Genesỳ 19
19
Afaka tamin’ny fandravana an’i Sôdôma i Lôta
1Nony hariva dia tonga tao Sôdôma ireo anjely roa. Nipetraka teo am-bavahadin’ny tanàna i Lôta tamin’izay#19.1 ireo anjely roa: jereo 18.2 sy nta. –teo am-bavahadin’ny tanàna i Lôta: jereo 13.12-13.. Raha vao nahita ireo izy, dia nitsangana hitsena azy ary niankohoka teo anatrehany 2sady niteny hoe:
–Miangavy re, Tompoko, mba mivilia hiantrano ao amiko ianareo; ka sasao ny tongotrareo, ary mandria anio alina fa rahampitso maraina no hanohy ny dia ianareo.
Ka hoy ny navalin’ireo anjely roa hoe:
–Tsia, fa ho eto an-kianja ihany izahay no handany ny alina.
3Fa noteren’i Lôta fatratra izy, ka nivily ary niditra tao an-tranony. Dia nanamboarany sakafo sy nanendasany mofo tsy misy leviora ireo, ka nihinana.
4Fa raha tsy mbola nandry akory ireo, dia efa voahodidin’ny lehilahy tao an-tanànan’i Sôdôma ny trano; teo avokoa na ny antitra na ny tanora, tsy nisy avakavaka. 5Dia niantso an’i Lôta ireo ka nanao taminy hoe:
–Aiza ireo lehilahy tonga teto aminao izao hariva izao? Avoahy atỳ izy hanaovanay firaisana.
6Dia nivoaka nankeo an-tokonana i Lôta, ka nanakatona ny varavarana teo ivohony, 7ary niteny tamin’ireo hoe:
–Tsia, ry havako, aoka tsy hanao ratsy ianareo. 8Manana zanakavavy roa mbola virijiny aho; hoentiko eto aminareo ireo hanaovanareo izay sitrakareo hatao aminy. Fa aza manao na inona na inona amin’ireo olona ireo, satria vahiniko ireo ary ao ambany tafon-tranoko#19.8 Ny fanajana ny fitsipika momba ny fampiantranoam-bahiny dia ambony noho ireo fiheverana hafa: jereo ny Mpits 19..
9Fa hoy ny navalin’ireo azy:
–Mialà teo ianao, ianao izay tonga hivahiny indray ve no hanao lalàna ho anay ankehitriny! Hasianay ratsy lavitra noho ireo ianao.
Dia nanosika mafy an’i Lôta ireo mba hisesika hamaky ny varavarana. 10Ary naninji-tanana ireto anjely mba hampiditra an’i Lôta hankao an-trano ho eo akaikiny; ary nohidiany ny varavarana. 11Fa ireo lehilahy teo am-baravaran’ny trano kosa nasiany fahajambana#19.11 fahajambana: ampit 2 Mp 6.18. na ny kely na ny lehibe ka tsy nahita ny varavarana hidirana.
12Ary hoy ireo anjely tamin’i Lôta:
–Mbola misy fianakavianao ve eto, toy ny vinantolahy na zanakalahy na zanakavavy na havana hafa? Ento mivoaka ny tanàna ireo, 13satria lehibe ny fitarainana tonga eo anatrehan’ny TOMPO momba ny mponina ao aminy; koa nirahin’ny TOMPO izahay handrava azy.
14Dia nivoaka ny trano i Lôta mba hiteny amin’ireo vinantony izay hanambady ny zanany vavy ka nanao hoe:
–Miaingà, ialao ity toerana ity fa horavan’ny TOMPO ny tanàna.
Saingy noheverin’ireo vinantony ho manao kivazivazy i Lôta.
15Ary raha vao nangiran-dratsy ny andro, dia nandodona an’i Lôta ireto anjely ka nanao hoe:
–Miaingà, ento ny vadinao sy ny zanakao roa vavy fandrao ho levona noho ny amin’ny fahotan’ity tanàna ity ianareo.
16Raha mbola nitaredretra i Lôta, dia notantanan’ny anjely izy mbamin’ny vady aman-janany ho any ivelan’ny tanàna noho ny famindrampon’ny TOMPO taminy#19.16 Jereo 2Pt 2.7.. 17Ary nony efa tafavoakany tany ivelan’ny tanàna izy mianakavy, dia hoy ny anjely anankiray tamin’i Lôta:
–Avoty ny ainao ka aza miherika any aoriana ary aza mijanonjanona na aiza na aiza ato amin’ny faritany; mandosira eny an-tendrombohitra, fandrao levona ianao.
