MATIUS 10
10
Rua belas rasul
(Mrk. 3:13-19; Luk. 6:12-16)
1Pada suatu rani Isa ngurau kerua belas jelma sai nutuk Ia bekumpul. Raduni Ia ngeni jama tian kuasa untuk nguser ruh-ruh jahat rik ngunyaiko sunyin macam penyakik rik sunyin macam cacat badan. 2Gelar kerua belas rasul udi yakdo: mula-mula, Simon (sai disebut juga Petrus) jama puarini Andreas, raduni Yakobus jama puarini Yohanes, yakdo anak-anak Zebedeus. 3Kak raduni Filipus rik Bartolomeus, jama Tomas, rik Matius, penagih pajak rik Yakobus anak Alfeus, rik Tadeus; 4raduni akherni Simon, si Patriot rik Yudas Iskariot sai ngekhianati Isa.
Tugas rasul-rasul
(Mrk. 6:7-13; Luk. 9:1-6)
5Kerua belas rasul udi raduni diutus ulih Isa jama mansa petunjuk-petunjuk inji, “Dang mik daerah ulun-ulun lain hak Yahudi. Dang juga mik kota-kota ulun Samaria. 6Kidang mikdo jama ulun-ulun Israel, khususni jama tian sai sesek. 7#Luk. 10:4-12 Keni pandai jama tian bahwa Allah haga geluk memerintah sebagai Raja. 8Unyaikodo jelma-jelma sai meruyuh; hurikko jelma-jelma sai mati; unyaikodo jelma-jelma sai bepenyakik kusta, rik userdo ruh-ruh jahat. Keti radu nerima sunyinni ano jama cuma-cuma. Jadi, keniko juga jama cuma-cuma. 9Dang ngusung duit emas, duit perak, ataupun duit tembaga. 10#1Kor. 9:14; 1Tim. 5:18 Dang juga ngusung kantong sedekah, atau rua kawai untuk lapahmu, atau sepatu, ataupun tungkok. Mani jelma sai beguai, radu seharusni dijamin kebutuhanni.
11Kik keti sampai di kota atau pekon, sepokdo sai jelma sai haga nerima keti. Tinggaldo jama ia sampai keti berangkat luot. 12Waktu keti kuruk lamban, cawakodo, ‘Semoga Tuhan ngeberkati keti.’ 13Kik jelma-jelma di lamban udi nerima keti, tagando salammu udi tetap jama tian. Kidang kik tian mak nerima keti, tarikdo luot salammu ano. 14#Kis. 13:51 Kik wat lamban atau kota sai mak haga nerima keti atau mak haga ngedengi keti, tinggalko rang udi rik kibasko harbuk jak tapak cukutmu. 15#Kej. 19:24-28; Mat. 11:24 Ingokdo! Waktu Rani Kiamat, jelma kota Sodom rik Gomora haga lebih mudah diampuni Allah, jak jelma-jelma di kota ano!”
Penganiayaan sai haga ratong
(Mrk. 13:9-13; Luk. 21:12-17)
16 #
Luk. 10:3
“Perhatiko inji: Nyak ngutus keti sebagai biri-biri sai mak bedaya di tengah-tengah serigala ganas. Keti haga waspada injuk ulai rik tulus hati injuk burung merpati. 17#Mrk. 13:9-11; Luk. 12:11-12, 21:12-15 Bejaga-jagado, mani keti haga ditangkok rik dihadapko mik mahkamah-mahkamah. Keti haga disiksa di lamban-lamban ibadah. 18Keti haga diusung mik hadap jelma-jelma sai nguasai rik raja-raja mani keti jelma sai nutuk Nyak. Rik udido kesempatan bagimu untuk ngeni kesaksian tentang Nyak jama tian rik jama jelma-jelma sai mak mengenal Allah. 19Kidang kik keti diusung untuk diadili, dang khuater mengenai api sai keti haga ucakko, atau injuk repa keti haga cawa. Mani api sai keti haga ucakko ano, haga dikeni pandai jama niku pada waktuni. 20Mani sai cawa pada waktu seno lain hak keti, melainko Ruh Bapa sai di surga, liwat keti.
21 #
Mrk. 13:12; Luk. 21:16 Haga tejadi bahwa jelma haga nyerahko puarini tenggalan untuk dibunuh. Rik ano pun haga tejadi hantara bapak jama anakni. Sanak-sanak haga ngelawan emak bakni, rik nyerahko tian untuk dibunuh. 22#Mat. 24:9, 13; Mrk. 13:13; Luk. 21:17 Keti haga dinyuohko ulih sunyinni jelma mani keti jelma sai nutuk Nyak. Kidang jelma sai betahan sampai akher haga diselamatko. 23Kik keti dianiaya di suatu kota, tegardo mik kota sai berikut. Nyak ngeni pandai jama niku: Semakkung keti selesai ngeratongi sunyinni kota-kota Israel, Anak Manusia radu ratong.
