A pi ake 6
6
Diidimle we njileena
1Na jamaane faaga, a soƥ daalbe we a ƥaatoox, we layoogna a gerek na den a ñuxmatilooxooga no we layoogna a hebre. Kaa layoogu yee ñaaw we den kaa mbeecoogel no ñoow ole da nqaajroogna mbeet oo mbeet. 2Maaga, apootar xarɓaxay fo apootar ɗik waa a mbokata daalbe waa, a lay a den ee:
«Jofkee tus, yaa i nqaƴna fa lay fee Roog i mbaare’aa, soo ndam no lasraa ñoowir. 3Ten taxu fog we, njilyo a ndeer nuun goor ɓetuu ɗik waa andteena paax, too a may fo Yiif Tedu le fo o and, i ndoxin a den calel keene. 4Neene itam, in fa qoox in, xan i mbaag o ndam no nqeɗaa, too ndef no calel ke na waare fee.»
5Kaa lay’eena a fel’a mbokatax naa fop, too a njila a Eceen, o koor o mayu o ngim fo Yiif Tedu le, fa Filip fa Porokoor fa Nikanoor fa Timon fa Parmenaas fa Nikolaa fee rimeena na teeru faa Ancook, too a tuub’u na ƭat ale no Yaawuur we. 6Cinj kaaga, a lala a den apootar waa. A nqeɗana a den, a ndoon xa ƥay took den.
7Fa lay fee Roog a moƴ’a joot, daalbe we a moƴ o may kam Yeerusaleem, too mayu no saasadax we a ngima na Yeesu.
Eceen a dame
8Yirmande fee Roog a mayƭanda a Eceen fa katil, ta fi’aa comlaand fo xa anddiloor xa maak ndeer xeet faa. 9Goor leng-leng a mbañrooga fo ten: Den ndeeƭu we mbog’ina no mbind a qeƭ naa xoyoogeena «Mbind ne no Faɗ wate we», weeke Yaawuur we Kireen fo we Aleksandiri, lakas we a ndef Yaawuur we Silisi fo we Asi. Wiin weene fop kaa ñimatiroogu fa Eceen, 10ndaa mbaag’iran o ƥur, yaam kaa laytoogu o and ole Yiif Tedu le a ci’taa. 11Maaga, a neexla wiin, ndax da lay ee: «I nana ta wenaa a Moyiis fa Roog.» 12Keene a taxa boo xeet faa fo maak waa fo jaajangin waa no kebil kaa Moyiis a mbuuxan a Eceen. A yena took um, a ndamin, too a ƥisin no Mal maak naa. 13A ƥisiida itam seede maamaaɓ waa layna yee:
«O kiin oxene koy, waaskee o wenaa Mbind Roog ne fo kebil ke Moyiis muk! 14Yaam i nana ta layaa yee Yeesu o Naanasaret oxe xan a gef o mbiñ onqene, a supit o mbaax onqe Moyiis a waasanna a in.»
15Waa ndeeƭna no moofand olaa no Mal maak naa fop kaa naang’u a Eceen jak a kid, too a nga’a mukit um a nand nen mukit malaaka.
Селектирано:
A pi ake 6: SRR23
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Copyright © 2015-2023 by Eglise luthérienne du Sénégal
A pi ake 6
6
Diidimle we njileena
1Na jamaane faaga, a soƥ daalbe we a ƥaatoox, we layoogna a gerek na den a ñuxmatilooxooga no we layoogna a hebre. Kaa layoogu yee ñaaw we den kaa mbeecoogel no ñoow ole da nqaajroogna mbeet oo mbeet. 2Maaga, apootar xarɓaxay fo apootar ɗik waa a mbokata daalbe waa, a lay a den ee:
«Jofkee tus, yaa i nqaƴna fa lay fee Roog i mbaare’aa, soo ndam no lasraa ñoowir. 3Ten taxu fog we, njilyo a ndeer nuun goor ɓetuu ɗik waa andteena paax, too a may fo Yiif Tedu le fo o and, i ndoxin a den calel keene. 4Neene itam, in fa qoox in, xan i mbaag o ndam no nqeɗaa, too ndef no calel ke na waare fee.»
5Kaa lay’eena a fel’a mbokatax naa fop, too a njila a Eceen, o koor o mayu o ngim fo Yiif Tedu le, fa Filip fa Porokoor fa Nikanoor fa Timon fa Parmenaas fa Nikolaa fee rimeena na teeru faa Ancook, too a tuub’u na ƭat ale no Yaawuur we. 6Cinj kaaga, a lala a den apootar waa. A nqeɗana a den, a ndoon xa ƥay took den.
7Fa lay fee Roog a moƴ’a joot, daalbe we a moƴ o may kam Yeerusaleem, too mayu no saasadax we a ngima na Yeesu.
Eceen a dame
8Yirmande fee Roog a mayƭanda a Eceen fa katil, ta fi’aa comlaand fo xa anddiloor xa maak ndeer xeet faa. 9Goor leng-leng a mbañrooga fo ten: Den ndeeƭu we mbog’ina no mbind a qeƭ naa xoyoogeena «Mbind ne no Faɗ wate we», weeke Yaawuur we Kireen fo we Aleksandiri, lakas we a ndef Yaawuur we Silisi fo we Asi. Wiin weene fop kaa ñimatiroogu fa Eceen, 10ndaa mbaag’iran o ƥur, yaam kaa laytoogu o and ole Yiif Tedu le a ci’taa. 11Maaga, a neexla wiin, ndax da lay ee: «I nana ta wenaa a Moyiis fa Roog.» 12Keene a taxa boo xeet faa fo maak waa fo jaajangin waa no kebil kaa Moyiis a mbuuxan a Eceen. A yena took um, a ndamin, too a ƥisin no Mal maak naa. 13A ƥisiida itam seede maamaaɓ waa layna yee:
«O kiin oxene koy, waaskee o wenaa Mbind Roog ne fo kebil ke Moyiis muk! 14Yaam i nana ta layaa yee Yeesu o Naanasaret oxe xan a gef o mbiñ onqene, a supit o mbaax onqe Moyiis a waasanna a in.»
15Waa ndeeƭna no moofand olaa no Mal maak naa fop kaa naang’u a Eceen jak a kid, too a nga’a mukit um a nand nen mukit malaaka.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Copyright © 2015-2023 by Eglise luthérienne du Sénégal