Suluet 2
2
1Nyena a ki ko kak se ko Ŋo liŋ lo gwon i lukata nase kulo iŋge tutupöki sona. 2#Yuö 20.11#Eb 4.4, 10A i lor toburyo a Ŋun kirut tutuŋge kitajin kanyit liŋ nagon nye a kon kune, a nye yuke yukan i lor toburyo i kitajin kanyit liŋ nagon nye a kon kune. 3A Ŋun ’boroji lor toburyo a geluŋdye nye a loke, kogwon i pilu lor nye aje gwo ’dan i kitajin kanyit liŋ nagon nye Ŋun a gwe ko a kon kune. 4Kine a pipilisi ti ki ko ti kak na gweyari se nu.
I ŋilu lor logon MATAT Ŋun a gweja ko kak ko ki lu, 5kaden liŋ ti yöbu nyuŋ ’bayin i kak, a ŋo liŋ lorem lo punun kak kilo nyuŋ ’bak a ko punun ki; kogwon MATAT Ŋun nyuŋ ’bak to ’doju kudu i kak, a lele ŋuto gwe ’bayin lo kuŋu kak; 6ama a luru ŋiyu kaŋo i kak, a towindye kak ’bukuluŋ. 7#1 Kor 15.45 A MATAT Ŋun gweyuŋdye ŋuto i lipo na kak, a yukakiŋdye lepeŋ köbuŋöt lo ru kanyit i kume; aŋuto worani a ŋolo gwon jörun.
Melesen na Edene
8A MATAT Ŋun ’yuddi melesen i swöt lo ’yure Edene yu; a tiŋdi ŋuto logon nye a gwe lo nyu. 9#Kwe 2.7; 22.2, 14 A MATAT Ŋun topunuŋdye i kujöŋ kata kaden liŋ logon kwekwelen i meta logon ludweki kase a lo ’but i nyei, ko ködini toruet Köti i kiden na nu melesen, ko ködini denet lo kulya na ’but ko narok.
10A kare ’bukuŋdye kaŋo Edene kata i towindya na melesen; a nye koŋi koŋa i nu pirit a gwe a karya Iŋwan.
11Karin ti kare togeleŋ lo a Pison; lepeŋ a nye logon ’dokon lorga jur lo Kawila ’bukuluŋ. Ŋilu jur gwon ko dakap; 12a dakap ti ŋilu jur gwe a na ’but; a bedölak se ko ŋurupö nakwe kwelen nagon a berilo gwe nyu. 13A karin ti kare tomurek lo gwe a Gikon; lepeŋ a nye logon ’dokon lorga jur lo Etiopia ’bukuluŋ. 14A karin ti kare tomusala lo gwe a Tigiri; lepeŋ a nye logon ’dokon Asura i swöt lo ’yure nanyit. A kare töipwan lo gwe a Perat.
15A MATAT Ŋun ’dumuŋdye lu ŋuto, a tiŋdi lepeŋ i melesen na Edene i kuŋu na lepeŋ ko i tiju na lepeŋ. 16A MATAT Ŋun sarakiŋdye lu ŋuto adi, Do bubulö nyesu ludweki ti kaden liŋ ti melesen abur, 17ama ködini denet lo kulya na ’but ko narok do ti nyesu ludweki kanyit kwöŋ. Kogwon i pilu lor logon do mo nyesi ludweki kanyit lu, do ’diri mo twatwan.
18A MATAT Ŋun kulyani adi, Ti gwon a na ’but ko lu ŋuto gwon geleŋ; nan de tetenakiŋdya lepeŋ kaparanit nagon jujukin lepeŋ. 19Nyena a MATAT Ŋun gweyuŋdye kaŋo i lipo kijakwa liŋ ti mu ’diŋ, ko kwen liŋ ti ki, a joŋgi se ko lu ŋuto yu i meta ko nye ködyö gwijö se a ko ŋa; nyena ko lu ŋuto a gwijö lele ŋo lo gwon jörun a ŋa, a kine gwe a karin kanyit. 20a lu ŋuto gwije toro ’bo liŋ ko karin, ko kwen liŋ ti ki, ko kijakwa liŋ ti mu ’diŋ; ama i kulya ti lu ŋuto, kaparanit a ko nyuŋ ryeki lepeŋ nagon jujukin nye. 21Nyena a MATAT Ŋun tiŋdi lu ŋuto i doto parik adi mwön, a na dotori nye nu, a nye ’dumuŋdye lele merete lo ŋilu ŋuto, a nyökökiŋdye lokore i pirit. 22A MATAT Ŋun joŋgi ŋilo merete logon nye a ’dumun ko lu ŋuto lu a nye teteŋdi a ŋuto nakwan, a joŋgi ko lu ŋuto yu. 23A kirut lu ŋuto kulyani adi, Na soŋinana i ’dutet gwe a kuyutyo lo kuyu kwe, ko a swöt lo mugun nio; a nye de lupuni a Nakwan, kogwon nye ’dumwe kaŋo ko Lalet.
24 #
Mat 19.5; Mar 10.7, 8; 1 Kor 6.16; Epe 5.31 Nyenagon a ŋuto lalet mo kö ’yi monye ko ŋote, a mo mori ko narakwan nanyit, a se mo gwe a mugun geleŋ.
25A se murek liŋ ko lalet ko nakwan mugunya kase gwe a limuö kana, a kusik kase tine yu.
Селектирано:
Suluet 2: BBE
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bari Bible © United Bible Societies, 1979.