A pi ake 7
7
Waare fee Eceen
1Maaga, o saasadax o maak oxaa a laya a Eceen ee:
«Ndax keene ndigil oo?»
2Eceen a doonaan ee:
«Fog es fo paap es, nan-gilooxaamoo! Roog fee mayna fo o ndam a feeñooxa o taan in Abraham. Kaaga xaa soƥa a Abraham no saax laa Mesopotami yaaga genafulee Xaraan.#Mbr 12:1 3Maaga, Roog a laya a Abraham ee: ‹Xaƴi saax nuun, kaam ee inooxi no mbaafaap of, ret no saax lakas le um lalkang.› 4Na waxtu faaga sax, Abraham a sutooxa saax laa no Kaakalde waa, soo a genik na teeru faa Xaraan. A cinj ye faap um a ñakna koy, Roog a sektiidaan no saax leeke nu ngenna ndiiki.#Mbr 11:31; 12:4 5Roog ci’iran dara kaa ta warna o jeg no saax le mbaat maa ta doonna o jaf um sax. Kaa koy, a regaan ee xan a ci’in o ten, xa taan um a njegkin a cinj um. Yaaga Abraham jeg’ee o ƥiy sax.#Mbr 12:7; 13:15; 15:18; 17:8 6Keeke refu ke Roog a layuuna: ‹Xan xa taan of a ndet no saax jan, too waa no saax laaga xan a mbi a den faɗ, a toroxand a den boo xa kiid teemeed nahik.›#Mbr 15:13-14 7Kaa koy, Roog a laya yee: ‹Xam doon o ɓay es took xeet faaga mbi’na a den faɗ, too a koom da sutoox, a mbaɗoortaam o mbiñ onqene.›#Sut 3:12 8Maaga, Roog a dalna fa Abraham ngiɓoor, nquc ne a ref o anddiloor um. Neene mat Abraham a xuctu a Isaak fee o ƥeem no ñaal ɓetuu ndadkandeer ne a cinj o rimel um, Isaak a xuc a Yakoob, Yakoob a xuc daan xarɓaxay fo daan ɗik waa.#Mbr 17:10-14; 21:2-4; 25:26; 29:31—35:18
9Daan maak in waaga kaa siis’u a Yoseef boo a njikooxin, ndax ta refik o paɗ no saax laa Misira. Kaa koy, Roog a reeƭa fo ten,#Mbr 37:11, 28; 39:2, 21 10a muclan no coono ke ten fop. A ci’aan itam o and fo yiif mbaambir Firawon fee o maad Misira. Oxeene o mat dod’un ta adooxan saax laa Misira fo mbind um fop.#Mbr 41:39-41 11Maaga, biim a rokiida kam saax laa Misira fo laa Kanaan. Xij le a magin’a lool, too daan waa in njeg’atee kaa da ñaamna.#Mbr 42:1-2 12Yaa Yakoob a nanna yee bele a jega Misira, a eeta o lul daan we in maaga. 13No jaf o ɗikandeer ole da ndetitna koy, Yoseef a feeñooxa fog faap um, too neene itam Firawon fee a and’ata yee ƥasil ne Yoseef oo.#Mbr 45:1, 16 14Maaga, Yoseef a lulta a Yakoob fee faap um fo ƥasil naa fop ndeeƭna wiin qarɓeen ɓetuu ɗik fo wiin ɓetuk.#Mbr 17:18; 45:9-10; 46:27 15Yakoob a reta Misira, too maaga a xonit’u, ten fo daan waa in itam.#Mbr 46:1-7; 49:33 16Xa tal den a ƥise Sikeem, a ngasel na mboy alaa Abraham a jikit’ina xaaliis. A mboy aleene koy, na xa ƥiy Hamoor axe inoor’ina Sikeem a jikit’un.#Mbr 23:3-16; 33:19; 50:7-13; Yos 24:32
17Ye waxtu fee Roog a war’ina o fadnit a tegit ale ta reg’ina a Abraham a faambnooxna, xeet in a ndimatira, a moƴ o mayaa kam Misira.#Sut 1:7-8 18A cinj jamaane faaga o maad o qas oxaa andeerna a Yoseef a dodooxa, too a maadooxaa Misira. 19Kaa koy, o maad oxaaga a naxa xeet in, a toroxand daan we in, a ser a den da mbod xa qeq axe, ndax da nqon.#Sut 1:10-11, 22 20Na jamaane faaga Moyiis a rime, a ref o ndeɓandoong o mosu, Roog a bugin bo. A ñoowa a qool a tadak no mbind faap um.#Sut 2:2 21Cinj ye ta fodeena koy, o ƥiy o ndew Firawon fee a gisaan, soo a yarin nen o ƥeem ŋaƈit.#Sut 2:3-10 22Naaga, Moyiis a yar’e no and ole no Miimisira we fop, too a jeg’a sañ-sañ na fa lay um fo na pi um.
