Genesỳ 18
18
Nambaran’Andriamanitra fa hitera-dahy i Sarà
1Niseho tamin’i Abrahama tao amin’ny hazo ôakan’i Mamre ny TOMPO, raha nipetraka teo am-baravaran’ny lainy izy fa nafana ny andro. 2Nanopy maso i Abrahama ka nahita lehilahy telo#18.2 lehilahy telo: ao amin’ny tohin’ny fitantarana izy ireo dia lazaina fotsiny amin’ny anarana hoe lehilahy (and 16, 22) na ny Tompo (and 13, 20, 33) na koa hoe ny anjely roa (19.1). Ampit Heb 13.2. nijoro nanandrify azy. Raha nahita ireo izy, dia nihazakazaka avy teo an-dainy mba hitsena azy sady niankohoka teo anatrehany. 3Ka ny anankiray tamin’ireo no nilazany hoe:
–Tompoko, raha mba mahita fitia eo imasonao aho, dia aza lalovana fotsiny. 4Fa aoka hakana rano kely hanasanareo tongotra, ka hiala sasatra eto am-pototr’ity hazo ity ianareo. 5Izaho kosa handroso sakafo hohaninareo mba hampody hery anareo; avy eo vao hanohy ny dianareo ianareo, satria efa nandalo teto amiko tokoa.
Dia namaly izy telo lahy hoe:
–Tanteraho araka izay nambaranao àry.
6Koa niverina faingana ho any an-day i Abrahama hilaza amin’i Sarà hoe:
–Haingàna maka lafarinina tsara indrindra intelon’ny famarana ka manendasa mofo.
7Avy teo i Abrahama dia nihazakazaka nankany amin’ny andian’ombiny ary naka zanak’omby matavy tsara ka nomeny ny mpanompony mba hamboariny haingana. 8Dia nalainy ny dibera sy ronono ary ny zanak’omby efa voavoatra ka narosony tamin’ireo vahiny. Dia nihinana ireo fa i Abrahama kosa nitsangana teo akaikiny teo am-pototry ny hazo. 9Ary nanontany izy telo lahy hoe:
–Aiza i Sarà vadinao?
Ka hoy ny navaliny azy:
–Indro ao an-day izy.
10Dia nilaza ny iray tamin’ny vahiny hoe:
–Hiverina eto aminao aho amin’ny herintaona toy izao, ka hitera-dahy i Sarà vadinao.
I Sarà anefa tamin’izay dia nihaino teo am-baravaran’ny tranolay, tao an-damosin’i Abrahama. 11Samy antitra i Abrahama sy i Sarà fa samy nandroso taona; ary i Sarà dia efa nitsahatra tamin’ny fadimbolana. 12Koa nihomehy anakampo i Sarà nanao hoe: «Dia mbola hisy fahafinaretana ho ahy ve amin’izao fahanterako izao sady efa antitra koa ny vadiko#18.12 ny vadiko na ny tompoko: jereo 1Pt 3.6.?» 13Dia hoy ny TOMPO tamin’i Abrahama:
–Nahoana moa no mihomehy i Sarà? Nahoana izy no manao anakampo hoe: «Marina ve fa hiteraka tokoa ity izaho efa antitra ity?» 14Moa misy zavatra tsy hain’ny TOMPO tanterahina ve#18.14 Jereo Lk 1.37.? Koa rehefa miverina eto aminao aho amin’ny herintaona toy izao, dia hanan-janaka lahy i Sarà.
15Fa nandà noho ny tahotra i Sarà ka nanao hoe:
–Tsy nihomehy aho.
Hoy kosa ny TOMPO#18.15 Jereo Gen 17.17-19 sy nta. hoe:
–Tsia, fa nihomehy ianao.
