JOHAN Lokhraemhaih
Lokhraemhaih
Tamthang Kahoih Johan mah hae Jesuh loa dungzan kaom Sithaw ih Lok ni tiah a thuih moa, “Ato Lok loa kami ah angcoeng moa aicae khaeah a oh,” a tih. Ahi cabu mah a thuih ih batiah hi Tamthang Kahoih mah Jesuh loa lok amaih tangcae Pahlongkung, Sithaw Capa ni tito cabu ka kroekkungnawk mah a taang o thaih han hoi anih to taanghaih ranghoiah hinghaih a hnuk o thaih hanah tarik (20: 31).
Lokhraemhaih bangah Jesuh loa Sithaw ih dungzan kahing Lok ni tito amtuengsak pacoengah, ahi Tamthang Kahoih cabu hmaloe bangih ahloek mah Jesuh loa lok amaih tangcae Pahlongkung, Sithaw Capa ni tito dawnraihaih hmuen qoili qoila a sakhaih ih hoitoah amtuengsak. Ato dawnraihaih sak ihnawk to tamthang lok thuihhaih hoi a patukhaih ih mah a thuihkoehhaih ih to amnoeksak. Hi cabu ahloek thuemah hae mi thoemto loa Jesuh to taang o moa hnukbang ah coenghhaih ih hoi mi thoemto loa lok aek o moa taang hanah koeh o ai ih to tarik. Kalen 13-17 thungah hae Jesuh hoi a hnukbangnawk loa a naeh o duem ah kathuk ah angkomhaih a tawnh o ih hoi anih to kraws pongah takhing ai nahlanah thapaekhaih ih monghaih lok a thuih ihnawk to a tarik. Aboenghaih bangah Jesuh a naehhaih ih hoi lokcaekhaih ih, a humhaih ih hoi angthawklethaih ih hoi a hnukbangnawk khaeah amtuenghaih ih kawng to doeh a tarik.
Kalen (8: 1-11) salak thungih pazang kasin nongpui naeh ih kawng hae banrikcabu zetpui thungah loa om ai eloa kalah thoemto thungah a oh pongtoah (baraket) thungah a suekhaih o ih ni.
Johan mah hae Khrih ranghoiah dungzan hinghaih langrae, vaihiah hinghaih amtong, Jesuh loa loklam, loktang hoi hinghaih ni tiah ka talawk kaminawk mah a hak ih hinghaih to lokpui koek ah a thuih. Johan mah thuih ih a lahhaih hloe ih loa nithokkruek mi boih mah hnuk moa sui thai ih tui, takaw, aanghaih, tuu hoi tuukroekung, misur kung hoi athaih batih hmuennawk hoitoah pakhra bangah loktang to a hnuk thaih tihae ni.
Lokpui Tanawk
Amtonghaih (1:1-18)
Baptisma paekkung Johan hoi Jesuh ih hnukbang hmaloe koeknawk (1:19-51)
Jesuh mipuinawk khaeah a toksakhaih (2:1—12:50)
Jerusalem thung hoi taenghaek ih ani hnukkhuem bang a toksakhaih (13:1—19:42)
Angraeng ih Angthawklethaih hoi Amtuenghaih (20:1-31)
Lokboenghaih: Galili ah kalah amtueng lethaih ih (21:1-25)
Селектирано:
JOHAN Lokhraemhaih: AKNT2023
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Asang Khongso New Testament in Eastern Khumi © Bible Society of Myanmar, 2023.