23Yaa ta jegna xa kiid qarɓeen nahik, a hebooxa o ɗeetik fog um, ndefna Ii-isra’el we.#Sut 2:11-15 24A ga’a o Miimisira xaa na toroxandaa o leng no fog um, a farta o koor oxaaga, a rabdinooxanin, boo a war o Miimisira xe. 25Kaa foog’u yee xan fog um weene a and ee na xa ƥay um Roog a muclitkaa a den, ndaa and’iran. 26No feet olaa, Moyiis a xeta fo Ii-isra’el ɗik waa na ñoxoraa, too a jeemooga hate a den. Moyiis a laya a den ee: ‹Qaariit es, mee ndax fog nu ndefu, xar taxu nu toroxandraa koy?› 27Kaa koy, oxe hup’ina o kend um doole a riña a Moyiis, too a layin ee: ‹An dodong kelfa fo o kaahate took in? 28Ndax kaa o bugaam o war ne warit’oona o Miimisira xe faak?› 29Ye Moyiis a nanna fa lay faaga, a ƴufa, a jangook na saate faa Majan. No saax laaga o mat a jegit’u xa ƥiy xa ƭaq.#Sut 18:3-4
30A cinj xa kiid qarɓeen nahik, malaaka a feeñooxa a Moyiis kam aal laa no ngol naa doxoogna. Kaaga xaa xewit’a na koƥ-a-ƥor alaa paam o Joong olaa Sinayi.#Sut 3:1-10 31Moyiis a ga’a ke feeñooxuuna, too a bet’aan lool. Yaa ta matiidaa koy, ndax ta horooxin, a nana o ñuxur ole no Yaal oxe a layaa yee: 32‹Mi refu Roog fee daan we nuun a mbaɗooxoogna, Roog fee Abraham, Roog fee Isaak fa Roog fee Yakoob.› Maaga, Moyiis kaa sendoogu ne ta fodeena fop, too saɗ’ee o ɗeet sax. 33O Yaal oxe a layahinaan ee: ‹Woli xa ñaaƭ of, yaam me o dakaa, lanq tedu yoo. 34Ga’aam ne xeet es a xijliteel no saax laa Misira, too nanaam xa iin den. Ten taxu, fudooxiidaam ndax um wat a den. Ndiiki koy gari, um lulong maaga.›
35Moyiis feene o mat Ii-isra’el we a nqañ’u, a laamtin ee: ‹An dodong kelfa fo o kaahate? Oxeene kiin koy Roog a luliidu nen a kelfa fo o baawat, a reefandin na malaaka fee feeñooxuuna kam ngol naa.#Sut 2:14 36Ten o mat sutu a den no saax laa Misira, a cinj ye ta fi’na comlaand fo xa anddiloor kam saax leene. Neene itam a fi’it’un kam o Maag o yeeq olaa fo na koƥ-a-ƥor alaa boo xa kiid qarɓeen nahik.#Sut 7:5; 14:21; Lim 14:33 37Moyiis feene o mat lay’ahinu xeet fee Isra’el ee: ‹Xan Roog a sutan a nuun a ndeer no fog nuun o tuleer oxaa nandna fa mi.›#Cang 8:15, 18 38Moyiis feene geenooxoogu paam xeet fee mbokatoor’ina na koƥ-a-ƥor alaa. Ten reeƭu o ndok-a-ndeer ndeer malaaka ne layoogna fo ten no Joong olaa Sinayi fo daan we in. Ten o mat daawu fa lay fa ñoow, ndax ta cooxin a in.#Sut 19:1—20:17; Cang 5:1-33
39Kaa koy, daan we in a mbaña o nanan a Moyiis, a ngodin, too a mbug’a o nomtoox Misira. 40Xeet fee a laya a Aaroon ee: ‹Fi’ani a in roog kaa na mbugko ñaaƴaa mbaambir in, yaam i andee ke dalna a Moyiis fee sutna a in Misira.›#Sut 32:1 41Maaga, a nqawna o xeel, a mbi’in nen roog den, a ƥoxotan sadax. Kaa mbelakinooxoogu no ke da nqawnoodna.#Sut 32:2-6 42Kaa koy, Roog a fesa a den a cinj, a xaƴ a den da mbaɗooxaa pindel ke na asamaan fee, ne ta bindteena no safe le no duleer we yee:
‹Nuun xeet fee Isra’el,
ndax mi nu sadaxu muumeen fo sadax lakas
na xa kiid qarɓeen nahik axe nu njegna na koƥ-a-ƥor alaa?#Am 5:25-27
43Ha’aa, yaam nuun ngadooxoogu o faɗoorand ole Molok nu mbi’na roog nuun,
ngadooxaa nitaal ne no xoor ole ne’eena Refaan nu mbi’na roog itam.