16Dia nitsangana niala teo ireo lehilahy vahiny ka nitazana an’i Sôdôma, ary i Abrahama niaraka taminy hanatitra azy. 17Dia hoy ny TOMPO anakampo hoe: «Moa hafeniko an’i Abrahama ve izay hataoko? 18Tsy maintsy ho tonga razamben’ny firenena lehibe sy matanjaka izy; ary amin’ny alalany no hitahiako ny firenena rehetra eto an-tany#18.18 Jereo Gen 12.3 sy nta.. 19Nofidîko izy mba handidiany ireo zanany sy ny taranany hitandrina ny didiko ka hanao ny rariny sy ny hitsiny mba hotanterahiko amin’i Abrahama izay rehetra efa nampanantenaiko momba azy.» 20Ary hoy ny TOMPO tamin’i Abrahama:
–Betsaka ny fitarainana momba an’i Sôdôma sy i Gômôra; ary mavesatra loatra ny fahotany. 21Koa voatery hidina Aho mba hijery raha toa ka araka ny fitarainana tonga any amiko tokoa no nataony. Ho fantatro raha nanao izany rehetra izany izy na tsia.
22Ny roa tamin’ireo lehilahy vahiny dia niainga ka nankany Sôdôma, fa ny TOMPO kosa mbola nijanona niaraka tamin’i Abrahama#18.22 fa ny Tompo kosa mbola nijanona niaraka tamin’i Abrahama na nijanona nijoro teo anatrehan’i Abrahama: rijan-teny naverina amin’ny laoniny. Ireo mpandika soratra jiosy manko dia milaza fa nahitsin’ireo ny TM, angamba mba tsy hanafintohina. Ka toy izao no tokony hamakiana azy hoy izy ireo: Fa i Abrahama kosa mbola nijanona nijoro teo anatrehan’ny Tompo. . 23Koa nanatona i Abrahama sady nanao hoe:
–Dia haringanao tokoa miaraka amin’ny meloka ve ny marina? 24Angamba mety hisy olo-marina dimampolo ao Sôdôma. Koa haringanao ve io tanàna io? Moa tsy havelanao heloka ve izy noho ireo olo-marina dimampolo ao aminy? 25Tsia, sanatria aminao ny hanao izany! Raha hovonoinao miaraka amin’ny meloka ny marina, dia hitovy ny marina sy ny meloka. Sanatria Anao izany! Ianao Izay mpitsara ny tany tontolo ve no tsy hitandro ny rariny.
26Dia namaly ny TOMPO hoe:
–Raha mahita olo-marina dimampolo ao Sôdôma Aho, dia havelako heloka ny tanàna manontolo noho ny amin’ireo.
27Fa hoy indray i Abrahama:
–Miangavy re, Tompo ô, fa mbola sahy hiteny aminao ihany aho, na dia vovoka sy lavenona aza. 28Angamba tsy ampy dimampolo ny olo-marina fa latsaka dimy, dia horavanao ve ny tanàna manontolo noho ny amin’ny dimy?
Ka namaly ny Tompo hoe:
–Tsy handrava ny tanàna Aho, raha mahita olo-marina dimy amby efapolo ao!
29Mbola niteny taminy indray i Abrahama hoe:
–Angamba tsy hahitana afa-tsy efapolo ao!
Dia novalian’ny Tompo hoe:
–Tsy handrava ny tanàna Aho noho ny amin’ny olo-marina efapolo.
30Fa niteny indray i Abrahama hoe:
–Aoka tsy ho sosotra Ianao, Tompo ô, raha mbola hiteny aho. Angamba tsy hahitana afa-tsy telopolo ao.
Ka novalian’ny Tompo hoe:
–Tsy handrava ny tanàna Aho, raha mahita olo-marina telopolo ao.
31Dia hoy ihany i Abrahama:
–Miangavy re, Tompo ô, fa mbola sahy hiteny aminao ihany aho; angamba tsy hahitana afa-tsy roapolo ao.
Fa novalian’ny Tompo hoe:
–Tsy handrava ny tanàna Aho noho ny amin’ny olo-marina roapolo.
32Ka hoy indray i Abrahama:
–Miangavy re, Tompo ô, aoka tsy ho tezitra Ianao fa hiteny farany aho. Angamba tsy hahitana afa-tsy folo ao.
Ary novalian’ny Tompo hoe:
–Tsy handrava ny tanàna Aho noho ny amin’ireo folo.
33Rehefa nahavita ny resaka nataony tamin’i Abrahama ny TOMPO, dia lasa; fa i Abrahama kosa niverina any amin’ny fonenany.
Селектирано:
Genesỳ 18: DIEM
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Dikanteny Iombonana Eto Madagasikara © Malagasy Bible Society, 2004.
