Genesỳ 23
23
Nividy fasana ho an’i Sarà i Abrahama
1Rehefa niaina 127 taona i Sarà, 2dia maty tao Kiriata-Arbà, izany hoe tao Hebrôna, any amin’ny tany Kanahàna. Dia tonga i Abrahama mba hisaona sy hitomany an’i Sarà. 3Dia nitsangana niala teo amin’ny faty izy ary lasa niteny tamin’ny terak’i Heta hoe:
4–Vahiny sy mpifindra monina ihany aho eto aminareo. Omeo toeram-pandevenana eto aminareo aho mba handevenako ny vadiko#23.4 Vahiny: jereo Heb 11.9-13. –Momba ny fividianana fasana: ampit Asa 7.16..
5Dia namaly azy ny terak’i Heta hoe:
6–Tompokolahy ô, mba mihainoa anay: filoha notahin’Andriamanitra ianao teto anivonay, koa aleveno ao amin’izay fasana tsara indrindra eto aminay ny vadinao. Tsy hisy aminay hisakana ny fasany tsy handevenana ny razana.
7Nitsangana i Abrahama ka niankohoka teo anoloan’ny terak’i Heta, vahoaka tompon-tany, 8ka niteny tamin’ireo hoe:
–Raha ekenareo tokoa àry ny handevenana ny vadiko eto, dia anaovy fanelanelanana amin’i Hefrôna zanakalahin’i Tsôhara aho 9mba hanomezany ahy ny lava-bato ao Makpelà amin’ny sisin’ny sahany. Aoka ho amin’ny tena vidiny no hanomezany azy ho ahy eto anatrehanareo ho toeram-pandevenana.
10Ary i Hefrôna ilay Hetita#23.10 Hetita: jereo ny FTS amin’ny voambolana hoe AMÔRITA. tamin’izay dia nipetraka teo anivon’ny olona tafavory. Koa namaly an’i Abrahama izy mba ho ren’ny Hetita rehetra tonga teo am-bavahadin’ny tanàna, ka nanao hoe:
11–Tsia, tompokolahy, fa henoy aho! Ny saha dia omeko anao ary ny lava-bato izay eo aminy koa dia omeko anao; eto imason’ireto mpiray foko amiko no anomezako azy maimaim-poana; koa aleveno ao ny fatin’ny vadinao.
12Fa niankohoka teo anatrehan’ny vahoaka tompon-tany indray i Abrahama, 13dia niteny tamin’i Hefrôna mba ho ren’ny besinimaro ka nanao hoe:
–Raha marina fa hihaino ahy tokoa ianao, mba raiso avy amiko ny vidin’ny saha efa natolotro; dia haleviko ao tokoa ny fatin’ny vadiko.
14Dia namaly an’i Abrahama indray i Hefrôna hoe:
15–Tompokolahy ô, henoy aho! Izay tany lanjambidy efajato sekela volafotsy ve dia ho inona amiko sy aminao? Fa aleveno ny fatin’ny vadinao.
16Dia nifanaraka tamin’i Hefrôna i Abrahama ka nandoa ny vola izay voalazany teo anatrehan’ireto Hetita, dia sekela volafotsy efajato fampiasa amin’ny mpivarotra. 17Koa ny sahan’i Hefrôna izay tao Makpelà akaikin’i Mamre, izany hoe ny saha sy ilay lava-bato tao aminy mbamin’ny hazo rehetra tao anatin’ny faritra manodidina azy, dia natao varo-maty 18tamin’i Abrahama mba ho fananany. Vavolombelon’izany ny Hetita rehetra tonga nivory teo am-bavahadin’ny tanàna.
19Taorian’izany i Abrahama dia nandevina ny fatin’ny Sarà vadiny, tao amin’ilay lava-bato tao amin’ny saha Makpelà akaikin’i Mamre, izany hoe Hebrôna ao amin’ny tany Kanahàna. 20Koa ny saha sy ilay lava-bato ao aminy dia nataon’ny terak’i Heta varo-maty tamin’i Abrahama mba ho toeram-pandevenana.
Селектирано:
Genesỳ 23: DIEM
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Dikanteny Iombonana Eto Madagasikara © Malagasy Bible Society, 2004.