Den ndefu xa taaƴ axe nu njalna, ndax nu mbaɗoox a den.
Ten taxu xam sekit a nuun maa jolna saax laa Babilon.›
44Daan we in a njeg’a Ƭiif ne no ngiɓoor ne Roog na koƥ-a-ƥor alaa. Moyiis a fi’it’aan ne Roog a heblit’uuna o ten, ta nand deŋ fo samandaal ne ta ga’’ina.#Sut 25:9, 40 45Ye daan we in a yoqteena koy, a ƥoxote Ƭiif neene, a ƥislooxin no saax laa no qeet kaa Roog a rax’ina mbaambir den, a jopir Yosuwe a adooxanaa a den. Ƭiif naa a yoq’a maaga boo na jamaane Dawid.#Yos 3:14-17 46Dawid a daawa yirmande mbaambir Roog. A xeɗaan ndax ta maxin Ngenand Roog, maa xa taan Yakoob a mbaɗooraa.#2Sam 7:1-16; 1Clr 17:1-14 47Kaa koy, Salomo reeƭu oxe maxan’ina a Roog Ngenand.#1Md 6:1-38; 2Clr 3:1-17
48Kaa koy, Roog fee Took-ee-took genkee no kaa o ɓay no kiin a fi’na, ne o tuleer oxe a bindtuuna yee:
49‹O Yaal oxe kaa tee: Asamaan fee refu gamb es,
soo lanq ke a ndef o dakand es.
Mbind nandu num nu maxankaxam?
Ndi mam na refkaa o ñootnoorand es?#Es 66:1-2
50Mee ndax o ɓay es fi’u keene fop?›
51Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.#Es 63:10 52An no duleer we daan nuun a ñagadileeru sax? Yaam daan nuun a mbara we yegnitoogna yaaga yee xan o Cofu xe a gar, ndiiki koy nu ngodaan, mbarnoorin. 53Nu ndaaw’a kebil ke Roog na pexey malaaka ke, ndaa nu ngayee a den.»
Eceen a warte a kac
54Yaa waa mbog’ina no Mal naa a nanna a ƭelem akaaga, a nduq’a a den tigi, too a ŋatooxanooga a Eceen. 55Kaa koy, Eceen a maya fo Yiif Tedu le, too a daxaaƴooxa farna fa asamaan. Maaga, a ga’a o ndam onqe Roog, a ga a Yeesu, ta geenoox na ñamaak Roog. 56A laya yee:
«Ga’aam asamaan fee a wetoox, soo o Ƥeenqe no kiin oxe a geenoox na ñamaak Roog.»
57A mbuuqa a maak, a sux nof den, too a ndiganin den fop. 58Maaga, a ndeƈ-ndeƈnaan boo tafil teeru faa, soo a mbartin a kac. Waa seede’’ina ke Eceen a lay’ina a ndoon’a tikoorik den na caf no fes olaa ne’eena Sool, ta yetooxaa a den. 59Neeke mat Eceen a xeɗtoogu ye da ndooman a kac:
«O Yaal oxe Yeesu, jaɓi o laaw es!»
60Cinj kaaga, a gooknooxa, a wuuq a maak, a lay ee:
«O Yaal oxe, ba o damit a den bakaad fene.»
Cinj a ƭelem akaaga, a ɓuta.