Genesỳ 18
18
Nambaran’Andriamanitra fa hitera-dahy i Sarà
1Niseho tamin’i Abrahama tao amin’ny hazo ôakan’i Mamre ny TOMPO, raha nipetraka teo am-baravaran’ny lainy izy fa nafana ny andro. 2Nanopy maso i Abrahama ka nahita lehilahy telo#18.2 lehilahy telo: ao amin’ny tohin’ny fitantarana izy ireo dia lazaina fotsiny amin’ny anarana hoe lehilahy (and 16, 22) na ny Tompo (and 13, 20, 33) na koa hoe ny anjely roa (19.1). Ampit Heb 13.2. nijoro nanandrify azy. Raha nahita ireo izy, dia nihazakazaka avy teo an-dainy mba hitsena azy sady niankohoka teo anatrehany. 3Ka ny anankiray tamin’ireo no nilazany hoe:
–Tompoko, raha mba mahita fitia eo imasonao aho, dia aza lalovana fotsiny. 4Fa aoka hakana rano kely hanasanareo tongotra, ka hiala sasatra eto am-pototr’ity hazo ity ianareo. 5Izaho kosa handroso sakafo hohaninareo mba hampody hery anareo; avy eo vao hanohy ny dianareo ianareo, satria efa nandalo teto amiko tokoa.
Dia namaly izy telo lahy hoe:
–Tanteraho araka izay nambaranao àry.
6Koa niverina faingana ho any an-day i Abrahama hilaza amin’i Sarà hoe:
–Haingàna maka lafarinina tsara indrindra intelon’ny famarana ka manendasa mofo.
7Avy teo i Abrahama dia nihazakazaka nankany amin’ny andian’ombiny ary naka zanak’omby matavy tsara ka nomeny ny mpanompony mba hamboariny haingana. 8Dia nalainy ny dibera sy ronono ary ny zanak’omby efa voavoatra ka narosony tamin’ireo vahiny. Dia nihinana ireo fa i Abrahama kosa nitsangana teo akaikiny teo am-pototry ny hazo. 9Ary nanontany izy telo lahy hoe:
–Aiza i Sarà vadinao?
Ka hoy ny navaliny azy:
–Indro ao an-day izy.
10Dia nilaza ny iray tamin’ny vahiny hoe:
–Hiverina eto aminao aho amin’ny herintaona toy izao, ka hitera-dahy i Sarà vadinao.
I Sarà anefa tamin’izay dia nihaino teo am-baravaran’ny tranolay, tao an-damosin’i Abrahama. 11Samy antitra i Abrahama sy i Sarà fa samy nandroso taona; ary i Sarà dia efa nitsahatra tamin’ny fadimbolana. 12Koa nihomehy anakampo i Sarà nanao hoe: «Dia mbola hisy fahafinaretana ho ahy ve amin’izao fahanterako izao sady efa antitra koa ny vadiko#18.12 ny vadiko na ny tompoko: jereo 1Pt 3.6.?» 13Dia hoy ny TOMPO tamin’i Abrahama:
–Nahoana moa no mihomehy i Sarà? Nahoana izy no manao anakampo hoe: «Marina ve fa hiteraka tokoa ity izaho efa antitra ity?» 14Moa misy zavatra tsy hain’ny TOMPO tanterahina ve#18.14 Jereo Lk 1.37.? Koa rehefa miverina eto aminao aho amin’ny herintaona toy izao, dia hanan-janaka lahy i Sarà.
15Fa nandà noho ny tahotra i Sarà ka nanao hoe:
–Tsy nihomehy aho.
Hoy kosa ny TOMPO#18.15 Jereo Gen 17.17-19 sy nta. hoe:
–Tsia, fa nihomehy ianao.