18Fa hoy i Lôta taminy:
–Tsia, Tompoko, aza atao izany izahay! 19Marina fa nahita fitia teo imasonao aho ary lehibe ny famindramponao tamiko tamin’ny namonjenao ny aiko. Kanefa tsy ho afaka mandositra hatrany an-tendrombohitra akory aho, dia ho tratry ny loza ka ho faty. 20Indro eto misy tanàna kely akaiky azo andosirana tsara, ka avelao aho hialoka ao. Tsy zavatra bitika ve io angatahiko io, dia ho voavonjy ny aiko?
21Ka hoy ilay anjely anankiray hoe:
–Eny àry, fa efa nekeko koa ny fangatahanao ka tsy hokasihiko ny tanàna izay voalazanao. 22Mandehana faingana miery ao, satria tsy afaka hanao na inona na inona aho ambara-pahatonganao ao. Izany no antony niantsoana io tanàna io hoe Tsôhara#19.22 Amin’ny teny hebreo ny anarana hoe Tsôhara dia mampahatsiaro ny voambolana nadika hoe kely eo amin’ny and 20..
23Efa niposaka ny masoandro no tonga tao Tsôhara i Lôta. 24Tamin’izay indrindra ny TOMPO no nampidina afo sy solifara avy tany an-danitra handoroana an’i Sôdôma sy i Gômôra, 25ka nandevona ireo tanàna ireo sy ny mponina rehetra tao aminy ary ny faritany manontolo sy ny zava-maniry rehetra tao aminy#19.25 And 24-25: ampit Mt 10.15; 11.23-24; Lk 10.12; 17.29; 1Pt 2.6; Jod 7.. 26Ary niherika tany aoriana#19.26 Jereo Lk 17.32. kosa ny vadin’i Lôta ka nanjary andry vongan-tsira.
27Ary nifoha maraina i Abrahama nony ampitso, ka nankany amin’ny toerana nifanatrehany tamin’ny TOMPO. 28Ary raha nitodika nijery an’i Sôdôma sy i Gômôra mbamin’ny velaram-paritany manontolo manodidina izy, dia nahita ny setroka niakatra avy ao amin’ny tany toy ny setroky ny lafaoro.
29Nony noravan’Andriamanitra ireo tanàna tamin’ny faritany nipetrahan’i Lôta, dia nahatsiaro an’i Abrahama Izy ka namela an’i Lôta hiala tao amin’ny lozam-paharavana.
I Lôta sy ny zanany vavy
30Natahotra ny hijanona tao Tsôhara i Lôta, koa nandao ny tanàna mba handeha honina any an-tendrombohitra. Niaraka taminy koa ny zanany roa vavy; ary nipetraka tao amin’ny zohy izy telo mianaka. 31Indray andro, dia hoy ilay zokiny tamin-jandriny:
–Antitra ity ny raintsika, ary tsy misy lehilahy eto amin’ny faritany mba hanambady antsika araka ny fanaon’ny tany rehetra. 32Noho izany, andeha hampisotrointsika divay ny raintsika, dia handry aminy isika ka hanan-taranaka avy amin’ny raintsika.
33Dia nampisotroin’izy roa divay ny rainy ny alin’io, ary avy ilay zokiny ka nandry tamin-drainy; nefa tsy fantatr’i Lôta mihitsy izay nandrian-drazazavavy na izay nifohazany. 34Nony ampitso dia hoy ilay zokiny tamin-jandriny:
–Indro efa nandry tamin’ny raiko aho halina! Andeha hampisotrointsika divay indray izy anio alina, dia tongava ianao handry aminy, dia hamelona taranaka avy amin’ny raintsika isika.
35Dia nampisotroiny divay indray ny rainy tamin’iny alina iny, ary avy ilay zandriny ka nandry taminy; nefa tsy fantatr’i Lôta mihitsy izay nandrian-drazazavavy na izay nifohazany.
36Koa bevohòka tamin-drainy ny zanak’i Lôta roa vavy. 37Niteraka zazalahy ilay zokiny, ka ny anarany nataony hoe Môaba. Izy no razamben’ireto Môabita#19.37 Amin’ny teny hebreo ny anarana hoe Môaba dia mampahatsiaro ny voambolana nadika hoe avy amin’ny ray. –Ny Môabita dia nipetraka tao amin’ny faritany atsinanan’ny Ranomasina Maty. ankehitriny ireto. 38Niteraka zazalahy ihany koa ilay zandriny, ka ny anarany nataony hoe Bena-Hamy. Izy no razamben’ireto Hamônita#19.38 Ny anarana hebreo hoe Bena-Hamy dia azo adika hoe zana-kavako. Ny Hamônita dia nonina tamin’ny ilan’ny faritany atsinanan’i Jôrdàna, teny amin’ny havoana ampitan’i Jôrdàna. ankehitriny ireto.
Селектирано:
Genesỳ 19: DIEM
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Dikanteny Iombonana Eto Madagasikara © Malagasy Bible Society, 2004.
