ಮಾರ್ಕ್ 15
15
ಜೆಜುಕ್ ಪಿಲಾತಾಕ್ಡೆ ಘೆವ್ನ್ ಯೆಲ್ಯಾನಿ
ಮಾತೆವ್ 27:1-2; 11:14; ಲುಕ್ 23:1-5; ಜುವಾಂವ್ 18:28-38
1ಸಕ್ಕಾಳಿ ನಸ್ಕಾತ್ ಮುಖ್ಯ ಯಾಜಕಾನಿ ಲಗುಲಗುನಾ, ಜಾನ್ತ್ಯಾಕ್ನಿ, ಖಾಯ್ದೆ ಸಿಕ್ವುತಲ್ಯಾಕ್ನಿ ಅನಿ ಸಗ್ಳಿ ಸಭಾ ಮಿಳುನ್ ಕಾಯ್ ಕರ್‍ತಲೆ ಮನುನ್ ಸಗ್ಳೆ ಯವ್ಜುನ್ ಘೆಟ್ಲ್ಯಾನಿ. ಅನಿ ಸರ್‍ಪೊಳ್ಯಾನಿ ಭಾಂದುನ್ ತೆಕಾ ಪಿಲಾತಾಕ್#15:1 ಪಿಲಾತ್ ಜುದೆವಾಂಚೊ ದೆಸ್ ಚಾಲ್ವುನ್ ಘೆವ್ಕ್ ರೊಮಾತ್ನಾ ಧಾಡಲ್ಲೊ, ಎಕ್ ರೊಮಾಚೊ ಅದಿಕಾರಿ ಒಪಸ್ಲ್ಯಾನಿ. 2ಪಿಲಾತಾನ್ ತೆಕಾ “ತಿಯಾ ಜುದೆವಾಂಚೊ ರಾಜಾ ಕಾಯ್?” ಮನುನ್ ಇಚಾರಲ್ಲ್ಯಾಕ್, ಜೆಜುನ್ “ತಿಯಾ ಸಾಂಗಲ್ಲ್ಯಾ ಸರ್ಕೆಚ್” ಮನುನ್ ಜಾಬ್ ದಿಲ್ಯಾನ್.
3ಮುಖ್ಯ ಯಾಜಕಾನಿ ಜೆಜುಚ್ಯಾ ವರ್ತಿ ಸುಮಾರ್ ಅಪ್ವಾದಾ ಘಾಟ್ಲ್ಯಾನಿ. 4ತಸೆ ಮನುನ್ ಪಿಲಾತಾನ್ ಅನಿ ಎಗ್ದಾ ತೆಕಾ “ಹಿ ಲೊಕಾ ತುಜೆ ವರ್ತಿ ಯವ್ಡಿ ಲೈ ಅಪ್ವಾದಾ ಘಾಲುಲ್ಯಾತ್ ಅನಿ ತಿಯಾ ಕಾಯ್ಬಿ ಸಾಂಗಿನೆ?” ಮನುನ್ ಇಚಾರ್‍ಲ್ಯಾನ್.
5ಅನಿ ಬಿ ಜೆಜುನ್ ಎಕ್ ಶಬ್ದ್ ಸೈತ್ ಬೊಲುಕ್ನಾ, ಹೆ ಬಗುನ್ ಪಿಲಾತ್ ಅಜಾಪ್ ಹೊಲೊ.
