Luka 13
13
Ài y'ài dajoo mafalin jani ài yi halaki
1Wo waate lɔ, mɔɔ dɔlu ka Galileka dɔlu ya ko ɲafɔ Isa yɛ, minu ka faa jamanatii Pilati bolo salakabɔya lɔ, k'ai jeli ni kolofen jeli ɲaami i ɲɔɔ nɔ. 2Wo lɔ, Isa vɛɛ ai yɛ: «A yi di? A ài kɔnɔ ko Galileka wolu ka tɔlɔya wo masɔlɔn kamasɔlɔn aiya julumbulu kɛwonyanin tɛɛ ka timin Galileka tɔ bɛ ta la? 3Ɛnɛn dɛ! Kɛɛ ni ài do ma ài dajoo mafalin, àilu fana halakitɔle. 4Mɔɔ tan ni sein (18) wolu do, sangaso na benna minu kɔkan k'ai faa Silowe fannɔ? A ài kɔnɔ ko wolu sɔn kɛwonyanin tɛɛ ka timin Jelusalɛmuka tɔ bɛ la? 5Wo tɛ dɛ! Ǹ'a fɔ ài yɛ, ni ài ma ài dajoo mafalin, àilu fana halakitɔle.»
Toloju denbali ma sana
6Wo kɔ, Isa ka sana dɔ la, a vɛɛ: «Kɛ́ dɔ ka toloju sɛnɛ aa gbele lɔ. Lon dɔ, a ka taa toloden ɲininya lɔ, kɛɛ a do ma foi ye a la. 7Wo lɔ, a vɛɛ aa baaleden yɛ: ‹A ye, a vɛ kɛ san sawa le, ǹ'i nala kɔlɔman min den ɲininya lɔ a la. Haan bi, m̀ ma foi ye a la. A tɛɛ, i y'a bɔ je. A nafa foi tɛ a la duu kan jan.› 8Baaleden do vɛɛ a yɛ: ‹Ǹ Kuntii, diɲa i y'a to je ɲinan san min na, ǹ kɛtɔ duu senna a laminin nɔ ka nɔɔ kɛ a ju fɛ. 9Ni a k'a den kɛ numaija, wo yi bɛnne. Niwotɛ, i y'a tɛɛ k'a bɔ je.› »
Isa ka moso dɔ lakɛnɛya Nɔningɛlon teme
10Nɔningɛlon dɔ, Isa tɛɛ mɔɔlu kalanna Aladalibon dɔ la. 11Wo k'a talan moso dɔ tɛɛ je, jina tɛɛ vɛ min lajangalo sanji tan ni sein (18) kɔlɔ, ka daan sii a kɔ lɔ. A tɛɛ tɛ se a latelenna feu. 12Isa ka moso wo ye mingɛ, a k'a kili k'a fɔ a yɛ, a vɛɛ: «Moso, i la vɛ fɛlɛ ka bɔ iya jangalo lɔ.» 13A k'a bolo tuu moso la mingɛ, wo k'i latelen telemanin ka Ala tanu.
14Kɛɛ Aladalibon wo ɲamɔɔ josoma ka gba, kamasɔlɔn Isa na mɔɔ lakɛnɛyala Nɔningɛlon. A do vɛɛ jama yɛ: «Tele wɔɔlɔ le yi je baalekɛko lɔ. Wo lɔ, ài yi na, ài yi kɛnɛya sɔlɔn tele wolu le kɔlɔ. Kɛɛ ài kà na Nɔningɛlon feu!»
15Wo fɔ a bolo, mɔ Kuntii vɛɛ a yɛ: «Àilu filangafolu! Ni nisi niwotɛ sofalini ka kɛ ài bolo, jalasa ài tɛ wolu fɔlinna k'ai labɔ wɛlɛ lɔ ai laminko lɔ Nɔningɛlon? 16Moso min do, Nabi Ibulahima bɔzɔn, Soitana na min silila sanji tan ni sein (18) kɔlɔ, jalasa wo man kan ka fɔlin Nɔningɛlon?» 17Wo fɔ Isa bolo, a juulu bɛ ka maloya. Ado jama bɛ ka sawa ka bɛn Isa ya kawananko kɛninnu bɛ ma.
Ala ya masaya misalilu
Matiyu 13.31-33; Malɛkɛ 4.30-32
18Isa vɛɛ kɔtunun: «Ǹ'i se Ala ya masaya lala mindɛ ma? 19A kɛyine iwo mutaadi kolo, kɛ́ dɔ ka min sɛnɛ aa gbele lɔ. A ka fɛlɛn ka kɛ kɔlɔmanju le, ka buɲa fɔɔ kɔnɔnilu k'ai ɲaalu lɔ a bololu la.»
