqi l-ġnien; u minn hemm kienet tinqasam f’erbat irjus. 11L-ewwel waħda kien jisimha Pison, hi li ddur mal-art kollha ta’ Ħawila, fejn hemm id-deheb - 12u d-deheb ta’ din l-art hu sabiħ, u hemm ukoll gomma tfuħ u ħaġar tal-oniċi. 13U t-tieni kien jisimha Giħon, li ddur mal-art kollha ta’ Kus. 14U t-tielet kien jisimha Tigri, li kienet tgħaddi n-naħa tal-Lvant tal-Assirja; u r-raba’ xmara kienet l-Ewfrat.
15U l-Mulej Alla ħa lill-bniedem u qiegħdu fil-ġnien tal-Għeden biex jaħdmu u jħarsu.#Sir 7,15. 16U l-Mulej Alla ordna lill-bniedem u qallu: “Mis-siġar kollha tal-ġnien tista’ tiekol,#S 104,14. 17imma mis-siġra ta’ tagħrif it-tajjeb u l-ħażin, la tikolx minnha, għax dak in-nhar li tiekol minnha żgur li tmut.”#Ġen 3,2-3; Rum 6,23.
18U l-Mulej Alla qal: “Mhux sewwa li l-bniedem jibqa’ waħdu. Ħa nagħmillu għajnuna tgħodd għalih.#Tob 8,6; Sir 36,24; 1 Kor 11,9. 19U l-Mulej Alla sawwar mill-art annimali selvaġġi u t-tajr kollu tal-ajru, u ġiebhom quddiem il-bniedem biex jara xi jsemmihom; u skont ma jkun il-bniedem semma lil kull ħliqa ħajja, dak ikun isimha. 20U l-bniedem ta isem lil kull bhima u ’l kull tajra tal-ajru, u ’l kull annimal selvaġġ; imma għall-bniedem ma nstabet ebda għajnuna tgħodd għalih. 21U l-Mulej Alla tefa’ nagħsa tqila fuq il-bniedem; u dan raqad. U ħadlu waħda minn kustiljih u flokha mlieh bil-laħam.#1 Kor 11,8-9; 1 Tim 2,13. 22U l-Mulej Alla sawwar il-kustilja, li kien ħa mill-bniedem, f’mara u ġiebha lill-bniedem.
23Imbagħad il-bniedem qal:
“Din id-darba din hi
għadma minn għadmi,
u laħam minn laħmi,
għalhekk tissejjaħ mara,
għax mir-raġel ittieħdet hi#2,23: Għalhekk tissejjaħ mara, għax mir-raġel ittieħdet hi: Hawn għandna speċi ta’ logħob tal-kliem; il-mara, bil-Lhudi ixxa, ġejja mir-raġel ix. Ħaġa li ma tistax iġġibha fi traduzzjoni..”
24Għalhekk ir-raġel iħalli lil missieru u lil ommu u jingħaqad ma’ martu u jsiru ġisem wieħed.#Mt 19,5; Mk 10,7-8; 1 Kor 6,16; 7,10-11; Ef 5,31. 25U t-tnejn kienu għerja, ir-raġel u martu, u ma kinux jistħu minn xulxin.
Селектирано:
ĠENESI 2: MB20
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Maltese DC Bible © Malta Bible Society, 2020.