ಜೆಜುಕ್ ಮರ್‍ನಾಚಿ ಶಿಕ್ಷಾ ದಿಲ್ಲೆ
ಮಾತೆವ್ 27:15-31; ಲುಕ್ 23:13-25; ಜುವಾಂವ್ 18:39—19:16
6ಜುದೆವಾಂಚ್ಯಾ ರಾಜ್ ಅದಿಕಾರಿ ಪಿಲಾತಾನ್ ಹರಿಎಕ್ ವರ್ಸಾ ಪಾಸ್ಕಾಚ್ಯಾ ಸನಾಚ್ಯಾ ಎಳಾರ್ ಲೊಕಾನಿ ಇಚಾರಲ್ಲ್ಯಾ ಎಕ್ ಕೈದಿಕ್ ಸೊಡ್ತಲಿ ಎಕ್ ಪದ್ದತ್ ಹೊತ್ತಿ. 7ತ್ಯಾ ಎಳಾರ್ ಡಂಗೊ ಉಟ್ವುನ್ ಲೊಕಾಕ್ನಿ ಜಿವಾನಿ ಮಾರಲ್ಲೊ ಬಾರಾಬ್ಬಾಸ್ ಮನ್ತಲೊ ಮಾನುಸ್ ಬಂಧಿಖಾನ್ಯಾತ್ ಹೊತ್ತೊ. 8ವರ್ಸಾಚ್ಯಾ ಬಾಸೆನ್ ಅಮ್ಕಾ ಎಕಾ ಕೈದಿಕ್ ಸೊಡುನ್ ದಿ ಮನುನ್ ಸಗ್ಳ್ಯಾ ಲೊಕಾನಿ ಮಿಳುನ್ ಪಿಲಾತಾಕ್ ಇಚಾರ್‍ಲ್ಯಾನಿ. 9ತನ್ನಾ ಪಿಲಾತಾನ್ ತೆಂಕಾ "ಜುದೆವಾಂಚ್ಯಾ ರಾಜಾಕ್ ಮಿಯಾ ತುಮ್ಕಾ ಸೊಡುನ್ ದಿವ್ಕಾಯ್?" ಮನುನ್ ಇಚಾರ್‍ಲ್ಯಾನ್. 10ಮುಖ್ಯ ಯಾಜಕಾನಿ ಪೊಟಾತ್ ಆಗ್ ಪಡುನ್ ಜೆಜುಕ್ ಧರುನ್ ಅಪ್ನಾಕ್ಡೆ ಘೆವ್ನ್ ಯೆಲ್ಯಾತ್ ಮನುನ್ ಪಿಲಾತಾಕ್ ಗೊತ್ತ್ ಹೊತ್ತೆ.
11ಖರೆ ಮುಖ್ಯ ಯಾಜಕಾನಿ ಲೊಕಾಂಚ್ಯಾ ತಾಂಡ್ಯಾಕ್ ಬಾರಾಬ್ಬಾಸಾಕ್ ಸೊಡ್ ಮನುನ್ ಸಾಂಗಾ ಮನುನ್ ಸಾಂಗುನ್ ಥವಲ್ಲ್ಯಾನಿ. ತಸೆ ಮನುನ್ ಲೊಕಾನಿ “ಬಾರಾಬ್ಬಾಸಾಕ್ ಸೊಡ್” ಮನುನ್ ಇಚಾರ್‍ಲ್ಯಾನಿ. 12ಪಿಲಾತಾನ್ ಲೊಕಾಂಚ್ಯಾ ತಾಂಡ್ಯಾಕ್ “ತಸೆ ಜಾಲ್ಯಾರ್, ತುಮಿ ಜುದೆವಾಂಚೊ ರಾಜಾ ಮನುನ್ ಮನ್ತಲ್ಯಾ ಹ್ಯಾ ಮಾನ್ಸಾಕ್ ಮಿಯಾ ಕಾಯ್ ಕರುಚೆ?” ಮನುನ್ ಇಚಾರ್‍ಲ್ಯಾನ್.
13ತೆನಿ ಫಾಟ್ನಾ ಬೊಬ್ ಮಾರುನ್ “ತೆಕಾ ಕುರ್ಸಾ ವರ್ತಿ ಮಾರ್!” ಮಟ್ಲ್ಯಾನಿ.
14ಖರೆ ಪಿಲಾತಾನ್ “ತೆನಿ ಕಾಯ್ ಚುಕ್ ಕರ್‍ಲ್ಯಾನಾಯ್?” ಮನುನ್ ಇಚಾರ್‍ಲ್ಯಾನ್. ಖರೆ ತೆನಿ ಜೊರಾನ್ “ತೆಕಾ ಕುರ್ಸಾ ವರ್ತಿ ಮಾರ್” ಮನುನ್ ಬೊಬ್ ಮಾರ್‍ಲ್ಯಾನಿ.