Селектирано:
A pi ake 7: SRR23
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Copyright © 2015-2023 by Eglise luthérienne du Sénégal
A pi ake 7
7
Waare fee Eceen
1Maaga, o saasadax o maak oxaa a laya a Eceen ee:
«Ndax keene ndigil oo?»
2Eceen a doonaan ee:
«Fog es fo paap es, nan-gilooxaamoo! Roog fee mayna fo o ndam a feeñooxa o taan in Abraham. Kaaga xaa soƥa a Abraham no saax laa Mesopotami yaaga genafulee Xaraan.#Mbr 12:1 3Maaga, Roog a laya a Abraham ee: ‹Xaƴi saax nuun, kaam ee inooxi no mbaafaap of, ret no saax lakas le um lalkang.› 4Na waxtu faaga sax, Abraham a sutooxa saax laa no Kaakalde waa, soo a genik na teeru faa Xaraan. A cinj ye faap um a ñakna koy, Roog a sektiidaan no saax leeke nu ngenna ndiiki.#Mbr 11:31; 12:4 5Roog ci’iran dara kaa ta warna o jeg no saax le mbaat maa ta doonna o jaf um sax. Kaa koy, a regaan ee xan a ci’in o ten, xa taan um a njegkin a cinj um. Yaaga Abraham jeg’ee o ƥiy sax.#Mbr 12:7; 13:15; 15:18; 17:8 6Keeke refu ke Roog a layuuna: ‹Xan xa taan of a ndet no saax jan, too waa no saax laaga xan a mbi a den faɗ, a toroxand a den boo xa kiid teemeed nahik.›#Mbr 15:13-14 7Kaa koy, Roog a laya yee: ‹Xam doon o ɓay es took xeet faaga mbi’na a den faɗ, too a koom da sutoox, a mbaɗoortaam o mbiñ onqene.›#Sut 3:12 8Maaga, Roog a dalna fa Abraham ngiɓoor, nquc ne a ref o anddiloor um. Neene mat Abraham a xuctu a Isaak fee o ƥeem no ñaal ɓetuu ndadkandeer ne a cinj o rimel um, Isaak a xuc a Yakoob, Yakoob a xuc daan xarɓaxay fo daan ɗik waa.#Mbr 17:10-14; 21:2-4; 25:26; 29:31—35:18
9Daan maak in waaga kaa siis’u a Yoseef boo a njikooxin, ndax ta refik o paɗ no saax laa Misira. Kaa koy, Roog a reeƭa fo ten,#Mbr 37:11, 28; 39:2, 21 10a muclan no coono ke ten fop. A ci’aan itam o and fo yiif mbaambir Firawon fee o maad Misira. Oxeene o mat dod’un ta adooxan saax laa Misira fo mbind um fop.#Mbr 41:39-41 11Maaga, biim a rokiida kam saax laa Misira fo laa Kanaan. Xij le a magin’a lool, too daan waa in njeg’atee kaa da ñaamna.#Mbr 42:1-2 12Yaa Yakoob a nanna yee bele a jega Misira, a eeta o lul daan we in maaga. 13No jaf o ɗikandeer ole da ndetitna koy, Yoseef a feeñooxa fog faap um, too neene itam Firawon fee a and’ata yee ƥasil ne Yoseef oo.#Mbr 45:1, 16 14Maaga, Yoseef a lulta a Yakoob fee faap um fo ƥasil naa fop ndeeƭna wiin qarɓeen ɓetuu ɗik fo wiin ɓetuk.#Mbr 17:18; 45:9-10; 46:27 15Yakoob a reta Misira, too maaga a xonit’u, ten fo daan waa in itam.#Mbr 46:1-7; 49:33 16Xa tal den a ƥise Sikeem, a ngasel na mboy alaa Abraham a jikit’ina xaaliis. A mboy aleene koy, na xa ƥiy Hamoor axe inoor’ina Sikeem a jikit’un.#Mbr 23:3-16; 33:19; 50:7-13; Yos 24:32
17Ye waxtu fee Roog a war’ina o fadnit a tegit ale ta reg’ina a Abraham a faambnooxna, xeet in a ndimatira, a moƴ o mayaa kam Misira.#Sut 1:7-8 18A cinj jamaane faaga o maad o qas oxaa andeerna a Yoseef a dodooxa, too a maadooxaa Misira. 19Kaa koy, o maad oxaaga a naxa xeet in, a toroxand daan we in, a ser a den da mbod xa qeq axe, ndax da nqon.#Sut 1:10-11, 22 20Na jamaane faaga Moyiis a rime, a ref o ndeɓandoong o mosu, Roog a bugin bo. A ñoowa a qool a tadak no mbind faap um.#Sut 2:2 21Cinj ye ta fodeena koy, o ƥiy o ndew Firawon fee a gisaan, soo a yarin nen o ƥeem ŋaƈit.#Sut 2:3-10 22Naaga, Moyiis a yar’e no and ole no Miimisira we fop, too a jeg’a sañ-sañ na fa lay um fo na pi um.
