Luka 3
3
Yohon Baptisma djüw ichi shi-ñu.
1Bitiriyus kesar ñetrü i oje ĝütrüpom sese pontus ñe pilatus naksü ñetrü nugo da shüi sese, seyo Galili ge Hirodes Ituriya bi, seyo Trakonitis ge, ichi uñuw Filipus bi, sündalye Abilene ge ye Lisaniyas i chotai go nugo. 2Seyo sese Hanna ñe Kefa naksü saw-lyiiw müga, seta-sera Tawgyew ichi shi-ñu ye, ge bye ge Dzakariya ichi üsaw Yohontrü ge dzühuku. 3Sündalye i Yordon itrüĝañ go vyew ñetrü, ñetrü ge jiñe, lalo muchojoñe drü-lu ye vyegudoweñe baptisma ifo ye trukülye. 4Yasayah i ñihow trulyedo shi-ñu kako ge ĝido ye. 5Kaguĝuahuw küñama kazeĝiyijome, seyo pu küñama seyo lüvzüw je lüñew daajo; seyo dju potro dama gudojo, seyo ha ye lüvzüw lüñew duma sena ĝabo rhugro lyijome 6Seyo lutuw chebiw ye vyew tawgyew ichi muchoaihuw hohujome. 7Upu deam na ichi ge baptisma lajoñe jihalye jikutsüi, sena i che, “He byu üsa nawa, bá küña chitruw dajobya, lusuvyuñe kalai yo kahatrükralyewe? 8Drü-lu vyegudofilawjo filaw dawe: seyo nudzoĝ nudzoĝ drü-lu ge ana vyelajo dawe, se ñi awu ye Abrahamñe; hado cheme no ba chengkoime, Tawgyew i he kunu yo je Abraham íbo agü lakülyefijobame. 9Seyo je ya bo puĝje ye shoñ ükrütrü ge vyedabi, sündada ha shoñ ha shoñ ye sheje uw yo majema, sena poskealye mi ge foajome” 10Seyo nüna na í djü? Sename ñi ha dajowa? 11I na tru, “Djuchi ge gye ksü duma? Sei nadrajo dawe djuchi ge ñima sei haĝiwe seyo djuchi ge tsajo duma, senaje süna datsüwe.” 12Seyo patso tsai na je Baptisma law jiku, seyo í dzü, “He trudrüiwwa, ñi ha dajobya?” 13I ná trutcho, “Djóbo ha vyeidama, se í fojelübzüw djulajo dawe.” 14Seyo rhünakew na je í ana dzü, “Ñi ha dajobya?” I ná chetcho, “Djudru ge je külü dju jowe, seyo mülaw-mütraw djufojo dawe, seyo nudzoĝ chiĝa dado ge lüshüjo dawe.” 15Sünda na se í vyeksüñe ĝyomkoi sese, seyo vyew na nadrü nalu ge Yohon ifo go vyemkoi sese ana vye, ashá he i Tawgyew moŝomachañe. 16Sündawñe Yohon i vyew ná che, “Nobó djo hu yo baptisma djüwbame, seŝoye i kalaime, nó cheje sawlyiw bolufow; no ivro ge ichi shita udro tashaijoje madawfijo sünabame, se i djo ĝulo güdraw seyo mi yo baptisma djüjome. 17Ichi ĝagra ye ichi ügzü a me; seyo i í ñetchü ye uw yo dagüdrajosome; seyo pulgü tcholado na üŝaka lakeĝijo, seyo üĝütchü na ye mi ge foajo se mi ye keje madzoñoajo.” 18Sündalye i nüna na dadrüñ dadrüñlye shi-ñu je truse süna da. Hirodes i yo dañe Yohon í pacheñe ge shüw.
Herodas i Yohan í pache ge kiw
19Seŝoye i Chotai ñetrü go nugo, Hirodes í iñuw Filipus ufum hirodiyas ifo go, vyew lalo datruw nafo sena sei í dado na fokülye. 20Hado cheholye Hirodes i vyew naĝi yo je i fow lalo je datru, sündada Yohon í pache ñe ge shü vye.
Yohan yo Jisu í baptisma djüw
21Sese vyew na baptisma latsüwñe, seyo Jisu je baptisma lalyeñe küĝü ĝyo. Sündawñe ñedzü müsaag. 22Seyo ĝulo-güdraw ye paĝusa dañe idru ge ĝudrokülya, sünda ñedzüdru go ñu zekülye “Ba nó saw me, ba yo no ŝüpo lüshüdame. Jisu ichi samulo.”
Jisu ichi galyiw
23Jisu i shi-ñu trukülyew sese i oje dzüĝü kudabi seyo ñi danghuw ge í Josef üsaw cheñe. Seyo i tawgyewchi, 24Seyo i se Mantat íbo, seyo Nabi íbo, seyo Malki íbo, seyo Anna íbo, seyo Yusuf íbo, 25Seyo i Mantiyag íbo, seyo i Amos íbo, seyo i Nahun íbo, seyo i Asaliya íbo, seyo Naggai íbo, 26Seyo i Mat íbo, seyo Matiyah íbo, seyo i Simi íbo, seyo i Yoseg íbo, Seyo i Yoda íbo, 27Seyo i Yohonna Íbo, Seyo Neri íbo, 28Seyo i Malki íbo, Seyo Adi íbo, seyo i Kosam Íbo, seyo i Alamdam íbo, seyo i Er íbo, 29Seyo i Jisu Íbo, Seyo i Aliyejer íbo, Seyo i Yorim íbo, seyo i Mantat íbo, seyo i Levi, 30Seyo i Simon íbo, Seyo i Yahuda íbo, Seyo i Yusuf íbo, seyo i Yonan íbo, seyo i Eliyakim íbo, 31Seyo i Maleyah íbo, Seyo i Minnah íbo, seyo i Mantat íbo, seyo i Natan íbo, seyo i Dawud íbo, 32Seyo i Yise íbo, seyo i Obed íbo, seyo i Boj íbo, seyo i Salmon íbo, seyo i Nason íbo, 33Seyo i Aminadab íbo, seyo i Arni íbo, seyo i Henson íbo, seyo i Peres íbo, seyo i Yahuda íbo, 34Seyo i Yakub íbo, seyo i Isahag íbo, seyo i Abraham íbo, seyo i Terah íbo, seyo i Nahor íbo, 35Seyo i Sarug íbo, seyo i Rawu íbo, seyo i Peleg íbo, seyo i Eber íbo, seyo i Shilah íbo, 36Seyo i kenan íbo, seyo i Arafzed íbo, seyo i Shom íbo, seyo Nuh íbo, seyo Lemeg íbo, 37Seyo i Matushilah íbo, seyo i Hanok íbo, seyo i Yirid íbo, seyo i Mahallel íbo, seyo i Kenan íbo, 38Seyo i Eson íbo, seyo i Set íbo, seyo i Adam íbo, seyo Tawgyew ichi üsawwa.
Селектирано:
Luka 3: HBe
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се