15ಲೊಕಾಕ್ನಿ ಕುಶಿ ಕರುಕ್ ಮನುನ್ ಪಿಲಾತಾನ್ ಬಾರಾಬ್ಬಾಸಾಕ್ ತೆಂಚೆ ಸಾಟ್ನಿ ಸೊಡುನ್ ದಿಲ್ಯಾನ್. ಮಾನಾ ಜೆಜುಕ್ ಬಾರ್‍ಕೊಲಾನಿ ಮಾರುನ್ ಕುರ್ಸಾರ್ ಮಾರುಕ್ ಮನುನ್ ಸಯ್ನಿಕಾಂಚ್ಯಾ ಹಾತಾತ್ ಒಪಸ್ಲ್ಯಾನ್. 16ಪಿಲಾತಾಚ್ಯಾ ಸಯ್ನಿಕಾನಿ ಜೆಜುಕ್ ರಾಜ್ ಭವನಾಚ್ಯಾ ಭುತ್ತುರ್ ಘೆವ್ನ್ ಗೆಲ್ಯಾನಿ. ಮೊಟೆ-ಮೊಟೆ ಅದಿಕಾರಿ ಜಮ್ತಲೊ ಜಾಗೊ ತೊ ಅನಿ ಸಗ್ಳ್ಯಾ ಸಯ್ನಿಕಾಕ್ನಿ ಥೈ ಬಲ್ವುಲ್ಯಾನಿ. 17ಮಾನಾ ಸಯ್ನಿಕಾನಿ ಜೆಜುಕ್ ರಾಜಾನ್ ನೆಸ್ತಲಿ ಅಂಗಿ ನೆಸ್ವುಲ್ಯಾನಿ ಅನಿ ಕಾಟ್ಯಾಂಚ್ಯಾ ಎಲಿನ್ ಎಕ್ ಕಿರಿಟ್ ಕರುನ್ ಜೆಜುಚ್ಯಾ ಟಕ್ಲ್ಯಾ ವರ್ತಿ ಥವ್ಲ್ಯಾನಿ. 18ಅನಿ ಮಾನಾ “ಜುದೆವಾಂಚ್ಯಾ ರಾಜಾ ನಮಸ್ತೆ ತುಕಾ” ಮನುನ್ ತೆಕಾ ಮನಿತ್. 19ತೆನಿ ತೆಚ್ಯಾ ಟಕ್ಲ್ಯಾ ವರ್ತಿ ಭೆತ್ತಾಚ್ಯಾ ಖಾಟಿನಿ ಮಾರುನ್, ತೊಂಡಾ ವರ್ತಿ ಥುಕುನ್, ಇದ್ರಾಕ್ ಡೊಗ್ಲಾ ಟೆಕುನ್ ತೆಚಿ ತುಜ್ಯಾ ಕರ್ಲ್ಯಾ ಸಾರ್ಕೆ ನಾಟಕ್ ಕರುನ್ ತೆಕಾ ಎಡ್ಸಡುನ್ ದಾಕ್ವುಲಾಗಲ್ಲ್ಯಾನಿ. 20ಅಶೆ ಎಡ್ಸಡುನ್ ಹೊಲ್ಲ್ಯಾ ಮಾನಾ, ಸಯ್ನಿಕಾನಿ ಜೆಜುಕ್ ನೆಸ್ವಲ್ಲಿ ರಾಜಾ ನೆಸ್ತಲಿ ಅಂಗಿ ಕಾಡುನ್ ತೆಚೆ ಅದ್ದಿ ಹೊತ್ತೆ ಕಪ್ಡೆ ನೆಸ್ವುಲ್ಯಾನಿ, ಅನಿ ತೆಕಾ ಕುರ್ಸಾ ವರ್ತಿ ಮಾರುಕ್ ಘೆವ್ನ್ ಗೆಲ್ಯಾನಿ.
ಜೆಜುಕ್ ಕುರ್ಸಾ ವರ್ತಿ ಮಾರ್‍ತಲೆ
ಮಾತೆವ್ 27:32-44; ಲುಕ್ 23:26-43; ಜುವಾಂವ್ 19:17-27
21ತನ್ನಾ ಸಿರೆನ್ ಮನ್ತಲ್ಯಾ ಗಾಂವಾತ್ಲೊ ಸಿಮಾವ್ ಶೆತಾಕ್ನಾ ಯೆತಾನಾ ಸಯ್ನಿಕಾನಿ ತೆಕಾ ಜೆಜುಚೊ ಕುರಿಸ್ ವಾವುನ್ ಘೆವ್ನ್ ಜಾವ್ಕ್ ಒತ್ತಾಯ್ ಕರ್‍ಲ್ಯಾನಿ ಸಿಮಾವ್, ಅಲೆಕ್ಸಾಂಡರ್ ಅನಿ ರುಫಸ್ ತೆಂಚೊ ಬಾಬಾ.
