Ubwandilo 1
1
Ipangwi ilya kupeliwa ukwa vintu
1Ukwandila ko kubwandilo u Chala akapela kumwanya ni chisu ichapasi. 2Ichisu ichapasi chitakaba na kabonekele akenecho, sona chitakaba na kantu nakamokamo. Ichisi chikaba panyanja inkulu, sona u Muzimu uwa Chala#1.2 u Muzimu uwa Chala: Pamo amaka agha Chala, pamo impepo iyakufuma kwa Chala, pamo impepo iyakuswighisya. akabulukabulukagha pamwanya pamizi ghalaghala.
3 #
2 Kol. 4.6
Po u Chala akati, “Ulukozyo lubeko.” Po naloli ulukozyo lukabako. 4U Chala akennya ukuti ulukozyo lula lukaba lwiza. Po akalulesannya ulukozyo lula ni chisi. 5Po akalwita ulukozyo lula ukuti, “Umusanya” po ichisi akachita ukuti, “Ubusiku.” Ubusiku bukamala, po indabindabi yikafika. Ili likaba lisiku ilyakwanda.
6 #
2 Pit. 3.5
Panapo na panapo u Chala akati, “Pabepo ichakulesannya amizi, kokuti amizi ghabanje pabuzilo bubili ubwakulekana.” Po naloli ichi chikabombiwa. 7U Chala akapela ichakulesannya chila nukugabannya amizi, ghamo pasi pa chakulesannya chila aghanji pamwanya. 8Ichakulesannya ichi akachita ukuti, “Kumwanya.” Ubusiku bukamala, po indabindabi yikafika. Ili likaba lisiku lyabubili.
9Po u Chala akati, “Amizi ghagho ghali pasi ghabungane pabuzilo boka, umwakuti ichisu ichumizu chibonekaye.” Po naloli ichi chikabombiwa. 10U Chala akachita ichisu ichumizu chila ukuti, “Ichisu ichapasi.” Po amizi ghagho ghakabungana pabuzilo boka akaghita ukuti, “Nyanja.” U Chala akennya ukuti ichi chikaba chiza bulo. 11Po u Chala akati, “Ichisu ichapasi chimezyanje ivibyalwa vyosi ivyakulekanalekana, vivyo vikwela ivikomwa ivya seke zizyo zili nu bwezya ubwakulekanalekana.” Po naloli ichi chikabombiwa. 12Ichisu ichapasi chikamezya ivibyalwa vyosi ivyakulekanalekana, po u Chala akennya ukuti ichi chikaba chiza bulo. 13Ubusiku bukamala, po indabindabi yikafika. Ili likaba lisiku lyabutatu.
14U Chala akati, “Kumwanya kubanjeko inkozyo izyakulekanalekana ukuti zilesannyanje umusanya nu busiku nukulanjizya akabalilo na masiku sona na maka. 15Inkozyo zinizi zikwiza pakulamagha kumwanya pakuchipa ichisu ichapasi ulukozyo.” Po naloli ichi chikabombiwa. 16U Chala akapela inkozyo inkulu nkani zibili: Akapela izuba ukuti lilamaye pamusanya, sona nu mwezi ukuti ghulamaye pabusiku. Akapela sona intondwa. 17U Chala akabika inkozyo zila kumwanya ukuti zilamilaye ichisu ichapasi 18ukuti zilamaye pamusanya na pabusiku, sona ukuti zilesannye ulukozyo ni chisi. U Chala akennya ukuti ichi chikaba chiza bulo. 19Ubusiku bukamala, po indabindabi yikafika. Ili likaba lisiku lyafolo.
20Po u Chala akati, “Leka munyanja mwizule ni vintu vyosi ivya bumi, sona ni viyuni vibulukaye mumwanya.” 21Po u Chala akapela ivintu ivikulu nkani ivya munyanja, ivintu vyosi ivya bumi vivyo vikwikala mumizi, sona ni viyuni vyosi ivyakulekanalekana. U Chala akennya ukuti ichi chikaba chiza bulo. 22U Chala akavisaya vyosi pakunena ukuti, “Munyamane nukwizula mumizi agha munyanja inkulu, sona vyope iviyuni vinyamane muchisu ichapasi.” 23Ubusiku bukamala, po indabindabi yikafika. Ili likaba lisiku lyafayivi.
24U Chala akanena sona akati, “Chileke ichisu ichapasi ukuti chibe ni vinyamana vyosi, ivitekwa ni vinyamana ivyakwavula ni vinyamana ivya muzi, ivikulu ni vinandi.” Po naloli ichi chikabombiwa. 25U Chala akavipela ivinyamana vyosi ivya muzi ivyakulekanalekana, ni vitekwa ivyakulekanalekana sona ni vinyamana vyosi ivyaluko nuluko ivyakwavula. Po u Chala akennya ukuti ichi chikaba chiza bulo.
26 #
1 Kol. 11.7
U Chala akati, “Zagha tumupange umuntu muchifwani chitu, umwakuti ayane bulo naswe. Umuntu yunuyu akwiza pakulaghila iswi izya munyanja ni viyuni ni vitekwa vyosi ni vinyamana ivya munkolongo sona ni vinyamana ivyakwavula.”
27 #
Ubw. 5.1-2
Po u Chala akamupela umuntu muchifwani chache
naloli akabapela muchifwani chache.
Akapela umwanavuli nu mukolo.
28U Chala akabasaya nukubabuzya ukuti, “Mupapanaye nukubala, sona mwizuzye ichisu ichapasi nukuchilaghila. Nkubapa ubulaghili pa iswi, ni viyuni, sona napa vinyamana vyosi ivyakwavula.”
29Po u Chala akati, “Ennya, nkubapa ivibyalwa vyosi ivyakulekanalekana na makwi ghagho ghakwela ivikomwa ukuti mulyanje. 30Loli ivinyamana vyosi ivya muzi, ni viyuni, sona ni vinyamana vyosi ivyakwavula, navipa isote ukuti vilyanje.” Po naloli ichi chikabombiwa.
31U Chala akavyennya vyosi vivyo akapela ukuti vikaba vyiza bulo. Ubusiku bukamala, po indabindabi yikafika. Ili likaba lisiku lyasikisi.
Селектирано:
Ubwandilo 1: LMB2024
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Lambya Bible © Bible Society of Malawi, 2024.