20Isa vɛɛ kɔtunun: «Ala ya masaya ko kɛnin teme, ǹ'i se a lala mindɛ ma kɔtunun? 21A kɛyine iwo bululafununsɛɛ, moso na min ɲaamina fainimuu tasa ɲa sawa le, haan fɔɔ a bɛ ladɛnnin ka funun.»
Ài yi don da dɔɔyanin fɛ
Matiyu 7.13-14, 21-23
22Isa taatɔla Jelusalɛmu, a tɛɛ mɔɔlu kalanna so ni toodalu la. 23Mɔɔ dɔ ka Isa maɲininga, a vɛɛ: «Ǹ Kuntii, mɔɔ dana le kisitɔ dein?»
Isa do vɛɛ ai yɛ: 24«Ài lɔja kosɛvɛ ka don da dɔɔyanin fɛ, kamasɔlɔn ǹ'a fɔ ài yɛ, mɔɔ siyama kɛtɔ kaɲala donko ma da wo le la. 25Ni bontii k'i wuli ka da sɔɔ, ài totɔ kɛnɛ le ma ka to da makɔnkɔnna k'a fɔ, ài vɛɛ: ‹Mɔ Kuntii! Da laka mɔ yɛ!› A do kɛtɔ a fɔla ài yɛ, a vɛɛ: ‹M̀ ma ài bɔya lɔn.› 26Wo lɔ, ài kɛtɔ a javila, ài vɛɛ: ‹Mɔ Kuntii, mɔ na dɔnni kɛla k'i min i fɛ. I do tɛɛ mɔɔlu kalanna maa so kɔnɔ siyabalu la.› 27A do kɛtɔ a fɔla ài yɛ kɔtunun, a vɛɛ: ‹Ǹ'a fɔ ài yɛ, m̀ ma ài bɔya lɔn. Àilu koyonkɛbalu, ài y'ài majaanya ǹ na!›
28 #
Matiyu 22.13; 25.30. #
Matiyu 8.11, 12. «Ài kasitɔ k'ài ɲii sii i ɲɔɔ na dimin bolo, ài vɛ Ibulahima ni Isiyaka ni Janguba ani kela tɔ bɛ yena Ala ya masaya lɔ, k'a talan àilu la vɛ fili banama! 29Wo waate, mɔɔlu kɛtɔ bɔla dunuɲa tungun naani bɛ lɔ, ka na ai sii feetikɛya lɔ Ala ya masaya lɔ. 30#Matiyu 19.30; 20.16; Malɛkɛ 10.31.Kɛɛ ài y'a lɔn ko bi ɲafɛmɔɔ dɔlu kɛtɔ kɔfɛmɔɔ le le, ani kɔfɛmɔɔ dɔlu kɛtɔ ɲafɛmɔɔ le le.»
Jelusalɛmu hena ka Isa mina teme
Matiyu 23.37-39
31Wo waate kelen nɔ, Falisi dɔlu k'i madon Isa la k'a fɔ a yɛ, ai vɛɛ: «Bɔ jan, i yi taa dingila gbɛlɛ lɔ, kamasɔlɔn Helodi y'a fɛ k'i faa.»
32Kɛɛ Isa do k'ai javi, a vɛɛ: «Ài yi taa a fɔ jɛɛkani wo yɛ ko ǹ'i jinalu gbɛnna mɔɔlu lɔ, ani ka mɔɔlu lakɛnɛya bi ni sinin, ado tele sawana lon, ǹa baale dafatɔ. 33Wo bɛ n'a kɛ, fɔ ǹ'i to taamana bi ni sinin ani sininkɛnɛ, kamasɔlɔn a bɛnnin tɛ kela yi faa dingila gbɛlɛ lɔ ni Jelusalɛmu tɛ.»
34«Ɛɛ Jelusalɛmu! Jelusalɛmu! Ile min ya mɔɔlu yi kelalu faala ka Ala ya kelalasebalu bon kawa la. A lɔɔ tɛɛ ǹ na siɲa siyama le k'ài ladɛn iwo sisɛ y'a dennu ladɛnna teme, k'ai doon a kawa kɔlɔ, kɛɛ ài do ma diɲa a ma. 35Ài y'a ye, àiya bon labilatɔ Ala bolo. Ǹ'a fɔ ài yɛ, ài ɲa tɛnala lala ǹ kan butu haan fɔɔ ài v'a fɔla lon min na, ko: ‹Duwawu yi wo le yɛ min yi nala mɔ Tii tɔɔ lɔ!› »
Селектирано:
Luka 13: MBT2023
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Manya Bible Translation, © SIM International, 2023