22ಅಶೆ ತೆನಿ ಜೆಜುಕ್ ಗೊಲ್ಗೊಥಾ ಮನ್ತಲ್ಯಾ ಜಾಗ್ಯಾಕ್ ಘೆವ್ನ್ ಗೆಲ್ಯಾನಿ. ಗೊಲ್ಲೊಥಾ ಮಟ್ಲ್ಯಾರ್ ಟಕ್ಲ್ಯಾಚ್ಯಾ ಬುರ್ಡಯಾಚೊ ಜಾಗೊ, 23ಥೈ ತೆನಿ ತೆಕಾ ರಗಾತ್ಬೊಳ್#15:23 ಹ್ಯೊ ಎಕ್ ಝಾಡಾಚೊ ಚಿಕ್, ಹ್ಯೊ ಲೈ ಕಡೆ ವಾಪರ್ತಾತ್. ಹೆ ಲೈ ಕಿಮ್ತಿಚೊ ಚಿಕ್ ಹೆ ವಾಯ್ನಾಚ್ಯಾ ವಾಂಗ್ಡಾ ಮಿಸ್ಳುನ್ ಫಿಲ್ಯಾರ್ ದುಕ್ ಕಮಿ ಹೊತಾ ಮಿಸಳ್ ಕರಲ್ಲೊ ವಾಯ್ನ್ ಫಿವ್ಕ್ ದಿಲ್ಯಾನಿ.ಖರೆ ಜೆಜುನ್ ತೆ ಫಿವ್ಕ್ ನಾ. 24ಸಯ್ನಿಕಾನಿ ಜೆಜುಕ್ ಕುರ್ಸಾ ವರ್ತಿ ಮಾರುನ್, ಚಿಟಿಯಾ ಘಾಲುನ್ ತೆಚೆ ಕಪ್ಡೆ ಕೊನಾಕ್ ಯೆತ್ಯಾತ್ ಮನುನ್ ವಾಟುನ್ ಘೆಟ್ಲ್ಯಾನಿ. 25ಜೆಜುಕ್ ಕುರ್ಸಾ ವರ್ತಿ ಮಾರ್ತಾನಾ ಜಗ್ಗೊಳ್-ಜಗ್ಗೊಳ್ ಸಕ್ಕಾಳ್ಚೆ ನ್ಹವ್ ಘಂಟೆ ಹೊಲ್ಲೆ.
26ಜೆಜುಚ್ಯಾ ವರ್ತಿ ಘಾಟಲ್ಲೊ ಅಪ್ವಾದ್ “ಜುದೆವಾಂಚೊ ರಾಜಾ” ಮನುನ್ ಲಿವಲ್ಲೆ ಥೈ ಹೊತ್ತೆ. 27ಜೆಜುಚ್ಯಾ ವಾಂಗ್ಡಾ ದೊನ್ ಚೊರಾಕ್ನಿಬಿ ಕುರ್ಸಾರ್ ಮಾರಲ್ಲ್ಯಾನಿ, ಎಕ್ಲ್ಯಾಕ್ ಉಜ್ವ್ಯಾ ಬಾಜುಕ್ ಅನಿ ಎಕ್ಲ್ಯಾಕ್ ಡಾವ್ಯಾ ಬಾಜುಕ್. 28#15:28 28 ವೆಚೆ ಗೊಸ್ಟ್ ಉಲ್ಲ್ಯಾ ಗ್ರಿಕ್ ಪ್ರತಿಯಾತ್ನಿ ನಾ, ಅಶೆ ಪವಿತ್ರ್ ಪುಸ್ತಕಾತ್ ಲಿವಲ್ಲ್ಯಾ ಪರ್‍ಕಾರ್, “ಚೊರಾಂಚೊ ವಾಂಗ್ಡಿ” ಮನುನ್ ಘೆಟ್ಲ್ಯಾನ್.