23Yaa ta jegna xa kiid qarɓeen nahik, a hebooxa o ɗeetik fog um, ndefna Ii-isra’el we.#Sut 2:11-15 24A ga’a o Miimisira xaa na toroxandaa o leng no fog um, a farta o koor oxaaga, a rabdinooxanin, boo a war o Miimisira xe. 25Kaa foog’u yee xan fog um weene a and ee na xa ƥay um Roog a muclitkaa a den, ndaa and’iran. 26No feet olaa, Moyiis a xeta fo Ii-isra’el ɗik waa na ñoxoraa, too a jeemooga hate a den. Moyiis a laya a den ee: ‹Qaariit es, mee ndax fog nu ndefu, xar taxu nu toroxandraa koy?› 27Kaa koy, oxe hup’ina o kend um doole a riña a Moyiis, too a layin ee: ‹An dodong kelfa fo o kaahate took in? 28Ndax kaa o bugaam o war ne warit’oona o Miimisira xe faak?› 29Ye Moyiis a nanna fa lay faaga, a ƴufa, a jangook na saate faa Majan. No saax laaga o mat a jegit’u xa ƥiy xa ƭaq.#Sut 18:3-4
30A cinj xa kiid qarɓeen nahik, malaaka a feeñooxa a Moyiis kam aal laa no ngol naa doxoogna. Kaaga xaa xewit’a na koƥ-a-ƥor alaa paam o Joong olaa Sinayi.#Sut 3:1-10 31Moyiis a ga’a ke feeñooxuuna, too a bet’aan lool. Yaa ta matiidaa koy, ndax ta horooxin, a nana o ñuxur ole no Yaal oxe a layaa yee: 32‹Mi refu Roog fee daan we nuun a mbaɗooxoogna, Roog fee Abraham, Roog fee Isaak fa Roog fee Yakoob.› Maaga, Moyiis kaa sendoogu ne ta fodeena fop, too saɗ’ee o ɗeet sax. 33O Yaal oxe a layahinaan ee: ‹Woli xa ñaaƭ of, yaam me o dakaa, lanq tedu yoo. 34Ga’aam ne xeet es a xijliteel no saax laa Misira, too nanaam xa iin den. Ten taxu, fudooxiidaam ndax um wat a den. Ndiiki koy gari, um lulong maaga.›
35Moyiis feene o mat Ii-isra’el we a nqañ’u, a laamtin ee: ‹An dodong kelfa fo o kaahate? Oxeene kiin koy Roog a luliidu nen a kelfa fo o baawat, a reefandin na malaaka fee feeñooxuuna kam ngol naa.#Sut 2:14 36Ten o mat sutu a den no saax laa Misira, a cinj ye ta fi’na comlaand fo xa anddiloor kam saax leene. Neene itam a fi’it’un kam o Maag o yeeq olaa fo na koƥ-a-ƥor alaa boo xa kiid qarɓeen nahik.#Sut 7:5; 14:21; Lim 14:33 37Moyiis feene o mat lay’ahinu xeet fee Isra’el ee: ‹Xan Roog a sutan a nuun a ndeer no fog nuun o tuleer oxaa nandna fa mi.›#Cang 8:15, 18 38Moyiis feene geenooxoogu paam xeet fee mbokatoor’ina na koƥ-a-ƥor alaa. Ten reeƭu o ndok-a-ndeer ndeer malaaka ne layoogna fo ten no Joong olaa Sinayi fo daan we in. Ten o mat daawu fa lay fa ñoow, ndax ta cooxin a in.#Sut 19:1—20:17; Cang 5:1-33
39Kaa koy, daan we in a mbaña o nanan a Moyiis, a ngodin, too a mbug’a o nomtoox Misira. 40Xeet fee a laya a Aaroon ee: ‹Fi’ani a in roog kaa na mbugko ñaaƴaa mbaambir in, yaam i andee ke dalna a Moyiis fee sutna a in Misira.›#Sut 32:1 41Maaga, a nqawna o xeel, a mbi’in nen roog den, a ƥoxotan sadax. Kaa mbelakinooxoogu no ke da nqawnoodna.#Sut 32:2-6 42Kaa koy, Roog a fesa a den a cinj, a xaƴ a den da mbaɗooxaa pindel ke na asamaan fee, ne ta bindteena no safe le no duleer we yee:
‹Nuun xeet fee Isra’el,
ndax mi nu sadaxu muumeen fo sadax lakas
na xa kiid qarɓeen nahik axe nu njegna na koƥ-a-ƥor alaa?#Am 5:25-27
43Ha’aa, yaam nuun ngadooxoogu o faɗoorand ole Molok nu mbi’na roog nuun,
ngadooxaa nitaal ne no xoor ole ne’eena Refaan nu mbi’na roog itam.