24 #
Luk. 6:40; Yoh. 13:16, 15:20 Murid mak lebih balak jak guruni, rik jelma sai ngelayani mak lebih balak jak tuanni. 25#Mat. 9:34, 12:24; Mrk. 3:22; Luk. 11:15 Radu cukup kik sai murid jadi sebagai guruni, rik sai jelma sai ngelayani injuk tuanni. Kik kepala keluarga radu dikeni gelar Beelzebul, apilagi seisi lambanni. Tian haga dikeni gelar sai lebih burak lagi!”
Rabaido jama Allah
(Luk. 12:2-7)
26 #
Mrk. 4:22; Luk. 8:17 “Dangdo rabai jama manusia. Mak ngedok sai tesegok, sai mak keliakan, rik mak ngedok sai dirahasiako sai mak haga dibungkar. 27Api sai Kuucakko jama niku delom kelam hagado keti ulangi di delom terang waktu dawah. Rik api sai disesiahko di cupingmu, umumko ano seluas-luasni! 28Dang hak rabai jama tian sai ngebunuh badan, kidang mak bekuasa ngebunuh jiwa. Rabaido jama Allah sai bekuasa ngebinasako baik badan maupun jiwa di delom neraka. 29Rua burung pipit dapok dibeli jama sai mata duit sai paling lunik. Walaupun injuk reno mak ngedok sai burung pun tumbak mik tanoh kik mak dikehagako Bapamu. 30Jumlah buok di ulumu pun radu dihitung sunyinni. 31Ulihni seno, dang rabai! Keti lebih berega jak burung-burung pipit!”
Ngaku Isa di hadapan umum
(Luk. 12:8-9)
32“Sapa sai ngaku dihadap umum bahwa ia jelma sai nutuk Nyak, Nyak pun haga ngaku ia dihadap Bapa-Ku di surga. 33#2Tim. 2:12 Kidang sapa sai menyangkal dihadap umum bahwa ia jelma sai nutuk Nyak, Nyak pun haga nyangkal ia dihadap Bapa-Ku di surga.”
Lain hak damai, kidangni permusuhan
(Luk. 12:51-53, 14:26-27)
34“Dang nyangko bahwa Nyak ratong ngusung perdamaian mik dunia inji. Nyak mak ngusung perdamaian kidang perlawanan. 35#Mi. 7:6 Nyak ratong nyebabko anak bakas ngelawan bakni, anak bebai ngelawan emakni, rik mantu bebai ngelawan emak mentuhani. 36Ya, sai haga jadi musuh paling balak, yakdo anggota keluarga tenggalan.
37Jelma sai mengasihi bakni atau emakni lebih jak Nyak mak patut jadi jelma sai nutuk Nyak. Injuk reno juga jelma sai mengasihi anak bakas atau bebai lebih jak Nyak. 38#Mat. 16:24; Mrk. 8:34; Luk. 9:23 Rik jelma sai mak haga memikul salibni rik nutuk Nyak mak patut jadi jelma sai nutuk Nyak. 39#Mat. 16:25; Mrk. 8:35; Luk. 9:24, 17:33; Yoh. 12:25 Jelma sai mempertahanko hurikni, haga kelebonan hurikni, kidang jelma sai kelebonan hurikni mani setia jama Nyak, haga mansa hurikni.”
Upah atas perbuatan sai betik
(Mrk. 9:41)
40 #
Mrk. 9:37; Luk. 9:48, 10:16; Yoh. 13:20 “Jelma sai nerima keti, nerima Nyak. Rik jelma sai nerima Nyak, nerima Ia sai ngutus Nyak. 41Jelma sai nerima nabi mani ia nabi, haga nerima upah sai nabi. Rik sapa sai nerima sai jelma betik mani ia mebetik, haga nerima upah sai betik. 42Sapa sai ngeni nginum, walau cuma way ngingi gaoh jama salah sai jelma jak jelma hina dina inji, mani ia jelma sai nutuk Nyak, percayado ia pasti haga nerima upahni!”
Селектирано:
MATIUS 10: LAILJP
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ LAI 2002 Indonesian Bible Society (Lembaga Alkitab Indonesia)