29ಥೈತ್ನಾ ಹಿಕ್ಡಿ-ತಿಕ್ಡಿ ದಾಟುನ್ ಜಾತಲಿ ಲೊಕಾನಿ ಟಕ್ಲೆ ಹಾಲ್ವುನ್ಗೆತ್ “ತಿಯಾ ದೆವಾಚಿ ಗುಡಿ ಮೊಡುನ್ ತಿನ್ ದಿಸಾತ್ನಿ ಭಾಂದ್ತಾ ಮಟಲ್ಲೆ, 30ಅತ್ತಾ ಕುರ್ಸಾ ವೈನಾ ಉತ್ರುನ್ ತುಕಾಚ್ ತಿಯಾ ಹುರ್ವುನ್ ಘೆ!” ಮನುನ್ ಎಡ್ಸಡ್ಲ್ಯಾನಿ.
31ಥೈ ಹೊತ್ತೆ ಮುಖ್ಯ ಯಾಜಕಾ ಅನಿ ಖಾಯ್ದೆ ಸಿಕ್ವುತಲೆಬಿ “ಹೆನಿ ದುಸ್ರ್ಯಾಕ್ನಿ ಬಚಾವ್ ಕರ್‍ಲ್ಯಾನ್, ಖರೆ ಅಪ್ನಾಕುಚ್ ಬಚಾವ್ ಕರುಕ್ ಹೊಯ್ನಾ, 32ಮೆಸ್ಸಿಯಾ, ಇಸ್ರಾಯೆಲಾಚೊ ರಾಜಾ ಅತ್ತಾ ಕುರ್ಸಾ ವೈನಾ ಉತ್ರುನ್ ಯೆಂವ್ದಿ ಬಗುವಾ, ತನ್ನಾ ತೆಚ್ಯಾ ವರ್ತಿ ಅಮಿ ವಿಶ್ವಾಸ್ ಥವ್ತಾವ್”. ಮಟ್ಲ್ಯಾನಿ,
ಜೆಜುಚ್ಯಾ ಅಜು-ಬಾಜುಕ್ ಕುರ್ಸಾರ್ ಮಾರಲ್ಲ್ಯಾ ಚೊರಾನಿಬಿ ತಸೆಚ್ ಎಡ್ಸಡ್ಲ್ಯಾನಿ.
ಜೆಜುಚೆ ಮರಾನ್
ಮಾತೆವ್ 27:45-56; ಲುಕ್ 23:44-49; ಜುವಾಂವ್ 19:28-30
33ಸುಮಾರ್ ದೊಪಾರ್ಚೆ ಬಾರಾ ಘಂಟ್ಯಾಕ್ನಾ ತಿನ್ ಘಂಟ್ಯಾ ಸಗೊಳ್ ತಿನ್ ತಾಸ್ ಸಗ್ಳ್ಯಾ ದೆಸಾತ್ ಕಾಳೊಕ್ ಹೊಲ್ಲೊ 34ತಿನ್ ಘಂಟ್ಯಾಕ್ ಜೆಜುನ್ ಜೊರಾನ್ “ಎಲೊಯಿ, ಎಲೊಯಿ ಲಾಮಾ, ಸಬಾಕ್ತಾನಿ?#15:34 ಜೆಜು ಅಪ್ನಾಚ್ಯಾ ಸ್ವಂತ್‍ ಬಾಸೆತ್ ಬೊಲ್ತಾ.ಹಿ ಅರಾಮಿಕ್ ಬಾಸೆಚಿ ಶಬ್ದಾ" ತಸೆ ಮಟ್ಲ್ಯಾರ್ "ಮಾಜ್ಯಾ ದೆವಾ, ಮಾಜ್ಯಾ ದೆವಾ, ತಿಯಾ ಮಾಕಾ ಕಶ್ಯಾಕ್ ಸೊಡ್ಲೆ?”#15:34 ಕಿರ್ತನ್ 22:1 ಮನುನ್ ಬೊಬ್ ಮಾರ್‍ಲ್ಯಾನ್.