Genesỳ 19
19
Afaka tamin’ny fandravana an’i Sôdôma i Lôta
1Nony hariva dia tonga tao Sôdôma ireo anjely roa. Nipetraka teo am-bavahadin’ny tanàna i Lôta tamin’izay#19.1 ireo anjely roa: jereo 18.2 sy nta. –teo am-bavahadin’ny tanàna i Lôta: jereo 13.12-13.. Raha vao nahita ireo izy, dia nitsangana hitsena azy ary niankohoka teo anatrehany 2sady niteny hoe:
–Miangavy re, Tompoko, mba mivilia hiantrano ao amiko ianareo; ka sasao ny tongotrareo, ary mandria anio alina fa rahampitso maraina no hanohy ny dia ianareo.
Ka hoy ny navalin’ireo anjely roa hoe:
–Tsia, fa ho eto an-kianja ihany izahay no handany ny alina.
3Fa noteren’i Lôta fatratra izy, ka nivily ary niditra tao an-tranony. Dia nanamboarany sakafo sy nanendasany mofo tsy misy leviora ireo, ka nihinana.
4Fa raha tsy mbola nandry akory ireo, dia efa voahodidin’ny lehilahy tao an-tanànan’i Sôdôma ny trano; teo avokoa na ny antitra na ny tanora, tsy nisy avakavaka. 5Dia niantso an’i Lôta ireo ka nanao taminy hoe:
–Aiza ireo lehilahy tonga teto aminao izao hariva izao? Avoahy atỳ izy hanaovanay firaisana.
6Dia nivoaka nankeo an-tokonana i Lôta, ka nanakatona ny varavarana teo ivohony, 7ary niteny tamin’ireo hoe:
–Tsia, ry havako, aoka tsy hanao ratsy ianareo. 8Manana zanakavavy roa mbola virijiny aho; hoentiko eto aminareo ireo hanaovanareo izay sitrakareo hatao aminy. Fa aza manao na inona na inona amin’ireo olona ireo, satria vahiniko ireo ary ao ambany tafon-tranoko#19.8 Ny fanajana ny fitsipika momba ny fampiantranoam-bahiny dia ambony noho ireo fiheverana hafa: jereo ny Mpits 19..
9Fa hoy ny navalin’ireo azy:
–Mialà teo ianao, ianao izay tonga hivahiny indray ve no hanao lalàna ho anay ankehitriny! Hasianay ratsy lavitra noho ireo ianao.
Dia nanosika mafy an’i Lôta ireo mba hisesika hamaky ny varavarana. 10Ary naninji-tanana ireto anjely mba hampiditra an’i Lôta hankao an-trano ho eo akaikiny; ary nohidiany ny varavarana. 11Fa ireo lehilahy teo am-baravaran’ny trano kosa nasiany fahajambana#19.11 fahajambana: ampit 2 Mp 6.18. na ny kely na ny lehibe ka tsy nahita ny varavarana hidirana.
12Ary hoy ireo anjely tamin’i Lôta:
–Mbola misy fianakavianao ve eto, toy ny vinantolahy na zanakalahy na zanakavavy na havana hafa? Ento mivoaka ny tanàna ireo, 13satria lehibe ny fitarainana tonga eo anatrehan’ny TOMPO momba ny mponina ao aminy; koa nirahin’ny TOMPO izahay handrava azy.
14Dia nivoaka ny trano i Lôta mba hiteny amin’ireo vinantony izay hanambady ny zanany vavy ka nanao hoe:
–Miaingà, ialao ity toerana ity fa horavan’ny TOMPO ny tanàna.
Saingy noheverin’ireo vinantony ho manao kivazivazy i Lôta.
15Ary raha vao nangiran-dratsy ny andro, dia nandodona an’i Lôta ireto anjely ka nanao hoe:
–Miaingà, ento ny vadinao sy ny zanakao roa vavy fandrao ho levona noho ny amin’ny fahotan’ity tanàna ity ianareo.
16Raha mbola nitaredretra i Lôta, dia notantanan’ny anjely izy mbamin’ny vady aman-janany ho any ivelan’ny tanàna noho ny famindrampon’ny TOMPO taminy#19.16 Jereo 2Pt 2.7.. 17Ary nony efa tafavoakany tany ivelan’ny tanàna izy mianakavy, dia hoy ny anjely anankiray tamin’i Lôta:
–Avoty ny ainao ka aza miherika any aoriana ary aza mijanonjanona na aiza na aiza ato amin’ny faritany; mandosira eny an-tendrombohitra, fandrao levona ianao.