Den ndefu xa taaƴ axe nu njalna, ndax nu mbaɗoox a den.
Ten taxu xam sekit a nuun maa jolna saax laa Babilon.›
44Daan we in a njeg’a Ƭiif ne no ngiɓoor ne Roog na koƥ-a-ƥor alaa. Moyiis a fi’it’aan ne Roog a heblit’uuna o ten, ta nand deŋ fo samandaal ne ta ga’’ina.#Sut 25:9, 40 45Ye daan we in a yoqteena koy, a ƥoxote Ƭiif neene, a ƥislooxin no saax laa no qeet kaa Roog a rax’ina mbaambir den, a jopir Yosuwe a adooxanaa a den. Ƭiif naa a yoq’a maaga boo na jamaane Dawid.#Yos 3:14-17 46Dawid a daawa yirmande mbaambir Roog. A xeɗaan ndax ta maxin Ngenand Roog, maa xa taan Yakoob a mbaɗooraa.#2Sam 7:1-16; 1Clr 17:1-14 47Kaa koy, Salomo reeƭu oxe maxan’ina a Roog Ngenand.#1Md 6:1-38; 2Clr 3:1-17
48Kaa koy, Roog fee Took-ee-took genkee no kaa o ɓay no kiin a fi’na, ne o tuleer oxe a bindtuuna yee:
49‹O Yaal oxe kaa tee: Asamaan fee refu gamb es,
soo lanq ke a ndef o dakand es.
Mbind nandu num nu maxankaxam?
Ndi mam na refkaa o ñootnoorand es?#Es 66:1-2
50Mee ndax o ɓay es fi’u keene fop?›
51Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.#Es 63:10 52An no duleer we daan nuun a ñagadileeru sax? Yaam daan nuun a mbara we yegnitoogna yaaga yee xan o Cofu xe a gar, ndiiki koy nu ngodaan, mbarnoorin. 53Nu ndaaw’a kebil ke Roog na pexey malaaka ke, ndaa nu ngayee a den.»
Eceen a warte a kac
54Yaa waa mbog’ina no Mal naa a nanna a ƭelem akaaga, a nduq’a a den tigi, too a ŋatooxanooga a Eceen. 55Kaa koy, Eceen a maya fo Yiif Tedu le, too a daxaaƴooxa farna fa asamaan. Maaga, a ga’a o ndam onqe Roog, a ga a Yeesu, ta geenoox na ñamaak Roog. 56A laya yee:
«Ga’aam asamaan fee a wetoox, soo o Ƥeenqe no kiin oxe a geenoox na ñamaak Roog.»
57A mbuuqa a maak, a sux nof den, too a ndiganin den fop. 58Maaga, a ndeƈ-ndeƈnaan boo tafil teeru faa, soo a mbartin a kac. Waa seede’’ina ke Eceen a lay’ina a ndoon’a tikoorik den na caf no fes olaa ne’eena Sool, ta yetooxaa a den. 59Neeke mat Eceen a xeɗtoogu ye da ndooman a kac:
«O Yaal oxe Yeesu, jaɓi o laaw es!»
60Cinj kaaga, a gooknooxa, a wuuq a maak, a lay ee:
«O Yaal oxe, ba o damit a den bakaad fene.»
Cinj a ƭelem akaaga, a ɓuta.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Copyright © 2015-2023 by Eglise luthérienne du Sénégal