35ಹೆ ಆಯ್ಕುನ್ ಥೈ ಹೊತ್ತ್ಯಾ ಲೊಕಾನಿ “ಆಯ್ಕಾ! ತೊ ಎಲಿಯಾಕ್ ಬಲ್ವುಲಾ”, ಮಟ್ಲ್ಯಾನಿ. 36ತನ್ನಾ ಥೈ ಹೊತ್ತೊ ಎಕ್ಲೊ ಪಳುನ್ ಗೆಲೊ ಅನಿ ಪಾನಿ ವೊಡುನ್ ಘೆತಲೊ ಕಾಪ್ಸಾ ಸರ್ಕೊ ಕಪ್ಡೊ ಘೆವ್ನ್ ಅಂಬೊಟ್ಲ್ಯಾ ವಾಯ್ನಾತ್ ಬುಡ್ವುನ್ ಎಕ್ ಝಲ್ಲೆಕ್ ಶಿರ್ಕುನ್ ಜೆಜುಚ್ಯಾ ಹೊಟ್ಟಾಕ್ನಿ ಲಾವುನ್ಗೆತ್ “ಎಲಿಯಾ ತೆಕಾ ಕುರ್ಸಾ ವೈನಾ ಖಾಲ್ತಿ ಉತ್ರುಕ್ ಯೆತಾ ಕಾಯ್ ಬಗುವಾ” ಮಟ್ಲ್ಯಾನ್.
37ತನ್ನಾ ಜೆಜುನ್ ಮೊಟ್ಯಾನ್ ಬೊಬ್ ಮಾರ್‍ಲ್ಯಾನ್ ಅನಿ ಅಪ್ನಾಚೊ ಜಿವ್ ಸೊಡ್ಲ್ಯಾನ್.
38ತನ್ನಾ ದೆವಾಚ್ಯಾ ಗುಡಿಚೊ ಫಡ್ದೊ ವೈನಾ ಖಾಲ್ತಿ ಸಗೊಳ್ ದೊನ್ ಭಾಗ್ ಹೊವ್ನ್ ಪಿಂಜುನ್ ಗೆಲೊ. 39ತನ್ನಾ ಕುರ್ಸಾಚ್ಯಾ ಫಿಡ್ಯಾತ್ ಇಬೆ ಹೊತ್ತ್ಯಾ ಸೈನಿಕಾಂಚ್ಯಾ ತಾಂಡ್ಯಾಚ್ಯಾ ಮುಖಂಡಾನ್ ಜೆಜು ಜಿವ್ ಸೊಡ್ತಾನಾ ಕಾಯ್-ಕಾಯ್ ಹೊಲ್ಲೆ ಬಗುನ್ “ಹ್ಯೊ ಮಾನುಸ್ ಖರೆಚ್ ದೆವಾಚೊ ಲೆಕ್” ಮಟ್ಲ್ಯಾನ್.
40ಎಕ್ ಉಲ್ಲ್ಯಾ ಬಾಯ್ಕೊಮನ್ಸಾ ಉಲ್ಲೆಸೆ ದುರ್ ಇಬೆ ರವ್ನ್ ಬಗುನ್ಗೆತ್ ಹೊತ್ತ್ಯಾ, ಮರಿ ಮಾಗ್ದೆಲಿನ್, ಜಾಕೊಬ್ ಅನಿ ಜೊಸೆಂಚಿ ಬಾಯ್ ಮರಿ ಜಾಕೊಬ್ ತಿಚೊ ಧಾಕ್ಲೊ ಲೆಕ್ ಅನಿ ಸಲೊಮಿ. 41ಹೆನಿ, ಜೆಜು ಗಾಲಿಲಿಯಾತ್ ರಾತಾನಾ ತೆಚ್ಯಾ ಫಾಟ್ನಾ ರಾವ್ನ್ ತೆಕಾ ಮಜತ್ ಕರಲ್ಲ್ಯಾನಿ, ಅನಿ ತೆಚ್ಯಾ ವಾಗ್ಡಾ ಜೆರುಜಲೆಮಾಕ್ ಯೆಲ್ಲ್ಯಾ ಬಾಯ್ಕೊಮಾನ್ಸಾಬಿ ಥೈ ಹೊತ್ತ್ಯಾ.