18Fa hoy i Lôta taminy:
–Tsia, Tompoko, aza atao izany izahay! 19Marina fa nahita fitia teo imasonao aho ary lehibe ny famindramponao tamiko tamin’ny namonjenao ny aiko. Kanefa tsy ho afaka mandositra hatrany an-tendrombohitra akory aho, dia ho tratry ny loza ka ho faty. 20Indro eto misy tanàna kely akaiky azo andosirana tsara, ka avelao aho hialoka ao. Tsy zavatra bitika ve io angatahiko io, dia ho voavonjy ny aiko?
21Ka hoy ilay anjely anankiray hoe:
–Eny àry, fa efa nekeko koa ny fangatahanao ka tsy hokasihiko ny tanàna izay voalazanao. 22Mandehana faingana miery ao, satria tsy afaka hanao na inona na inona aho ambara-pahatonganao ao. Izany no antony niantsoana io tanàna io hoe Tsôhara#19.22 Amin’ny teny hebreo ny anarana hoe Tsôhara dia mampahatsiaro ny voambolana nadika hoe kely eo amin’ny and 20..
23Efa niposaka ny masoandro no tonga tao Tsôhara i Lôta. 24Tamin’izay indrindra ny TOMPO no nampidina afo sy solifara avy tany an-danitra handoroana an’i Sôdôma sy i Gômôra, 25ka nandevona ireo tanàna ireo sy ny mponina rehetra tao aminy ary ny faritany manontolo sy ny zava-maniry rehetra tao aminy#19.25 And 24-25: ampit Mt 10.15; 11.23-24; Lk 10.12; 17.29; 1Pt 2.6; Jod 7.. 26Ary niherika tany aoriana#19.26 Jereo Lk 17.32. kosa ny vadin’i Lôta ka nanjary andry vongan-tsira.
27Ary nifoha maraina i Abrahama nony ampitso, ka nankany amin’ny toerana nifanatrehany tamin’ny TOMPO. 28Ary raha nitodika nijery an’i Sôdôma sy i Gômôra mbamin’ny velaram-paritany manontolo manodidina izy, dia nahita ny setroka niakatra avy ao amin’ny tany toy ny setroky ny lafaoro.
29Nony noravan’Andriamanitra ireo tanàna tamin’ny faritany nipetrahan’i Lôta, dia nahatsiaro an’i Abrahama Izy ka namela an’i Lôta hiala tao amin’ny lozam-paharavana.
I Lôta sy ny zanany vavy
30Natahotra ny hijanona tao Tsôhara i Lôta, koa nandao ny tanàna mba handeha honina any an-tendrombohitra. Niaraka taminy koa ny zanany roa vavy; ary nipetraka tao amin’ny zohy izy telo mianaka. 31Indray andro, dia hoy ilay zokiny tamin-jandriny:
–Antitra ity ny raintsika, ary tsy misy lehilahy eto amin’ny faritany mba hanambady antsika araka ny fanaon’ny tany rehetra. 32Noho izany, andeha hampisotrointsika divay ny raintsika, dia handry aminy isika ka hanan-taranaka avy amin’ny raintsika.
33Dia nampisotroin’izy roa divay ny rainy ny alin’io, ary avy ilay zokiny ka nandry tamin-drainy; nefa tsy fantatr’i Lôta mihitsy izay nandrian-drazazavavy na izay nifohazany. 34Nony ampitso dia hoy ilay zokiny tamin-jandriny:
–Indro efa nandry tamin’ny raiko aho halina! Andeha hampisotrointsika divay indray izy anio alina, dia tongava ianao handry aminy, dia hamelona taranaka avy amin’ny raintsika isika.
35Dia nampisotroiny divay indray ny rainy tamin’iny alina iny, ary avy ilay zandriny ka nandry taminy; nefa tsy fantatr’i Lôta mihitsy izay nandrian-drazazavavy na izay nifohazany.
36Koa bevohòka tamin-drainy ny zanak’i Lôta roa vavy. 37Niteraka zazalahy ilay zokiny, ka ny anarany nataony hoe Môaba. Izy no razamben’ireto Môabita#19.37 Amin’ny teny hebreo ny anarana hoe Môaba dia mampahatsiaro ny voambolana nadika hoe avy amin’ny ray. –Ny Môabita dia nipetraka tao amin’ny faritany atsinanan’ny Ranomasina Maty. ankehitriny ireto. 38Niteraka zazalahy ihany koa ilay zandriny, ka ny anarany nataony hoe Bena-Hamy. Izy no razamben’ireto Hamônita#19.38 Ny anarana hebreo hoe Bena-Hamy dia azo adika hoe zana-kavako. Ny Hamônita dia nonina tamin’ny ilan’ny faritany atsinanan’i Jôrdàna, teny amin’ny havoana ampitan’i Jôrdàna. ankehitriny ireto.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Dikanteny Iombonana Eto Madagasikara © Malagasy Bible Society, 2004.