16Dia nitsangana niala teo ireo lehilahy vahiny ka nitazana an’i Sôdôma, ary i Abrahama niaraka taminy hanatitra azy. 17Dia hoy ny TOMPO anakampo hoe: «Moa hafeniko an’i Abrahama ve izay hataoko? 18Tsy maintsy ho tonga razamben’ny firenena lehibe sy matanjaka izy; ary amin’ny alalany no hitahiako ny firenena rehetra eto an-tany#18.18 Jereo Gen 12.3 sy nta.. 19Nofidîko izy mba handidiany ireo zanany sy ny taranany hitandrina ny didiko ka hanao ny rariny sy ny hitsiny mba hotanterahiko amin’i Abrahama izay rehetra efa nampanantenaiko momba azy.» 20Ary hoy ny TOMPO tamin’i Abrahama:
–Betsaka ny fitarainana momba an’i Sôdôma sy i Gômôra; ary mavesatra loatra ny fahotany. 21Koa voatery hidina Aho mba hijery raha toa ka araka ny fitarainana tonga any amiko tokoa no nataony. Ho fantatro raha nanao izany rehetra izany izy na tsia.
22Ny roa tamin’ireo lehilahy vahiny dia niainga ka nankany Sôdôma, fa ny TOMPO kosa mbola nijanona niaraka tamin’i Abrahama#18.22 fa ny Tompo kosa mbola nijanona niaraka tamin’i Abrahama na nijanona nijoro teo anatrehan’i Abrahama: rijan-teny naverina amin’ny laoniny. Ireo mpandika soratra jiosy manko dia milaza fa nahitsin’ireo ny TM, angamba mba tsy hanafintohina. Ka toy izao no tokony hamakiana azy hoy izy ireo: Fa i Abrahama kosa mbola nijanona nijoro teo anatrehan’ny Tompo. . 23Koa nanatona i Abrahama sady nanao hoe:
–Dia haringanao tokoa miaraka amin’ny meloka ve ny marina? 24Angamba mety hisy olo-marina dimampolo ao Sôdôma. Koa haringanao ve io tanàna io? Moa tsy havelanao heloka ve izy noho ireo olo-marina dimampolo ao aminy? 25Tsia, sanatria aminao ny hanao izany! Raha hovonoinao miaraka amin’ny meloka ny marina, dia hitovy ny marina sy ny meloka. Sanatria Anao izany! Ianao Izay mpitsara ny tany tontolo ve no tsy hitandro ny rariny.
26Dia namaly ny TOMPO hoe:
–Raha mahita olo-marina dimampolo ao Sôdôma Aho, dia havelako heloka ny tanàna manontolo noho ny amin’ireo.
27Fa hoy indray i Abrahama:
–Miangavy re, Tompo ô, fa mbola sahy hiteny aminao ihany aho, na dia vovoka sy lavenona aza. 28Angamba tsy ampy dimampolo ny olo-marina fa latsaka dimy, dia horavanao ve ny tanàna manontolo noho ny amin’ny dimy?
Ka namaly ny Tompo hoe:
–Tsy handrava ny tanàna Aho, raha mahita olo-marina dimy amby efapolo ao!
29Mbola niteny taminy indray i Abrahama hoe:
–Angamba tsy hahitana afa-tsy efapolo ao!
Dia novalian’ny Tompo hoe:
–Tsy handrava ny tanàna Aho noho ny amin’ny olo-marina efapolo.
30Fa niteny indray i Abrahama hoe:
–Aoka tsy ho sosotra Ianao, Tompo ô, raha mbola hiteny aho. Angamba tsy hahitana afa-tsy telopolo ao.
Ka novalian’ny Tompo hoe:
–Tsy handrava ny tanàna Aho, raha mahita olo-marina telopolo ao.
31Dia hoy ihany i Abrahama:
–Miangavy re, Tompo ô, fa mbola sahy hiteny aminao ihany aho; angamba tsy hahitana afa-tsy roapolo ao.
Fa novalian’ny Tompo hoe:
–Tsy handrava ny tanàna Aho noho ny amin’ny olo-marina roapolo.
32Ka hoy indray i Abrahama:
–Miangavy re, Tompo ô, aoka tsy ho tezitra Ianao fa hiteny farany aho. Angamba tsy hahitana afa-tsy folo ao.
Ary novalian’ny Tompo hoe:
–Tsy handrava ny tanàna Aho noho ny amin’ireo folo.
33Rehefa nahavita ny resaka nataony tamin’i Abrahama ny TOMPO, dia lasa; fa i Abrahama kosa niverina any amin’ny fonenany.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Dikanteny Iombonana Eto Madagasikara © Malagasy Bible Society, 2004.