ಜೆಜುಚಿ ಸಮಾದಿ
ಮಾತೆವ್ 27:57-61; ಲುಕ್ 23:50-56; ಜುವಾಂವ್ 19:38-42
42ಸಾಂಜ್ ಹೊಂವ್ನ್ಗೆತ್ ಯೆಲ್ಲಿ, ತೊ ಸಾಬ್ಬಾತಾಚ್ಯಾ ದಿಸಾಚೊ ಅದ್ಲೊ ದಿಸ್ ಮಟ್ಲ್ಯಾರ್ ಸಾಬ್ಬಾತಾಚ್ಯಾ ತಯಾರಿಚೊ ದಿಸ್, 43ತಸೆ ಮನುನ್ ಅರೆಮಾಥಿಯಾ ಮನ್ತಲ್ಯಾ ಗಾಂವಾಚೊ ಜುಜೆ ಯೆಲೊ,ತೊ ಜುದೆವಾಂಚ್ಯಾ ಮಂತ್ರಿ ಮಂಡಳಾಚೊ ಮರ್ಯಾದಿಚೊ ಸದಸ್ಯಾ, ತೊ ದೆವಾಚ್ಯಾ ರಾಜ್ ಯೆತಲೆ ವಾಟ್ ಬಗುನ್ಗೆತ್ ಹೊತ್ತೊ, ತೊ ಧಯ್ರೊ ಕರುನ್ ಪಿಲಾತಾಕ್ಡೆ ಗೆಲೊ ಅನಿ ಜೆಜುಚೆ ಮಡೆ ಇಚಾರ್‍ಲ್ಯಾನ್. 44ಜೆಜು ಎವ್ಡ್ಯಾ ಲಗ್ಗುನಾ ಮರ್ಲೊ ಮನುನ್ ಆಯ್ಕುನ್ ಪಿಲಾತಾಕ್ ವಿಚಿತ್ರ್ ದಿಸ್ಲೆ.ಸೈನಿಕಾಂಚ್ಯಾ ಮುಖಂಡಾಕ್ ಪಿಲಾತಾನ್ ಬಲ್ವುನ್ “ಜೆಜು ಮರುನ್ ಲೈ ಎಳ್ ಹೊಲೊ ಕಾಯ್?” ಮನುನ್ ಇಚಾರ್‍ಲ್ಯಾನ್. 45ತ್ಯಾ ಸೈನಿಕಾಂಚ್ಯಾ ಮುಖಂಡಾಕ್ನಾ ಜೆಜು ಮರ್ಲೊ ಮನುನ್ ಆಯ್ಕುನ್ ಜುಜೆಕ್ ಜೆಜುಚೆ ಮಡೆ ಘೆವ್ನ್ ಜಾವ್ಕ್ ಪರ್ವಾನ್ಗಿ ದಿಲ್ಯಾನ್. 46ಜುಜೆನ್ ಮಡೆ ಸಮಾದಿ ಕರುಕ್ ವಾಪರ್ತಲೊ ಮ್ಹಾಗ್ರೊ ಕಪ್ಡೊ ಇಕಾತ್ ಘೆವ್ನ್ ಯೆಲ್ಯಾನ್, ಅನಿ ಜೆಜುಚೆ ಮಡೆ ಕುರ್ಸಾ ವೈನಾ ಉತ್ರುನ್ ತ್ಯಾ ಕಪ್ಡ್ಯಾತ್ ಲಪ್ಟುನ್ ಸಮಾದಿತ್ ಥವ್ಲ್ಯಾನಿ. ತಿ ಸಮಾದಿ ಎಕುಚ್ ಎಕ್ ಗುಂಡ್ಯಾತ್ ಕೆದರಲ್ಲಿ ಸಮಾದಿ ಹೊತ್ತಿ. ತೆನಿ ಸಮಾದಿಚ್ಯಾ ದಾರ್ ಎಕ್ ಮೊಟೊ ಗುಂಡೊ ಗುಳ್ವುನ್ ಧಾಪ್ಲ್ಯಾನ್. 47ತ್ಯಾ ಎಳಾರ್ ಮರಿ ಮಾಗ್ದೆಲಿನ್ ಅನಿ ಜೊಸೆಚಿ ಬಾಯ್ ಮರಿ ಹೆ ಸಗ್ಳೆ ಬಗುನ್ಗೆತ್ ಹೊತ್ತ್ಯಾನಿ ಅನಿ ಜೆಜುಚೆ ಮಡೆ ಖೈ ಥವಲ್ಲೆ ಹಾಯ್ ಮನುನ್ ತೆನಿ ಬಗುನ್ ಘೆಟ್ಲ್ಯಾನಿ.
Селектирано:
ಮಾರ್ಕ್ 15: NTSii24
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The New Testament in Siddi Language © The Word for the World International and Siddi Translation Samithi, Mundgod, Uttara Kannada, 2024.